生活點子: October 2005

Monday, October 31, 2005

am/pm

今個星期係亞員 last week 喇。
好多野都趕住做，但今個 week 仲要開四個會，點做野。
已經搵左個救兵返黎架喇，但都唔夠背脊孭咁多隻鑊。
仲要今朝有個擔大旗同事因非小事入廠，嘩，氣氛幾張呀。
好在今日放工有得輕鬆輕鬆。

唔...我覺得三必果件唔係咁好睇姐。
我鍾意妹豬果件多 d。
你又話不如向碧咸買件真既好過。
結果，今日冇收獲。
今日一過，佢都幾難用果件野賺你錢。
就好似部機械人電話咁。
今年又要捱凍咯......

Saturday, October 29, 2005

好長

我已經教左鬧鐘架喇，但係都係唔知醒。
又遲左半個鐘返工，遲兩個鐘收工補返數囉。

約人去 AMP，一世都見唔到 tim...
今次行呢個商場都好好架喇，大大小小既舖頭都有入過下。
老爺想買衫嘛，但今日睇唔出邊款好，下次再黎過。
離開商場，行下大街小巷。
一人買左一件風褸，一黑一白。
有扮樹既，都好睇架，不過貴 d 囉。
飛車出旺角再行。

晚飯同上星期一樣，好滋味。
凍 d 天氣會仲正，不過到時要熱飲。
計住計住咁，但結果都用唔哂四十個。
下次可以再收緊 d 個額。

Tuesday, October 25, 2005

回到校園

今日起，我又上返堂喇。
星期二星期三連續兩晚 7 - 10。
要過海呀，有藉口早 d 放工。
但係...d 野勿又係要做返...

Monday, October 24, 2005

歡樂時光

返十零個鐘頭工，最開心就係 lunch 時間。
今日我既貢獻，就係同大家分享我電話既 wallpaper。
呢兩兄妹實在太可愛。

同事講返上星期五晚飯後落 bar 發生既事。
咁既，亞東生日，我地一班同事去肥天使食餐飯同佢慶祝。
飯後其中五人(小鳥，亞東，亞東女友阿嬌，的仔及亞勝)就落 bar 飲野。
小鳥同亞勝飲到嘔野，亞勝嘔既地方，仲要係的仔架車。
的仔多得佢唔少啦，蒸返架車用左五百蚊。
小鳥嘛...俾人影左 d 唔俾得女友見既相。
我地係咁威脅佢，佢話佢既感覺好似俾人影左裸照咁。

歡樂既時光過得特別快，亞員收到消息 11 月 7 日返新工。
咁佢手頭上既工作......
我都係開心埋呢兩個禮拜先。

Thursday, October 20, 2005

Sushi Sushi

今晚約左亞飯同盟敬共進晚餐。
地方係雀仔男人間商場既黃色人頭壽司店。
冇以前咁早放工，由負責搵位果個，變左去到一坐低就有得食果個。
個人好支力，但都食得好開心。

埋單，亞飯走去裝人個 BR...職業病。
人地仲走埋黎問有咩可以幫到佢。
嚇親人啦。
我睇住個收銀計數，見個收銀機好似壞壞地咁，好耐都計唔出。
計左出黎條數同我心目中既唔夾，都差好遠下。
我梗係複數啦，係就係婆乸 d。
結果証實我冇計錯，幫大家慳返 d，做左件好事。

Monday, October 17, 2005

比賽

今日睇報紙，好想參加呢個比賽。

----------------------------------------
馬來西亞舉行「瞓覺比賽」

馬來西亞《光明日報》稱，當地合您廣場日前舉辦「36小時馬拉甜睡比賽」。

參賽者年齡介乎20至49歲，有8女和6男，共14人在當地時間上周六早上10時開始睡覺，直至昨日晚上10點才可起身。

他們在比賽期間禁止交談，也不可使用手提電話或聽音樂等。除了每天的特定如廁和用餐時間外，其餘時候都只能安靜地躺在床上。大多數參賽者都是抱著周末休息的心態來參加。比賽冠軍將獲得價值700馬幣(約1,400港元)的Mekio現金獎券、Dunlopillo皇后號床墊(價值4,000馬幣，即8,000港元)和枕頭各一個。

Sunday, October 16, 2005

環球盛蟹宴

家中快有長者喇。
今日特登預備左一餐去慶祝。
由於當時人多年都嚷住要我帶佢吃蟹，所以今晚揀左個蟹餐。
咁岩有人擺酒，所以我地自己一個廳，有專人服侍。
有 d 緊張，因為今晚係第一次齊哂六隻腳食飯。
我驚會食得唔自在...

餐單如下：


凍蟹乳豬拼盆	蟹黃魚翅海鮮羹


百花炸釀蟹鉗	鮮雞汁油鹽水重皮蟹


金沙焗北海道帝皇蟹	蟹肉扒雙寶蔬


避風塘茄子軟殼蟹	原隻鮑魚扣花菇


糖水

飯後行左去 City Super，亞媽要搜括芋頭飽。
在那門口，我看到一張很特別的臉。
唔係要取笑佢，我只係講出我想像得到既情景。
對不起，我少見多怪。

Saturday, October 15, 2005

長週

好耐冇返過長週。
唔好誤會，唔係蛇蛇。
相反，係好勤力咁去上堂。

今日鬧鐘冇響，因為我唔記得揀埋星期六。
一醒，八點。﹝我返八半﹞
拿拿聲都九點過 d 至返到去。

放工﹝三點幾﹞有人陪我行下九龍灣。
去淘大，乜係屋村商場咩，都唔係丫。
有一層幾得意架喎，好多都係 d 手藝店。
有整餅，馬賽克，摺紙，織織等等等等...
有 d 幾靚喎。
係呀，我咁就開心架喇。

以前隻手掉左 lu。
我仲記得係專登走去黃埔整既。
個樣係勾手指尾同打印。
算啦，有真野使乜要假野喎。

有 d 野既然你唔鍾意，我都慳返。
冇乜幾個可以好似我咁懶惰。
我知道有 d 男人仲特登走去學，將件事掉返轉黎做。

千山萬水搵個十下十下。
等食，加大扣底送東星班多雞憑票有一蚊。
笑死人咩。
見到有兩少猜，猜猜誰吃，誰拿水。
嬴既唔想對方輸，要求三局兩勝。

嘩，果層成 cm 既油，幾嚇人。

Wednesday, October 12, 2005

CA

今日去某 H 開會，閒談中得知有關 CA 既事。
所謂 CA，即係 cancer。
人有病，本身已經唔好受。
得了 CA，受害既仲有個荷包。
姑娘話，就算中產階級都係咁話。
計下條數，一粒藥三百大元，一日食三粒。
除左食藥，仲要唔同既治療，幾千幾千咁。
突然覺得保險好重要，又突然覺得...

Monday, October 10, 2005

EQ 大挑戰

打一個電話，死左好多細胞。
個個都係咁既話我唔玩喇。
我已經唔識果 d 野，又唔知件事進展成點。
俾人噴屁都唔知係佢有問題定我真係咁該死。
日日都唔好過...

Sunday, October 09, 2005

真

呃左兩個小鬼幾次，今日真係帶佢地出街喇。
衰仔同人扮 friend 搭人地個膞頭，嚇親人架。
係咁四圍跑，搞到上樓梯都冇力。
有涼涼既椅又坐唔到。
學極都學唔精，蠢豬。

今次柺帶左小小公主返屋企。
哎吔，有冇張大 d 既床呀...

Friday, October 07, 2005

很特別的一晚

7:00 收到仔仔既電話，佢放工喇。
我仲向公司苦幹中。
有 d 反常，不過慢慢會變得好平常。
一個來電待接之後，感覺好似向沙漠中見到綠洲。
連續三日都可以見到綠洲，哇哈哈！

Wednesday, October 05, 2005

牛牛人

向魔鬼既驅使下，牛粉野出世喇。

Monday, October 03, 2005

逃避

工作越來越...
工作既本質唔識，點樣做都唔識。
亞員話有機會走，咁佢手上果十幾二十個野...
我淨係諗都毛管棟。
lunch 同同事研究一 d 逃避既方法。
都幾荒唐，不過開心下囉。

Sunday, October 02, 2005

遠行

尋日冇去街，今日補返數，仲可以去遠 d。
之前話俾 d 時間沙田變革，今日即管去睇下。
仲差左囉，好多都封哂。
食 lunch 連行街，三個鐘就攻陷左。
時間尚早，仲要搵地方繼續攻。
諗一大輪，決定去搵小王子同小公主。
突然出現，佢地係咪好開心呢？
不過我又害左小王子囉。
佢梗係又以為有街去，所以我地出街晚飯佢咁唔高興。
睇黎我要見佢多 d，等佢唔好以為見親我就有街去。
一係就真係有街去先好出現，唔好令佢失望囉。

Saturday, October 01, 2005

十一

有人唔知今日假期，一早起左身。
有人就以為今日係星期日，聽到電話就好興奮。
兩個傻仔，可愛死。

生活點子