畢業照
期待已久的日子到喇。花左好
一大筆錢去學一個女孩子該要知的事，都幾落本。都未學完，個仔已經黎左。
只係得兩個人影相，確實係有ｄ難度。要好靠個腳架，影完唔岩位又要再黎過，好在係
數碼相機。好想有一張好似上次果張咁靚，不過，技術上有ｄ問題。景點真係唔多，好快已經影哂，但係都好"支力"，手上拿住太多野喇。
又去行下行下囉。咁上下時間食三文治做晚飯。聽人地傾計，個女既應該係教書既，係咁講ｄ小朋友點點點，你話好在我唔係教書。
開估喇，唔係得我同你影班相，不過都只係得
五（同名人，石仔，貴族，我同你）。影相果隻女串到死，睇唔到勿睇唔到囉，係
黑影都睇唔到呀。
走喇，你有車車坐，我坐鐵鐵。好"支力"，又要差下電先。
小別
十幾日冇寫過半句。
早果一個星期因為就黎轉地方，所以要做埋ｄ手尾。之後一個星期，去左新地方，ｄ野湧住咁黎做。野唔怕做既，做到幾多勿幾多囉，得到既，係自己既。
聽日影畢業喇！上次影果張我一直都覺得唔靚。今次一定要靚，因為短期內都唔會再有機會。為左呢一日，我都誡左好耐口喇。好期待...
瑪記秋季大旅行
今日瑪記秋季大旅行--
西鐵觀光巴士
由九月二十六日至十一月二十八日，連續兩個月於星期日及公眾假期，九廣鐵路公司將會提供免費觀光巴士線服務，接載乘客穿梭六個新界西北的旅遊熱點。 西鐵觀光巴士於錦上路站開出，途經錦田市、南生圍、屏山文物徑、流浮山、濕地公園及元朗市中心，服務時間為上午十時至下午六時，每二十分鐘一班。 乘客只需以八達通卡乘搭西鐵到錦上路站，於出閘後的三十分鐘內，前往票務處出示同一張八達通卡，便可免費換領西鐵觀光巴士乘車證一張，於當日免費無限次乘搭西鐵觀光巴士。 為加深乘客對沿線旅遊熱點的認識，漁農自然護理署會安排義工於上午十時至下午四時，在南生圍、屏山文物徑及濕地公園提供導賞服務。 詳情可參閱西鐵車站內的宣傳海報，或致電九鐵熱線2929 3399查詢。
就係咁，我地就一行七人（後來八人），去左
新界西北遊。
第一站南生圍。勁行，雖然天氣秋秋地，但都係幾熱幾哂。見到好耐都冇見過既怕羞草、企滿哂黑色雀仔既樹、好多白色雀仔既對面岸、會上下倒轉飛既直昇機，一堆幾靚既電單車、一班影相友、隔世追兇果個交換站......五蚊一個人既渡〝溪〞小船，一程載十個人，時薪多過我日薪。
午飯飲茶。之後去屏山文物徑，睇下以前ｄ建築物，唔係話好多野睇。有人好失望，因為買唔到花生糖。冇去到其他地方lu，因為已經冇車喇。同幾個圍友晚飯，食老婆餅、〝老〞味--豬頸肉，腸，腎、B仔涼粉。
姓氏人，好耐冇見你。你話你見過佢，話佢發左福，我都幾有興趣知，無奈我同你已道不同。但我地都會記得果一個
約定。
Yesterday Once More
今朝早去左睇
《Yesterday Once More》，係你俾我既驚喜，估唔到真係會扭到，嘻嘻。套戲話好睇又唔係話好好睇，話唔好睇又唔係，唔緊要，最緊要既係邊個坐向我身邊。不過我好似好衰，你呢排咁支力，仲要理我，要你一早起身，都有ｄ心痛。
返左我地既老家吃午飯，等拿
袍嘛。我地都好眼訓喇，向梳化訓著左，俾亞實Ｑ姐姐叫我地起身。今次件
袍好奇怪，隻袖好似有把劍咁既。我果件又唔知係咪車錯碼，細碼著起都就拖地。其實唔留心，都唔知同上次果件有乜分別。你問我「今次畢業開唔開心」，我話「唔開心」，你話「係啦，點解人地會咁開心」。其實我唔開心，我知個原因囉。離開老家，去左白區打轉，因為我要等下場，見一班好大
怨氣既人--我ｄ同事。你又陪向我既身邊，但我見你太支力，所以就算未夠鐘，我都話走，寧願自己坐向月台再等。
返到屋企check email，你又俾左個驚喜我。件袍，件恤衫，條呔，你，perfect match，好靚呀！
望
一直都祈望會有轉機，無論向你是否出席既事，定係我工作既事。但係兩樣個結果都係失望。
工作既事己經證實左，消息非常可靠，一ｄ希望都唔再存在。而你，都再一次確定你唔會出席。冇左你向我身邊，時間會係幾咁難過，我又點會開心。但係你總有你既苦衷，我應該去明白、諒解。
唯一補返數既，就係你今日俾我既驚喜。多謝你。
雜
呢幾日呢首歌都不斷向我個腦度播，但係我點會識呢首歌呢？
天生一對
詞：夢劇院 唱：夢劇院（劉文娟／李敏）
劉：愛看海邊那真摯美
獨在思想當天一起
李：可惜我從不會令你歡喜
想你定把我忘記
劉：從來未記起
劉：愛看星空那閃爍美
獨在空間運轉裡
李：那感覺漸冰冷 沒你共我一起
一切便不覺完美 唯願在某地
合：在世間讓你我變一對
無懼怕各種困難與唏噓
在我心 全合意
是最真 的一次
心中彼此載滿舊日名字
劉：你我仿似一套戲
（尤其係呢句）
盡力演出花點心機
李：早註定一對 又再共你一起
想已是一切完美
劉：重逢在故地
從來是一對
（完全為了你）（常會念記）
***
呢排我同你都洗左好多錢呀。星期六你買左你手上既野啦，身上既野啦，用左
千幾蚊。我呢，尋日終於買左袋入面既野，用左
二千幾蚊呀！有排捱麵包。今日有人知我買左野，話我做乜唔問佢意見先，睇下抵唔抵買。使唔使呀，要符合到我既要求，都冇得幾多揀。
***
打打下呢篇野，收到個消息，有ｄ徬徨。一來唔知消息既真確性，二來消息實在太令人......一年後，可能會升做
senior，該開心嗎？不，絕不。如果再兩年後你升我做
chief，我真係唔知我會做出ｄ乜。
兩年，好似俾人呃左感情，呃左時間，呃左青春。到頭黎得到ｄ乜？再兩年，你話唔認我！已經係白老鼠咁既身世，可以諗得好好，講得好好，轉頭，冇樣好，冇句好。照住前面既燈，時
明，時
暗，時
滅。
究竟係棄船，定係由豪華遊輪變小舢舨都繼續坐落去。而除左搵定水泡、哨子、木板，一切一切可用既工具，我又可以點？
菠蘿油王子
菠蘿油王子唸口簧
http://myweb.hinet.net/home12/bowenc/mc1.wmv
http://myweb.hinet.net/home12/bowenc/mc2.wmv
勁搞笑，但我唔明點解佢地會震囉。
心理測驗
做了一個心理測驗(http://www.musicfever.org/fun/psychologytest/lovecheck/)
結果如下：
測驗當你被情人背叛時的反應：仍然癡癡等待對方回心轉意
測驗你對性的好奇心：一直提醒自己不可以對性有過多幻想
測驗你實際上對性關係的態度：反應遲鈍
測驗你對異性的態度：希望彼此能情投意合
測驗你和情人吵架時的反應：責備對方
測驗異性對你的看法：『不能丟下她不管』
測驗你結婚後的態度：可能因為後悔而離婚
假設你未來的丈夫先離你而去，你面對人生的態度：擴大和女性朋友間的交往
測驗你選丈夫的標準：對養育子女的價值觀
測驗你今後和異性的關係：以性為主
你沒有辦法忍受那種粗線條的男人，你喜歡的是自我意識強，較有個性的人；比如說，他會執著於某些事，對女人的喜好也能充分理解。另外，也是重視用餐或約會等氣氛的人。
生活的忠告
- 多吃些粗糧（一定做得到，邊有錢食好野姐）
- 給別人比他們自己期許的更多
- 熟記你喜歡的詩歌
- 不要輕信你聽到的每件事
- 不要花光你的所有（花光既，唔止係錢）
- 不要想睡多久就睡多久（超難）
- 無論何時說“我愛你”，請真心實意
- 無論何時說“對不起”，請看著對方的眼睛
- 相信一見鍾情（我信）
- 永遠不要忽視別人的夢想
- 深情熱烈地愛，也許你會受傷，但這是使人生完整的唯一方法（大概已很完整了）
- 用一種明確的方法解決爭議，不要冒犯
- 永遠不要以貌取人
- 慢慢地說，但要迅速地想（我中文會話唔合格的...）
- 當別人問你不想回答的問題時，笑著說“你為什麼想知道？”
- 記住那些敢於承擔最大風險的人，才能得到最深的愛和最大的成就
- 給媽媽打電話，如果不行，至少在心裏想著她
- 當別人打噴嚏時，說一聲“菩薩保佑”（我打噴嚏時就唔使喇，除非你急口令了得）
- 如果你失敗了，千萬不要忘記汲取教訓（我記性差得好緊要）
- 記住三個“尊”尊重你自己；尊重別人；保持尊嚴
- 對自己的行為負責
- 不要讓小小的爭端損毀了一段偉大的友誼
- 無論何時你發現自己做錯了，竭盡所能去彌補，動作要快！
- 無論什麼時候打電話，摘起話筒的時候請微笑，因為對方能感覺到！
- 找一個你愛聊的人結婚，因為當年齡大了以後，你會發覺喜歡聊天是一個人最大的優點（那我已找對了）
- 找點時間，單獨呆會兒（我成日都會咁做）
- 欣然接收改變，但是不要摒棄你的個人理念
- 記住，沈默是金
- 多看點書，少看點電視（綽號電視榨汁機喎）
- 過一種高尚而誠實的生活，當你年老時回想起過去，你就能再一次享受人生
- 相信上帝但是別忘了鎖門，家庭的融洽氛圍是難能可貴的，盡你的全力讓家平順和諧，當你和你親近的人吵嘴的時候，試著就事論事，不要扯出那些陳芝麻，爛穀子的事，不要擺脫不了昨天，多注意言下之意
- 和別人分享你的知識，那才是永恆之道
- 善待我們的地球
- 不要愚弄自然母親
- 忙自己該做的事
- 不要相信接吻時從不閉眼的伴侶（留意下先...噫，咁即係我要睜開眼？）
- 每年至少去一個你從沒去過的地方（我係一隻冇翼既雀仔）
- 如果你賺了很多錢，在活著的時候多行善事，這是你能得到的最好回報
- 記住有時候，不是最好的收穫也是一種好運
- 深刻理解所有的規則，合理地更新他們
- 記住，最好的關係存在於對別人的愛勝於對別人的索求之上
- 回頭看看你發誓取得的目標，然後評判你到底有多成功
- 無論是烹調還是愛情，都用百分之百的負責態度對待，但是不要期求太多的回報
朋友仔
朋友，唔需要係約佢出街、食飯，或者有事先會打個電話俾佢。我今日就收到咁既電話。好簡單既關係，幾舒服。
嘩！
嘩！surprise！剛剛收到電話，竟然係
小學同學約今晚食飯。
***
到左約會既地點，頭顎顎，突然有人叫我
中文全名，嘩，我只係有少少認得呢個人既樣，但係完全叫唔出名，要問佢拿貼示，問佢姓乜，我先醒起。陸陸續續有人到，情況都係差不多，
五年以上冇見喇。有個男仔，見親女仔都話係咪以前讀書好叻、戴眼鏡果個，撞到最尾到果個先o岩。
成班老鬼向度話當年。你記唔記得...記唔記得...邊個老師成日打人
罰人跪，邊個俾我地激到上堂喊，邊個體育老師咸濕(我好似未聽過有邊個男體育老師冇俾人話咸濕...)。有ｄ野人人都記得，有ｄ野得一兩個人記得，有ｄ就人人記得既都唔同，都咪話唔搞笑。
談近況，有人扮公仔，有人做物流，有人做電腦，有人做空姐，有人做認人...有人唔肯講現在工作，有人正職、兼職(多份)都講得清楚。講下八卦野，亞邊個邊個結左婚，我向邊度見到呀邊個邊個，亞邊個邊個個邊個邊個為左亞邊個邊個瘋癲，亞邊個邊個同邊個邊個由係到唔係...
席間各人都叫全名，有ｄ陌生，但又好親切。食完飯，想走又唔想走，唉，鬼叫要返工，都係走左。下次...唔知又幾時呢？行仔係咪真係會出現呢？
荃灣半天遊
發夢，好犯罪既夢。都唔係好明點解。太痛...
***
去左一ｄ都唔知叫乜名既商場，行左好多好多路。真係唔記得我有去過荃灣廣場，不過你話有，就有啦。行宜家傢俬，見到樣樣野都係上牆既，咁勿搬唔到位，搬左會一個二個洞囉。你話：「係呀，
咁就一世架喇，好似....」，你呢排都幾口甜舌滑。搭西鐵返屋企附近打邊爐。等架接駁巴等左兩個字，都未坐暖就下車，又俾你話鬼我囉。
竟然你都會趕住返屋企睇電視，一至二十九集都唔睇，睇乜鬼大結局丫。
***
老朋友幾句溫言，在心頭。
國慶
國慶。完全冇節目。
有人冇飯食，曾經有過衝動去陪佢，甚至想自己動手，但...生性太
懶。其實平時唔係有咩事幹，唔出開街既話都唔會輕易走出去。朋友都話：「咁懶又拍拖? 真係唔想話你...好心你呀...珍惜大家相處o既時間啦....人生得短短數十年咋...」，哈哈。
又有煙花放，情人呀，可以與我一起賞
煙花嗎？
