互嚇
收到消息，話公司會搵人睇風水...原因係...
女同事知道後都驚驚地。
今晚放工，就發生一件互嚇事件。
我同詩詩、亞素一齊走，即係出 office 轉右等 lift。
暗暗既走廊，亞素見到有個人影 (其實係 Bowie) 向 pantry 走去，佢心驚一驚。
我又衰既，笑佢，我既笑聲俾 Bowie 聽到，我見到佢彈左彈囉。
之後大家向度笑...
唔...我寫唔出果個氣氛呀...
總之，好好笑啦。
奉旨
駱駱結婚喇！
用好短好短既時間籌備婚禮，原因...？奉旨囉！
結婚應該係好開心既事，但向佢身上，我感覺唔到佢有果種喜悅。
今日佢同其他同事講結婚既事，仲聽到佢溜左一句：「我都唔想架！」
係既，都冇計劃過，毫無準備下成頭家突然殺左出黎。
但如果俾佢女友聽到佢咁講，一定唔會開心囉。
Anyway，我都祝佢地百年好合啦！
偷拍
近日鬧得熱烘烘既一個話題，今日終於聽到句似返係人講既野。
同事話，將拍人者便被拍者，登返向封面。
我記得電視影過一個女仔，佢大概話今日俾人拍既係亞嬌，聽日可能係佢。
當時我聽到有人話，咁本雜誌勿冇人買囉。
呢個可能係事實，但我都覺得好反感。
我諗到既係，如果 d 人向網上搵片睇既時候，見到自己女友、太太或女係被偷拍既主角，係咪都會話冇乜人睇而覺得唔緊要。
有人話根本可能係有人自己提供照片出黎俾人登，但就算係咁都唔代表傳媒一定要登。
只係為左錢，為左銷量，埋沒道德，冇底線既傳媒，賤格！
新鵰
今晚又有電視汁撈。
其實平日都冇乜點睇過，見係大結局，勿睇下囉。
我好肯定古天樂同李若彤果個版本我係睇哂咁多集架，不過而家我一 d 情節都唔記得。
以前人扮既鵰做唔到既事，今日電腦特技既鵰就可以做到。
例如打仗既時候，對翼撥撥下可以殺敵咁。
有人仲留意到金輪法師好"硬頸"...冇你咁好氣...
劉德華唱首主題曲好好聽~~
情義倆心堅
情若真 不必相見恨晚
見到一眼再不慨嘆
情義似水逝去 此心托飛雁
遠勝孤單在世間
情若真 不必驚怕聚散
變化轉瞬也應見慣
誰願去揮慧劍 此心托飛雁
縱隔千山亦無間
＊愛比朝露 未怕短暫
存在倆心堅 情不會淡
別去已經難 重會更艱難
愛火於心間 不冷
＃情若真 不必苦惱自嘆
縱已失去也可再挽
情緣至今未冷 此心托飛雁
那怕悲歡何妨聚散
重唱 ＊＃
情緣至今未冷 此心托飛雁
那怕悲歡何妨聚散
開心樂園餐
今日又因天雨關係跑唔成喇！
唔知向邊度得黎既一張牡丹樓 coupon，買一個餐送一個開心樂園餐連玩具，所以我地今日既 lunch 就係向牡丹樓解決。
我揀左《Keroro軍曹》入面一個藍色公仔既蓋印。
食完野向度玩，但搞到要同個印印做手術，拿返 d 鹽碎出黎。
柴仔話要剪頭髮，我勿乖乖返屋企等佢囉，剪完 call 返我出黎。
我用左好多時間落樓呀，因為又有 d 眼痕，捽到紅哂，出門口時柴爸爸見到，搵眼藥水俾我...耐左 d 囉。
行下街街，哎呀，做乜搵個五號波當帽呀，笑死我喇。
夜晚仲好笑，我都唔知原來冷氣 remote 可以 control 電視機，哇哈哈。
矮人
早幾日詩詩古古怪怪咁問我幾高，今日佢就送左下面本書俾我。
本書我之前都向書店見過，揭過下，講 d 野幾得意，有 d 都幾有共鳴。
好似話搭地鐵捉唔到上面既橫杆、睇戲俾人遮住...
向我 d 朋友入面，都冇乜邊幾個會明白。
詩詩有時都會用我既身高黎講下笑：
1) 行過有氣根既樹底，我可以掂行掂過，佢就會"污"到好低。有次佢同我講，希望 d 根長快 d，咁我都可以"污"下...
2) 同事們講玩過山車，話有隻坐向度隻腳吊下吊下果架好刺激，詩詩就話，佢搭巴士隻腳都會吊下吊下架啦...
俾佢激死...
內容簡介：
身高過了15歲就一直停留在150cm的作者，覺得世界上的東西多半都大了點兒，和別人講話總是要抬起脖子、衣服袖子太長、拿高處東西總得踮起腳間、走路總是不自覺的加快腳步，這些對作者而言都是日常生活中理所當然的事情。雖不喜歡因為個子矮小所帶來的諸多不便，但若是有人因為我個子矮對我特別好的話，我也會因為這樣覺得「其實小個子也蠻好的！」作者利用圖配文的方式描繪出由150cm的高度所看到的種種，及感受到的心情。希望這本書可以得到現在跟作者同樣身高的你我產生共鳴，個子高的人也可想起曾經逝去的那段150cm時光。
久別了的運動
好耐冇參加跆拳既活動喇，為左見下柴仔，今日到佢既館賽觀戰，再嗅到呢個運動既味道。
有 d 腳痕既，但冇辦法啦，就唔到時間。
坐到咁上下，唔係好啦家咁走左去買西裝、買書。
我就買我既 lunchea (lunch+tea) 返場地食。
睇到七點左右就走咯，因為佢地今日既飯局唔岩我。
回家途中，過個轉彎位馬路，因為唔熟紅綠燈，所以等到綠燈至過。
行到一半，有架 Secxxx 既 Echo 車仔向住我駛埋黎。
我好愕然，明明係綠燈先過，點解會有車？
但係我第一時間竟然唔係避，而係走去睇下我有冇睇錯燈。
確實左真係冇睇錯喎，先避。
個司機應該都知道做錯事既，不過佢冇停低囉，唔轉都轉左咯，都要行架。
好在轉彎車速冇咁快，一齊過緊馬路既人都冇事咋。
人少少星期六
今日係實行五天工作週前最後一個星期六。
其實好多人都已經安排左今日唔使返，提前享受五天工作週，所以今日好少人。
有 d 等放工既態度，影下相咁。
由於桌面唔俾放野，所有野都塞哂入櫃桶。
等我介紹一下：
櫃桶一號 - 放 d 令人望到會開心既野。
呢 d 係 OK 便利店買滿廿蚊換一個既 McMug & McDull 既貼紙。
有好多好多重覆既都俾左人咯。
要鳴謝一下柴爸爸同駱駱，因為佢地係大股東。
(得一個係我自己換...)
櫃桶二號 - 放 d 令人望到會流口水既野。(所以備有廁紙一卷)
眼見有三樣野係詩詩俾既，其他都係自己買既...唔係好多架咋...
熱水
熱水呀！熱水呀！我要熱水呀！
沖左兩日凍水涼，開始有 d 變聲，咳同流鼻水。
亞媽仲話個醫生要星期三先到。
唔掂啦！要搵個澡堂解決解決，唔係就到我要搵醫生。
好在亞姐呢兩晚都唔使返工，就相約去佢度囉。
嘩！熱水呀！"湯"豬呀！正呀！
火燒廚房
今日發現柴仔腳踏一星，佢自己都唔知，話以前無架喎。
柴爸爸話腳踏一粒星，能管 x 個兵。
佢管既兵，勿就係小王子同小公主囉。
你終於選購左治療你腳患既藥物。
佢既味道...好親切...
幾時再用黎浸下可能係世界上最大隻既肥甲由？
夜晚睇《美女廚房》，嘩，個女星犀利喇，火燒廚房呀！
我唔識煮野食，但都開過鑊整野既，都冇搞成咁。
跟住有人話囉，廚房都要放個滅火筒好 d 喎。
罷工與病假
柴仔腦袋某細胞：「罷工！等你點諗都諗唔到個提款密碼！」
我家熱水爐：「咳咳，我唔係好舒服，想請幾日假...」
主人：「見係夏天，算啦！星期一幫你請醫生！」
芋頭雪糕茶
放工後與大學同學一聚。
談話內容冇乜特別，只係想記低喝過一杯味道很特別的茶 -- 像芋頭雪糕味的茶。
休養生息
今朝搭巴士返工，有輕微撞車意外呀！
巴士準備轉上東區走廊既時候，右線一架貨車搶住出。
巴士急煞車，個倒後鏡就咁冇左。
冇左倒後鏡既車唔行得，我地就要等跳車。
由於原本架巴士阻住，架跳車轉唔到彎，兜左好大個圈先上返東區走廊。
其實好在我有位坐咋，如果唔係果下煞車我實變大冬瓜。
大決戰過後既星期六，同事們都比較輕鬆。
連日黎都同佛腳有咁親密既接觸，係支力既。
不過點都諗唔到，亞素竟然可以暱向儲物室個欄櫃入面訓。
睇見佢真係笑死人。
悶下悶下到放工，準時向 13:01 果一下滴答打咭走人。
星期六，梗係約左人開心開心啦。
去標記吃個平靚正粉麵。
同桌有個...er...辣椒醬嬸嬸，佢既行為同上次柴仔講既酸姜婆婆差唔多，嘩，核突核突。
(酸姜婆婆...呢個名改得幾好幾好，一講就明，哈哈。)
唔好彩中既好彩，唔係得 SARS，邊有酸姜食。(邊敢食)
沿住彌敦道行，見有間藥店物體清貨，入去睇下。
你為你既腳患物識一 d 貼身膏藥。
懶鬼，卒都懶，要搵貼既。
返到屋企附近，見到有個細路拿住細袋仔裝住既麵，一路行一路食。
近年見好多呢 d 小食，不過未試過，硬係覺得好污漕咁。
柴仔話，如果佢細路又食埋 d 咁既野就弊。
我話，唔會既。
柴仔話，個亞媽都係咁，有乜辦法。
er...haehae (唔講都唔記得一串牛丸當 lunch 既日子)
夜晚，我地呢d學命理既人走去食地道野，吃個消暑既冬瓜盅。
之後...呵呵...又返屋企睇電視《千機變2》。
不過今次我冇中毒，因為好似唔係好好睇，聽柴師父講道好過。
過關
得左喇！得左喇！
Audit 過左關喇！
今日其實真係好緊張，好驚有野做得唔好、答得唔好，會令到我 / 我個 department 成為千古罪人。
唔知係咪真係緊張得滯，將用黎開機張咭倒轉左插，仲向度呆等，諗緊點解耐都冇反應。
俾駱駱知道，佢即刻打俾亞臣話：「哎吔，好辛苦呀，我隔離果個緊張到掉轉左張咭黎插呀！」
好傻呀！
一路等 audit 完，等結果。
知到得左，又唔係話超級開心，不過都要慶祝下既。
之前一路都話唔鍾意唱 k，見今日 happy，去下囉。
咁就無啦啦使左成二百蚊。
鬼咩，佢地叫酒飲，我又唔飲既...唔抵呀！
抱佛腳
朝早等巴士，有個男人問我拿錢，話冇錢搭車返屋企。
邊講邊俾個吉既銀包我睇。
但我冇俾囉，我怕係呃我嘛。
連幫佢俾錢/bee都冇提出，費事咁多聲啦。
不過又諗，如果真係冇錢咁點？
佢會唔會咀咒我呢？
算啦，呢個年頭實在太多騙子喇，如果佢真係有咁既需要，都可以搵差人幫佢啦。
亞臣同我講，公司有外籍女人話我冇禮貌。
事原係駱駱行開左，我 pick 佢個電話聽，就話「佢行開左喎，你邊位搵佢？」
我絕對唔係用唔好既語氣講架喎，我覺得好冤枉，好唔高興囉。
尤其係我不嬲都覺得我幾好禮貌嘛。
以前讀書，交功課考試就要臨急抱佛腳，而家做野俾人 audit 都要攬下。
聽日就係喇，今晚個夜車開到 12:30。
心情好緊張呀。
大風吹
嘩...乜大風成咁呀！？
lunch 出去食飯，行果條路吹到我都行唔郁。
跌下跌下咁，要扶住 d 牆先得。
俾駱駱笑我俾風吹走囉。
佢梗係可以笑人啦，二百幾磅，邊吹得郁喎。
無膠袋日
lunch 同同事去買零食，俾錢先知今日係無膠袋日。
售貨員話可以用五毫子買膠袋，而呢五毫子會捐俾樂施會。
我地見唔係買左好多野，所以冇要膠袋。
然後我話「用少個膠袋好過捐錢啦！」
事後詩詩話我知，佢最初聽到我咁講，心諗「捐錢俾樂施會點解唔好，點解五毫子都唔肯捐？」
諗多兩秒，先知我話中既意思，話我講野好深喎。
今日冇乜人加班，詩詩同我傾左陣計。
佢收到個令佢好擔心既消息，仲喊起上黎。
我都唔知點好，又冇證據可以消除佢既疑慮。
希望真係一場誤會啦！
最近一隻新 "game"，柴柴俾人話違規，扣左10分，激死佢囉。
佢仲反擊，搞大投訴。
我支持你，我都幫手，呵呵。
//
5/10/06 13:10
燎原火 //
15/9/06 13:54