教主
「喂，呢度係 reception 既 morning call。」
傻瓜柴仔，醒哂啦！
柴仔拿左 d 舊相去新居，我同佢一齊睇返。
都係 d 花花草草、model、聖誕燈飾同飛機咁。
d 影相人都係影 d 咁野。
睇埋佢 d 週記。
人仔細細，寫週記寫到好似寫社評咁。
仲要好多篇都係咁，哈，寫到冇野好寫啦。
落街 shopping 買家庭用品。
買左掛衫棒、搖控套同衣櫃 d 掛丸。
我爭住拿支掛衫棒，因為我覺得好似教主！
仲唔跪低！
哇哈哈哈~
晚飯食大家樂外賣。
因為柴仔陪我睇禮儀師呀！
真係幾好睇，好鍾意 d 報局。
特別記得大媽條頸巾同佢老婆好滿足咁講佢老公係一個禮儀師。
幾好 feel。
另外果兩套戲，我自已睇囉~
當然，有人陪都唔拘架~
Labels: 一片瓦, 劃火柴
勇戰大甲由
又向廁所發現大甲由。
豈有此理！
拿起手都唔知點對付佢。
定型水！藍威寶！熱水！
當我以為我失敗左，唔見左大甲由蹤影既時候，佢條屍就攤向我腳邊！
勝利係屬於我架！
用報紙夾起佢條屍掉入廁所果陣，我覺得我自己簡直係 superwoman！
Labels: 點滴生活
幸福
人家的文章，雖則一定好多反駁，但感覺好好。
**********
什麼是幸福?
重複寫小說的人總是害怕重複，為了不重複自己的作品，創作的時間一次比一次長，終於有一天，什麼也寫不出來了。
為什麼害怕重複呢？我們所謂的幸福不正是重複地做同一件事情嗎？
每天跟自己喜歡的人一起，每天跟情人通電話，常常跟他一起去旅行，甚至每夜同眠共寢，重複一個承諾和夢想，聽他第二十八次提起童年往事，每年的同一天和他慶祝生日，每年的情人節、聖誕節、除夕，也和他共度。
多少年來，只是和他一個人睡，只是嗅著他一個人的氣息，甚至連吵架也是重複的，為了一些瑣事吵架，然後冷戰，瘋狂思念對方，最後和好。
我們不是重複做著這些事情，然後相信這就是幸福嗎？
幸福就是重複。
有人說，世上所有的幸福家庭都是一個樣子的，不幸則有很多種。
所謂一個樣子，也許就是重複。
每天早上張開眼睛再看不到你，再也嗅不到你的氣息，你不再睡在我身旁，你不再像往常一樣吻我，你不再像過去那樣溫柔地待我，你不願意重複，那就是愛情消逝而我不再幸福的時候。
我突然不再害怕重複。
**********
Labels: 點滴生活
舊日
今日帶左 d 舊日記同舊功課返新居。
尋晚執拾既時候，都回味左一下。
睇到同柴仔過既日子，真係俾佢 d 傻氣激死。
睇到婆婆走既時候，都睇到眼濕濕。
仲有返學返工既生活...
老喇，鍾意睇舊時既野...
去拿柴仔套禮服。
弊，穿左上身同睇雜誌既感覺有 d 出入。
有 d 擔心， 不過柴仔梗係話冇所謂。
條衭 size 唔岩，要改改，擇日再取。
行海馬。
終於買到新床單喇！
上次買果套俾人呃左，明明得九寸個 sales 話有十一寸。
今次個招紙寫明十一寸，冇死喇卦~
見到有老翻賣，走埋去揀，感覺好緊張架！
買左吸血新世紀、奇幻逆緣 & 禮儀師。
不過柴仔話佢冇興趣睇...
唔得！最少陪我睇一套！
Labels: 一片瓦, 劃火柴, 婚紗禮服, 星期三緊, 點滴生活
紮腳
星期六買左新鞋仔，今日著新鞋返工。
弊，著左一日，好似紮左一日腳咁。
點算...
Labels: 點滴生活
氣溫之謎
薄短袖 T，熱褲，天氣應該係好熱。
大冷頸巾繞頸幾圈，天氣應該係好凍。
但同一個人同一時間，身上穿薄短袖 T，熱褲，頸繞幾圈大冷頸巾...
小姐，你熱定凍？
Labels: 點睇
金多寶
金多寶，唔係講緊六合彩果d，係一間賣旗袍既舖頭。
柴仔向網上面搵到呢問舖頭，今日全家出動去揀衫。
未來奶奶揀左件粉紅色晚裝旗袍，揀左件註冊既衫，想揀埋衭架，但係揀唔岩。
我都見到有件旗袍好靚，不過邊有時間著丫。
見到 d 旗袍仔，又諗下姐妹衫。
都幾得意丫，不過唔知係咪人人接受到。
(特別鳴謝個 model~)
揀好哂就搵地方食飯。
始終土瓜灣比較少選擇，搭的士走去九龍城食泰國菜。
又係食金麥泰囉，都唔知點解去親九龍城食泰國菜，都係會去左呢間。
**臨時市政局同臨時區域市政局既墊檯紙
到要返屋企既時間喇。
好怕向九龍城走，因為我係唔識搭巴士返屋企既典型九龍人。
好彩有個識搭巴士返屋企既典型新界人。
嘻嘻。
Labels: 婚紗禮服, 星期三緊
涼浸浸
貪心，拿左六本書。
本來一個袋裝哂，亞媽叫我分開袋，就搵左個袋分兩本過去。
單膞背四本果袋，到地鐵站已經赤赤痛。
六本真係唔知點頂，好在聽亞媽話...
同新郎哥去做西裝，柴哥哥都有黎幫下眼。
揀左套中山裝樣既，做埋背心同恤衫，盛惠一千三十蚊。
To Do List 又可以少一個 item~
柴仔用積分換左朋友仔風機，今日去拿。
返到新居即刻試用啦！
有埋冰盒架，真係涼浸浸~
夜晚返屋企，撞見亞東。
見到呢 d 有經驗人士，問下佢派帖果陣個面點整囉。
都係用 label，但就順住打，之後慢慢界。
可以參考下既。
跟住佢問我印帖未，哈哈，已經印好左拿埋返屋企添喇！
佢話我快得好緊要呢！
Labels: 一片瓦, 劃火柴, 婚宴請帖, 婚紗禮服
Label
呢幾日四圍搵透明 laser print 用 label。
諗住帖面人名用 label。
雖然一路都想用手寫，但有 d 難度，唯有放棄。
屋企附近冇。
大眾五十五蚊十張 A4 size。
德福仲貴，貴到都唔記幾錢。
睇定 d 先。
**********
爸爸買左 D90，盛惠 12810！！
@@
哈哈，真係執條xx累身家喇~
Labels: 嘉士, 婚宴請帖, 星期三緊
//
4/11/09 18:23