三個女人一個墟
約左 ESDlife d 人食 lunch，順便領取物資。
又係一個好人囉，幫一眾姐妹返大陸辦平貨。
三個女人，傾到停唔到。
要返工咋，唔係食多個 tea 都得。
臨走時其中一個講，「下一次見面已經係人妻喇~」。
哇哈哈...係係...
夜晚去酒樓試 CD DVD。
有隻播相既唔得囉，其他都 ok。
要再製作過，辛苦柴仔~ :-P
行過 d 街都未覺得有大減價，咁點購物呀！？
Labels: 婚宴, 星期三緊
返落黎啦~
今朝早見到 d yen 升到 8.7~~
OMG!
Labels: 點滴生活
柴的電腦
今日行程緊湊。
先去買褂鞋。
呢個項目我冇乜要求，去返旺角樓梯底好出名果間度買。
呢間野都幾犀利喎，我諗有蒲 ESDlife 既人都會識。
真係好快，十五分鐘都唔知有冇就走得。
下一站去 Trinice 揀花。
上到去佢有再介紹架，不過免得花多眼亂，要返之前自己揀好果 d 款。
花球
俾四大長老既襟花
俾家姐姐夫哥哥同佢女友既襟花
俾兄弟姐妹既襟花手花
彷彿係一系列咁架，因為個個都有 d 白色小花！
約左亞生拿茶具。
佢實在太好人喇！
幫我向大陸買茶具，有平貨之餘，我仲可以慳返 d 車錢。
再下一站就係黃金。
今次到買柴仔既電腦。
不過佢唔好彩，個 case 向平果間冇貨，要去第間買貴 15 蚊，LCD 又冇左 惠康 coupon 送。
大袋細袋返新居砌機。
又遇到困難喇！
SATA 頂住個火牛，搞好耐加夾粗黎先整到。
柴仔仲整到流血都唔知，我見到個機有血，佢先發現原來係佢流緊......
夜晚仲要招呼 E 記既朋友仔黎參觀。
呢班野唔賭唔舒服，不過我乜都冇，得好益智既 UNO。
哈哈，所以都冇坐好耐就散 lu~
好充實呀~
Labels: 一片瓦, 婚紗禮服, 工場 E, 星期三緊, 花球
女人價值
今晚轟炸以前暑期工既同事。
其中一個有駕電單車，我之前成日都嚷住要坐。
今次又講起坐電單車，亞火就話「佢而家唔會坐架喇，待嫁既女人好矜貴架！」
冇錯！
我過馬路都小心左...呵呵呵~
:-P
Labels: 工場 N
通話分鐘
大概呢個月打太多電話約人拿，通話分鐘所剩無幾。
從來都未試過！
要係咁飛線俾柴仔，講親電話都要 check 下講左幾耐，仲有幾多分鐘剩。
今日終於從新計過。
重生喇！
Labels: 點滴生活
Connected
打風打到十點，好過冇啦！
新屋果度，搞掂埋寬頻喇~
30 M 架！
Labels: 一片瓦
我的電腦
柴仔約左佢 d 中學同學飲早茶派帖。
因為有 bb 睇，所以我又跟埋去。
個 bb 好得意，好跟人，一 d 都唔扭計，個個都抱得玩得，笑哂咁，好好玩。
佢好鐘意個發聲鎚仔囉，打一下就係咁笑。
個波波玩具都如我地所想...要執...
飲完茶各有各走，我地出旺角交酒店尾數。
曾經睇過有人話經 agent book 酒店，當日去到收唔到房，希望我唔會咁黑仔啦。
出黃金買我部電腦喇！
全部柴仔話事，無腦買電腦，呵呵！
柴仔拿住太多野，我自己捐去買 keyboard。
約向地鐵站果邊出口等，結果，我向下面認錯路，捐錯左去麥當當果邊。
認路方面，都係無腦...
:-P
返左新居先，之後分頭行動。
柴仔回家拿砌機用品；我去買野飲，招呼今晚黎參觀既大學同學。
今次唔係向屋企食，去酒樓食完先上去，簡單 d 呀。
不過附近既食肆都好煩，只得 6:30 book，早左 dd 囉。
朋友仔走哂之後，我地開始砌機喇！
都搞左幾耐。
到差唔多得既時候，發現冇 power cord 囉...囧"
解決方發係...拿電飯煲果絛...哇哈哈哈！
開到機喇~wow~
點都試玩下先訓！
:-P
Labels: 一片瓦, 出門酒店, 書友仔 U
綵排
仲有一個月咋！
有意冇意揀左今日去做註冊綵排。
聽下點企、點行、幾時做咩。
有俾埋誓詞試讀，教下咩位稍為停一停，咩位望下對方。
個姐姐話，可以唔讀，留返正式果日先讀。
咁我梗係唔讀啦，不過柴仔有讀，只係換左 d 假名囉。
好快好快就綵排完喇。
食飯前去左揀禮物俾 Eric 個仔。
細路仔禮物真係好難揀架。
又怕好快唔岩玩，又怕仲未識玩。
兩個大唔透向玩具反斗城 BB 玩具部左兜右兜。
結果買左相中既波波同一個有聲既鎚仔。
d 波波似係玩佢老豆多 d 囉...個仔擲，老豆拾...哇哈哈！
Labels: 劃火柴, 婚姻註冊, 星期三緊
呵呵呵
做緊 facial 接唔到個電話。
聽返留言，個傻人炸我留言信箱。
我又俾人炸得好開心。
呵呵呵，1234567，呵呵呵~
Labels: 劃火柴
睇定目標
去黃金睇電腦，睇定目標，隨時出擊！
價錢同柴柴之前預算既差不多。
有 d 配件可能要換換。
柴柴話事，yeah~
同小王子小公主去街。
遇上朋友一家到訪...
沙膽小王子都退避三舍，小公主就梗加唔使講啦。
不過佢地會因為有我陪住而覺得安心，令我覺得好 warm 呀~
Labels: 一片瓦, 劃火柴
歡迎光臨
新屋一連幾個星期六既開放日開始喇！
第一批友人係我既中學同學。
叫 pizza 同買壽司向屋企食。
我低估左呢班人既食量囉。
唔夠飽既，真係唔好意思。
我又做左白痴野囉。
預備左相機影相，但係唔記得拿電......
=.="
Labels: 一片瓦, 書友仔 S
有毒！
今日約左舊同事出黎派帖。
揀左旺角一間食齋既地方晚飯。
因為戒緊口，牛鵝蝦蟹芒果菠蘿榴槤呢 d 毒野都唔食得，所以揀菜既時候，d 二選一我要雞唔要牛。
我 d 好同事即刻話：「小姐，齋黎架！齋都有毒！？」
er...係喎...嘻嘻...
Labels: 工場 A
燎原火 //
18/2/10 15:44