烏龍新外父
家姐聽日出嫁喇！
今晚向屋企搞上頭果 d 野。
爸爸同佢梳頭，口裡就話：
「一梳梳到尾，二梳兒孫滿地，三梳白髮齊眉。」
禮成。
覺唔覺有乜問題？
冇錯，就係個次序掉轉左囉。
睇咁多年電視，呢個情節出現過不下數十次啦，點會搞錯架。
仲話當年人地都係咁同佢梳...
人地冇電視睇就話錯姐...
定係...爸爸恨抱孫？
梳完頭有湯丸食。
係我最愛最愛、恨食左好耐既糖心湯丸呀！
嘩，幾多年冇食過呀！
正呀！
向屋企搞完野，我就同亞姨去酒店。
地方好企理喎，仲有源源不絕既熱水，可惜無可活動花酒，有 d 美中不足。
我今晚訓 sofa 床，我又唔認床既，實訓得到。
唔知準新娘訓唔訓到呢？
心蟲
帶住小王子同小公主去行街街果陣，見到有班細路拿住 d 棄置建材向度玩。
都幾危險架，d 木仲有 d 釘向度。
我以為我地會就咁望下望下，行過左就走。
突然柴仔叫：「細路，你地做乜呀？打架牙？」
班細路即刻散哂，我就眼睛閃亮閃亮咁望住佢。
唔知小王子係咪有樣學樣，之後見到細路都係咁吠。
哎呀，俾佢激死。
夜晚食飯既時候電視講個細路好細就學體操。
主持人同個細路傾下計咁啦，柴仔話俾著係佢問個細路，叫我地估下佢會問乜。
我就話：「係你自已話學定亞媽叫你學？」
哈哈，一估就中喇！
幾犀利呀！好似佢心入面條蟲蟲咁...嘻嘻...
油魚
呢幾日傳媒報導油魚事件，我先諗起我果次痾綠油都可能關事。
因為果排真係食左幾多餐"鱈魚"。
嘩，咁果個醫生就唔得啦，話我唔係痾血就冇事。
個醫生勿就係長沙灣杜偉雄之嘛，下次唔鬼睇佢。
有家歸不得
今晚要 OT 改 d server setting。
做到十一點，其他同事都走喇。
心慌慌咁，見唔係淨返好多，聽朝再執埋果小小都得，勿叫同事等埋我，拿拿林雞咁腳走囉。
返到屋企樓下...噫...唔見左抽鎖匙既！？
哎呀，尋晚換袋唔記得執呀！
結果要驚動亞爸亞媽落樓接我囉。
擾人清夢添...
認路白痴
早前 d Net Cash 到期，換左 $20 網上行 coupon 之後仲有小量餘額。
唔三唔四，揀左個麥兜筆筒。
今日既節目，就係去領呢個禮品。
去到旺角道果幢"電訊盈科"大廈，睇下張通知書，九樓。
上到去，唔對路既...
再睇返張通知書，噫，原來係：
九龍旺角弼街 37 號, 九樓, 旺角電訊大廈
噢，我一心諗住係"電訊盈科"果幢大廈，原來唔係架...
袋袋平安
今日遲左出門口之餘仲大要塞車。
見係"公司月"最後一日，冇理由就咁眼白白見住三百蚊飛走。
所以過左海就轉的士飛返去。
用六十一蚊保住三百蚊，都抵既。
嘻嘻，三百蚊，又一次袋袋平安。
夜晚亞臣同大師兄撩我去灣仔食飯。
一路食一路係咁吹水，搞到十一點幾至走。
佢地講左好多好多公司人事既野。
唔鍾意邊個邊個，"做"過邊個邊個。
我就諗，呢 d 野係人人都知，所以唔怕向我面前講，定係佢地信我唔會講返出去，定係覺得俾我知道咁又點，我又唔會做到 d 乜呢？
莊士敦婚禮
大學同學莊士敦先生結婚喇！
恭喜哂！
見到佢飲到 high 左走埋黎胡言亂語，好好笑。
矮人
食飯既時候討論身高問題。
突然柴仔話有人比矮人更矮。
我地都覺得奇怪，咁姐係點呀。
衰仔話"地精"勿比"矮人"仲矮囉！(打機既唔同種族)
俾佢激死。
鼻又係有 d 唔妥，有藥向身，勿食左藥先囉。
慢慢個人溫溫dun dun 咁。
短短一程 K 巴，我竟然訓著左，要人叫落車，哈哈。
Still with me
今朝個鐘鬧左鬧就俾我拍熄左。
我的確係訓返。
訓多左 10 分鐘，扎醒，心入面講句粗口。
bing ling bang lang 咁趕出門口，好彩都趕得切。
三百蚊，still with me，哇哈哈。
Escape
放工同駱駱拿拿林走人。
歸心似箭得滯，賴低左個電話向櫃桶，仲要上左車至知。
冇得打電話或 miss call 都唔緊，最大問題係聽日得返一個鬧鐘仔，未必叫得醒我。
問駱駱借電話打俾柴仔報案，同諗住叫佢叫醒我。
但係柴仔七點九先起身，嘩，我平時出左門口喇！
死喇，三百蚊會唔會離我而去呢？
沖涼一波三折
星期日訓晏 d，五點鐘左右起身啦。
天氣凍，諗住未收熱頭前沖涼。
爐都著左水都得架喇，亞姐打電話黎話準備去訂蛋糕。
咁唔沖得住啦。
訂完蛋糕，我就返屋企。
諗住食完飯個身暖暖沖涼。
爐都著左水都得架喇，亞姐打電話黎話去揀衫。
咁又唔沖得住啦。
去黃埔揀衫，佢地識人既。
揀左一件婚紗，一件晚裝，一件伴娘衫，新郎好似之後再揀。
本來諗住冇乜身材，揀 d 遮得密 d 既。
但試左 d 低胸露背既，效果又唔係咁差喎，係個花 b 班既背脊唔知點搞姐。
咁樣揀一揀，食埋宵夜，成點先返到屋企。
終於沖得涼喇~~
下一站牛頭角/觀塘
今日我跑步跑得慢吞吞，柴仔因為就住我，dun 下 dun 下咁跑，搞到腳痛。
因為以前既傷患，佢果兩支 kwang 其實好鬼脆弱架咋。
唔...心痛死...
lunch 同柴媽媽一齊食。
講講下好似教我點樣照顧柴柴咁：
「拿，見佢耳仔紅就要煲...」
柴媽媽派貼示，記住記住...
到牛頭角/觀塘一帶行下。
柴仔帶我行佢返工行既路，話我知邊度買早餐，邊度食 lunch。
基本上佢返呢度咁耐都係幫襯呢間金庸快餐店。
俾我實覺得好悶，好寡。
去揀工廠區牛仔褲。
80 蚊買到條有牌子既牛仔褲喇。
冇得試身，我就費事揀囉。
淨係反轉個架搵柴仔既心水。
最後佢都買到。
(後註@12-Mar：但結果佢唔岩著，俾左我。)
返屋企歇下腳。
打唔到機呀！古惑招失靈呀！
係邊度出問題呢？
夜晚食 food court。
講起今朝我向商場見到兩母子，兩個都拿住 d 傳單黎睇。
個亞媽自顧自咁推門行，個仔跟住後面，距離幾個身位啦。
度門一路一路關，個亞媽就行左喇，但佢完全唔睇下個仔。
個仔又掛住睇野，冇意識去推住度門(有意識都唔力啦)。
我勿出手囉！
如果唔係到時撞親，呢 d 亞媽又唔知會點樣發爛渣。
真係見到呢 d 亞媽就 mung。
衰衰柴仔話第時可能有人見到我咁對個仔，又會咁樣話我。
hey...
仲有一個話題，係關於律師既，電視劇通常都會有呢個矛盾：
究竟應唔應該去幫一個明知佢犯左事既人去辯護呢？
良心上好似唔應該。
專業上好似唔應該"假設"佢有罪定冇罪。
理性與感性，點好呢？
讀法律有冇教點平衡、點取捨既呢？
118P
有個新同事，佢同我講今朝一件好不愉快既事。
佢俾人點，話搭 118P 會快 d，冇 118 兜咁多路。
咁佢今朝等車，就等左 5 架 118 都唔上。
覺得唔對路，至問人(我唔記得佢點問喇)，至知真相。
之後飛的，9:01...咁就冇左三百蚊...
註：係有架 118P 既，不過係朝早出九龍，夜晚返柴灣先有。
變臉
唔記得向邊度見到呢幅圖，幾得意，同大家分享下。
如果從你座位前的電腦上看上面的圖片，左邊的臉是生氣的臉，而右邊的臉是平靜的臉。
但請你起立往後走 3~5 步，突然間他們交換位置了！
這個幻覺圖片是由 Glasgow 大學的 Phillippe G.Schyns and Aude Oliva 設計。
由此證明，我們可能從來沒看到過事情的真正面貌。
下次遇到問題，不妨換多一個角度看看吧，可能會看到不同的事物呢！
看出來了別忘了回到座位上，呵呵！
金蘋果
同事由紐西蘭渡完蜜月返黎。
第一個傳開去既消息，係話佢用左二百蚊紐西蘭紙買蘋果。
初初我以為佢買蘋果返黎做手信咁特別。
後來至知道佢呢兩二百蚊紐西蘭紙，只係花左向一個蘋果度。
難度個蘋果鑲金既？
非也，只係一個普通不過既飛機餐蘋果。
咁點解？
因為佢冇食到，帶埋入境，照完 x-ray 勿俾人捉左罰錢囉！
俾著我就肉赤死喇。
//
13/4/07 16:10