生活點子

新冷氣

尋晚仲係開風扇，今晚開冷氣喇！

人都發毛

三加一假期，第一日就散左。

神秘新娘約我今日去揀影婚紗相既衫。
出去之前同柴公吃一個早餐，幾溫馨呀！
(平時只會食到 tea，哈哈~)
去 My Dream Wedding，我搭錯升降機，去左十七樓，落後樓梯被困囉。
好在有張通告，話"如被困後樓梯，請致電xxxxxxxx"。
哈，笨蛋~

呢度安排幾好丫，每試一件，工作人員同新娘前後影相。
試哂後再俾新娘睇返 d 相慢慢揀。
d 衫好靚呀~ 我又想試呢~
呵呵呵~

試完我都冇同佢地食野就走咯。
敏感有 d 發作，街都冇心機行，直接搭車返屋企。

今日有人黎裝冷氣。
我返到去都未裝好。
柴公一直都話佢地裝得好核突。
機殼又爆左，要換過。
睇落，又係幾衰既，整污糟整崩 d 牆，唧玻璃膠又唧得核突。

舊機

新機

柴公要遙距上堂，我負責吸塵，換床單。
嘩，不得了，床都發毛喇！
暈！
抺到 d 汗一滴滴咁流...
仲要遇上一對會甩色既手套，搞到張床一撻撻，忟死我！

第一日假已經咁，聽日仲要返操，後日仲要同小朋友去街...
放假唔可以悠閒一下嘛~

是日晚餐 - 麻婆豆腐 (岩我口味，唔太辣架)

Labels: 一片瓦, 劃火柴

柴的電腦

今日行程緊湊。
先去買褂鞋。
呢個項目我冇乜要求，去返旺角樓梯底好出名果間度買。
呢間野都幾犀利喎，我諗有蒲 ESDlife 既人都會識。
真係好快，十五分鐘都唔知有冇就走得。

下一站去 Trinice 揀花。
上到去佢有再介紹架，不過免得花多眼亂，要返之前自己揀好果 d 款。

花球

俾四大長老既襟花

俾家姐姐夫哥哥同佢女友既襟花

俾兄弟姐妹既襟花手花

彷彿係一系列咁架，因為個個都有 d 白色小花！

約左亞生拿茶具。
佢實在太好人喇！
幫我向大陸買茶具，有平貨之餘，我仲可以慳返 d 車錢。

再下一站就係黃金。
今次到買柴仔既電腦。
不過佢唔好彩，個 case 向平果間冇貨，要去第間買貴 15 蚊，LCD 又冇左惠康 coupon 送。

大袋細袋返新居砌機。
又遇到困難喇！
SATA 頂住個火牛，搞好耐加夾粗黎先整到。
柴仔仲整到流血都唔知，我見到個機有血，佢先發現原來係佢流緊......

夜晚仲要招呼 E 記既朋友仔黎參觀。
呢班野唔賭唔舒服，不過我乜都冇，得好益智既 UNO。
哈哈，所以都冇坐好耐就散 lu~

好充實呀~

Labels: 一片瓦, 婚紗禮服, 工場 E, 星期三緊, 花球

Connected

打風打到十點，好過冇啦！

新屋果度，搞掂埋寬頻喇~
30 M 架！

Labels: 一片瓦

我的電腦

柴仔約左佢 d 中學同學飲早茶派帖。
因為有 bb 睇，所以我又跟埋去。
個 bb 好得意，好跟人，一 d 都唔扭計，個個都抱得玩得，笑哂咁，好好玩。
佢好鐘意個發聲鎚仔囉，打一下就係咁笑。
個波波玩具都如我地所想...要執...

飲完茶各有各走，我地出旺角交酒店尾數。
曾經睇過有人話經 agent book 酒店，當日去到收唔到房，希望我唔會咁黑仔啦。

出黃金買我部電腦喇！
全部柴仔話事，無腦買電腦，呵呵！
柴仔拿住太多野，我自己捐去買 keyboard。
約向地鐵站果邊出口等，結果，我向下面認錯路，捐錯左去麥當當果邊。
認路方面，都係無腦...
:-P

返左新居先，之後分頭行動。
柴仔回家拿砌機用品；我去買野飲，招呼今晚黎參觀既大學同學。
今次唔係向屋企食，去酒樓食完先上去，簡單 d 呀。
不過附近既食肆都好煩，只得 6:30 book，早左 dd 囉。

朋友仔走哂之後，我地開始砌機喇！
都搞左幾耐。
到差唔多得既時候，發現冇 power cord 囉...囧"
解決方發係...拿電飯煲果絛...哇哈哈哈！

開到機喇~wow~
點都試玩下先訓！
:-P

Labels: 一片瓦, 出門酒店, 書友仔 U

睇定目標

去黃金睇電腦，睇定目標，隨時出擊！
價錢同柴柴之前預算既差不多。
有 d 配件可能要換換。
柴柴話事，yeah~

同小王子小公主去街。
遇上朋友一家到訪...
沙膽小王子都退避三舍，小公主就梗加唔使講啦。
不過佢地會因為有我陪住而覺得安心，令我覺得好 warm 呀~

Labels: 一片瓦, 劃火柴

歡迎光臨

新屋一連幾個星期六既開放日開始喇！
第一批友人係我既中學同學。

叫 pizza 同買壽司向屋企食。
我低估左呢班人既食量囉。
唔夠飽既，真係唔好意思。

我又做左白痴野囉。
預備左相機影相，但係唔記得拿電......
=.="

Labels: 一片瓦, 書友仔 S

大災難

大災難！大災難！
慘不忍睹！慘不忍睹！

唔知點解無啦啦會走去睇檯底，發現左檯底發哂毛...
無啦啦又去睇下個衣櫃，又係發哂毛...
無啦啦再去睇下個書櫃，嘩，我 d Sailormoon 呀！！！
真係心痛到喊左出黎......
柴仔見到我咁既樣，佢都好無奈......

洗返 d 衫，d 書都係唔捨得...
用深色油油返張檯，但又彈到四圍係...
唉...

夜晚食餐好 d 啦。
買既燒味、罐頭湯、菜、白飯~
:-P

Labels: 一片瓦, 劃火柴, 煮飯仔

入伙

下午有緣去柴哥哥屋企喇。
由新居來回佢屋企，都好方便，小巴上落就向樓下之嘛。
所以睇完好快返到屋企，好快可以預備今晚既晚餐。

嘻嘻，呢餐就係入伙酒喇！
個湯...哇哈哈...

Labels: 一片瓦, 劃火柴

家庭日

柴仔有時都幾懵。
好似今日咁，唔記得帶鎖匙囉，要等我打救佢。
嘻嘻~

搬哂 d 相簿去新居，方便製作成長片段嘛。
添置垃圾桶、衣籃、攬枕，試下數碼通上網，吸下塵...
咁快已經咁係家庭日 feel。

唔得...去沙田行下街先。
搵唔到柴哥哥丫，唔係可以上佢新居睇下。
冇食正經晚餐，買左個蛋糕同一大支蔘蜜去公園開餐。
記得四年前既惠民署...嘻嘻...今次唔去咯~

Labels: 一片瓦, 劃火柴

對襯家

約左兩家人今晚食飯同去新居睇下。
就係呢個原因，我同柴柴就忙左成日。
補油、執書櫃、洗冷氣、吸塵、抹地、清理屍體、買酒 (係 Ar. B 呀~)、買杯...
情況就好似預備有高官到訪咁。

都係岩岩好搞掂，大軍就殺到。
先去食飯，地點係映山紅。
由於要一百蚊開瓶費，我地留返支酒返屋企至飲。
之前睇 esdlife 見人地話對襯家會講樣無謂野，今日我都有講：
「呢個係我爸爸，呢個係我媽媽，呢個係柴爸爸，呢個係柴媽媽。」
哈...鬼唔知咩~

食食下飯講到一樣野，差 d 出事架。
好在，當時人保持沈默，小事化無。

去到新居，開酒。
好可惜，我飲左兩啖就有 d 飄。
佢地研究下間屋，冇錯，係研究。
柴爸爸仲整埋水喉。

坐左陣，等我洗埋 d 杯，抹返檯，大家一齊走。
順順利利，冇大打出手...
安樂哂~

Labels: 一片瓦, 劃火柴, 星期三緊, 襯家

柴柴勞碌日

七一煤氣公司上門 check 漏水，解決方法係要我地自己填返個縫。
七四天氣唔穩定，拖到今日先去搞。
我要做公司野，晏少少先返去，辛苦柴仔喇。

柴仔到步打俾我，話屍橫遍野...
叫佢唔好清理住，等我返去睇，嘻嘻。
嘩，Biokill 真係好勁呀！

有場動物奇觀真人 show 之不自量力四腳蛇食甲由。
四腳蛇細細隻，想食隻大甲由呀。
冇錯，即係我屋企又有甲由......
呢隻甲由好可惡，生時要我地殺佢，死時要搬梳化執佢條屍，搞到...唉...慘不忍睹...
因為靚靚既牆同梳化痴住左......

本來約左亞東佢地今晚食飯，都要放飛機啦。
柴仔又要親自出手修補修補。
辛苦哂！

Labels: 一片瓦, 劃火柴

驅蟲大王

新居好多小動物呀！
買左個驅蟲大王做低佢地。
希望有效啦！

Labels: 一片瓦

冥冥中

call 左煤氣上黎睇爐邊漏水。
本來約左下午一點至五點，朝早九點打黎話要改十一點至十二點。

終於試左對面屋苑既雲南車仔麵。
冇乜特別，仲應該冇下次。
果邊 d 食肆真係唔係好得...

行去睇下附近既圖書館同泳池，跟住返新居...
有 d 唔妥...
發生左 d 野...

好彩臨時改時間。
好彩岩岩落左街。
好彩唔係可見範圍內。
好彩...

Labels: 一片瓦, 劃火柴

教主

「喂，呢度係 reception 既 morning call。」
傻瓜柴仔，醒哂啦！

柴仔拿左 d 舊相去新居，我同佢一齊睇返。
都係 d 花花草草、model、聖誕燈飾同飛機咁。
d 影相人都係影 d 咁野。

睇埋佢 d 週記。
人仔細細，寫週記寫到好似寫社評咁。
仲要好多篇都係咁，哈，寫到冇野好寫啦。

落街 shopping 買家庭用品。
買左掛衫棒、搖控套同衣櫃 d 掛丸。
我爭住拿支掛衫棒，因為我覺得好似教主！
仲唔跪低！
哇哈哈哈~

晚飯食大家樂外賣。
因為柴仔陪我睇禮儀師呀！
真係幾好睇，好鍾意 d 報局。
特別記得大媽條頸巾同佢老婆好滿足咁講佢老公係一個禮儀師。
幾好 feel。

另外果兩套戲，我自已睇囉~
當然，有人陪都唔拘架~

Labels: 一片瓦, 劃火柴

舊日

今日帶左 d 舊日記同舊功課返新居。
尋晚執拾既時候，都回味左一下。
睇到同柴仔過既日子，真係俾佢 d 傻氣激死。
睇到婆婆走既時候，都睇到眼濕濕。
仲有返學返工既生活...
老喇，鍾意睇舊時既野...

去拿柴仔套禮服。
弊，穿左上身同睇雜誌既感覺有 d 出入。
有 d 擔心，不過柴仔梗係話冇所謂。
條衭 size 唔岩，要改改，擇日再取。

行海馬。
終於買到新床單喇！
上次買果套俾人呃左，明明得九寸個 sales 話有十一寸。
今次個招紙寫明十一寸，冇死喇卦~

見到有老翻賣，走埋去揀，感覺好緊張架！
買左吸血新世紀、奇幻逆緣 & 禮儀師。
不過柴仔話佢冇興趣睇...
唔得！最少陪我睇一套！

Labels: 一片瓦, 劃火柴, 婚紗禮服, 星期三緊, 點滴生活

涼浸浸

貪心，拿左六本書。
本來一個袋裝哂，亞媽叫我分開袋，就搵左個袋分兩本過去。
單膞背四本果袋，到地鐵站已經赤赤痛。
六本真係唔知點頂，好在聽亞媽話...

同新郎哥去做西裝，柴哥哥都有黎幫下眼。
揀左套中山裝樣既，做埋背心同恤衫，盛惠一千三十蚊。
To Do List 又可以少一個 item~

柴仔用積分換左朋友仔風機，今日去拿。
返到新居即刻試用啦！
有埋冰盒架，真係涼浸浸~

夜晚返屋企，撞見亞東。
見到呢 d 有經驗人士，問下佢派帖果陣個面點整囉。
都係用 label，但就順住打，之後慢慢界。
可以參考下既。
跟住佢問我印帖未，哈哈，已經印好左拿埋返屋企添喇！
佢話我快得好緊要呢！

Labels: 一片瓦, 劃火柴, 婚宴請帖, 婚紗禮服

HYUNDAI

買 DVD 機喇。
平 dd，辛苦柴仔由旺角托返屋企。
初初駁 HDMI，顯示"與輸入訊號不相容"咁上下既字句。
幾擔心呀！
搞左好耐駁返三色線，睇到啦，但冇高清唔開心囉。
柴仔再搞下，調返個輸出，有埋高清喇！

聽福山雅治既歌。
同一屋簷下年代已經鍾意佢喇。
仲記得當年亞利反對我一次過買幾隻 CD。
所以就只係買左呢一隻。
得幾隻歌，幾百蚊，而家就唔捨得買咯~

Labels: 一片瓦, 劃火柴

八十歲前

送衣櫃喇~
單上面寫九至一送，所以我一早返去，至多返去繼續訓。

返去開左隻窗，冇拉起個簾，咁就發生左家居意外喇。
風一吹，個簾吹起，推左個放向窗邊既水晶相架落地。
嗚，相架崩左......

等下等下，個櫃成三點鐘先至到，仲要砌左成個鐘。
我打哂鼓~
早幾日柴仔話未到八十歲唔俾飽飯我食，估唔到係真既...
不過佢都陪我一齊冇得食，哇哈哈。

去到窩貼大王，已經差不多五點，乜都想食。
八隻窩貼、碗仔翅、酸辣湯麵、生煎豬肉包...正。

搞埋個廳櫃既設計。
落實左，兩個星期後起貨，唔知我地既設計掂唔掂呢？
有埋個廳櫃，傢俬就九九十十喇。
都已經開始螞蟻搬家，慢慢搬 d 濕碎野返去咯。
有 d 興奮，有 d 緊張~

講下去邊度渡蜜月。
我一路都係諗中國地方(柴仔鍾意，我又冇所謂)或者埃及(還心願)。
但佢話去日本，因為我鍾意。
嘩，諗都冇諗過呀！
諗下都開心呀~
不過咁就我，有 d 罪惡感，諗下先啦~

未夠八點，柴仔話肚餓！
剛剛唔係食到好飽喇咩！？
我食唔到喇，唯有陪佢食，睇住佢食囉。
食完又話飽架，但陪我食糖水，佢又叫黎食架喎。
佢個肚都幾難捉摸...

Labels: 一片瓦, 劃火柴

廳櫃

約左今晚俾傢俬舖既人黎度尺。
傾傾講講，不知不覺個設計就出左黎。

個設計就係以下圖個櫃做藍本。

source: http://www.hw-interior.com

突然咁快手~

Labels: 一片瓦

生活點子

Saturday, May 22, 2010

新冷氣

Friday, May 21, 2010

人都發毛

Saturday, September 19, 2009

柴的電腦

Tuesday, September 15, 2009

Connected

Saturday, September 12, 2009

我的電腦

Sunday, September 06, 2009

睇定目標

Saturday, September 05, 2009

歡迎光臨

Saturday, August 22, 2009

大災難

Saturday, August 08, 2009

入伙

Saturday, August 01, 2009

家庭日

Saturday, July 18, 2009

對襯家

Saturday, July 11, 2009

柴柴勞碌日

Saturday, July 04, 2009

驅蟲大王

Wednesday, July 01, 2009

冥冥中

Saturday, June 27, 2009

教主

Saturday, June 20, 2009

舊日

Saturday, June 06, 2009

涼浸浸

Thursday, May 28, 2009

HYUNDAI

Saturday, April 18, 2009

八十歲前

Tuesday, April 07, 2009

廳櫃

About Me

Countdown

Links

Labels

Previous Posts

Archives

This Page's Comments

Visitor Counter