我係一"哥"外星人牙
今日多雲。
柴仔見天空有一個洞，透到藍天，就同我講個天有缺口。
哈，估下我點反應佢？
「我要返去喇~」
即刻俾個衰仔笑，「你返去邊呀？」
=.="
柴仔手又痛喇。
向藥房買左支正good水同佢搓。
就向街 d 公園 (旺角嘉樂隔離果個、屋企附近屋村果個) 搓咋。
都有人眼望望既。
哈，似係後生仔打架受傷唔敢返屋企搓咁。
曳曳呀~
Labels: 劃火柴
變靚 d
正式 join 左 Aunoma 喇。
希望可以變靚 d 啦~
Labels: 星期三緊, 美容
酒席-我訂你喇
今日放工碌去訂酒席。
搞一大輪，經理請我地食個糖水，9點幾至走。
落左一萬五千個大洋訂，其他當日俾本票。
睇真 d 人地話好礙眼既魚池，都冇乜問題丫，我地 ok 喎。
本身每席送紅酒，任飲要加...唔記得 180 定 200，我地就唔要紅酒，轉 free 任飲。
傾左桌布要杏色，寫到明包西式佈置，送英文掛字，包椅套，主家桌布。
帖佢本身一席送 10 張，都俾到 250 張我地。
仲有送 5 磅蛋糕變送 6 磅。
落左訂，放左一個心啦~
外傳：
原來我媽媽同柴爸爸都以為我地係今年結婚。
哈，仲心急過我~
Labels: 婚宴, 星期三緊
頻撲的假期
今日請左假。
朝早同柴仔去長沙灣填表。
呵呵，佢有文件唔記得帶。
好在唔係我唔記得姐，唔係實被扁。
個銀行界朋友都幾得意，"熬"佢最得意。
估唔到填份表都咁耐，搞到肚仔投訴，打哂鼓咁，冇食早餐嘛。
酒席果度我打左電話去 hold 喇，不過個經理放假，要星期三先去落訂。
話就話 mark 左簿，但都驚驚地，快 d 到星期三就可以了件心事。
話時話，我上次去睇場，有對 2010 年年中既新人已經去搵酒席，真係幾誇張。
我話囉，第時追女仔要咁：「你可唔可以做我女朋友呀，我訂左酒席架喇！」
哈哈。
去律師樓搞完 d 野，飲杯好似話好出名既涼茶，就丁去銅鑼灣。
去搵下傳說中賣 girdle 好好既地方。
可能係平日啦，唔算好多人，兩三個排向門口囉。
視察完就走喇，我下次自己先再去買。
呢個細世界真係細，咁都撞到另一個放緊大假既同事。
柴仔話，咁勿好囉，証明我唔係去見工。
諗下註冊既野，最好係政府註冊處既，但係咁既時勢，要大日子之前三個月先登記得既服務，會令我有排都訓唔著囉。
另一個選擇就係好似伊甸園咁既註冊場地，可以叫 d 唔請去飲既朋友去見下嘛。
但睇下同律師錢係咪差好遠啦，差好遠就酒樓註埋冊囉。
不過係最怕個場面會好難控制。
搵下資料先。
諗下間屋。
我地兩個都唔識設計，應該都唔會搵設計公司架喇。
唔識點樣又話空間感大 d，點又會冇咁壓迫，點又多 d 收納空間。
柴仔話所以買間大 dd 既屋，搞到細左都住得人。
呢個都係解決問題既方法......
去時代睇下電器。
電視播緊財經既野，有走馬燈報價，發現有好多數碼機都 show 得好差。
係有部 JVC 咩 "32FX77" 好似 ok，我話要記低 model 囉。
不過時都係有排睇有排揀。
過返海去旺角。
坐向麥花臣公園，休息下，睇下路人，傾下計。
柴仔話佢可以坐向公園一日。
如果得我一個人，如果我無目的，其實我唔係好鍾意向公眾地方流。
但有柴仔向度，我可以無目的漫遊，可以靜靜坐向度吹風。
其實我係咪有咩社交障礙呢？
無聊問下柴仔，第時一齊返屋企，會係邊個開門。
衰仔，話遙控架嘛...
「老婆開門」「老婆開燈」「老婆開風扇」「老婆開窗」
i ya...老婆定阿四呀~
Labels: 一片瓦, 劃火柴, 婚姻註冊, 婚宴, 婚紗禮服, 星期三緊
杯麵
今晚向柴仔屋企食飯，突然被問識唔識煮飯。
呵呵，大概驚柴仔冇啖好食啦。
唔使驚啦喎，一定會發生既野係唔使驚架~
柴爸爸話要買兩箱杯麵俾我地。
柴媽媽話唔得，柴爸爸仲問，係唔得買杯麵，定兩箱咁少唔得。
暈...
Labels: 劃火柴
酒席-睇場
今日落大雨天，紅雨黑雨都齊，我地就出動搵酒席地方。
本來提議過馬鞍山果間酒店架，不過一講馬鞍山，兩老就話遠。
唉，柴仔唔想我太難做，所以另覓地方。
尋日知道呢個節目架喇，所以都做左 d 功課，睇下訂酒席有咩要注意。
哈，點知都係做錯功課，好似小學生做左大學生功課咁。
因為我連目標要去睇既酒樓都冇諗，就走去諗 d 咁後期既野。
大概去左七間左右啦。
囍臨門 (創興)
頭炮，所以問題都未識問。
check 左有期，睇睇個場，一個長形大廳，冇柱，有新娘房。
感覺都幾好。
迎囍 (雅蘭)
上到去覺得個場太大，又有柱。
唔鍾意，所以都冇同佢 d 職員傾過就走左。
煌府(旺角道)
坐低飲啖茶慢慢 sell，應該係最有心 sell 既一間。
好詳細咁介紹，又行場，又睇相。
最搞笑係個飛天花車，不過我實在太唔浪漫，只係諗如果跌落黎，酒樓會點賠。$_$
場內既野我都幾鍾意，不過交通方面又有 d 違反我地出返市區搵酒樓既原因。
煌府(始創)
到每間酒樓，第一個問題都係 check 下有冇期。
呢間冇囉...飛~
帝皇庭(始創)
間隔都係一個長形大廳，冇柱，有新娘房。
睇新娘房既時候，我只不過係打開個衣櫃之嘛，俾人話「睇樓咩~」，嘻嘻。
聽個經理介紹，brief 一下當日既流程，哼哂歌咁，幾搞笑架。
彩福(始創)
個場表面睇都好得，但問一問價錢，minimum 包場舊錢好大。
out~
新世紀廣場
呢度有兩間酒樓，但要太多席，都唔岩我地。
好彩(聯合)
返屋企經過聯合，見有間酒樓，順便睇下。
個場唔靚囉，有柱。
返屋企再睇返 d 資料，基本上都揀到。
問埋四大長老就可以 confirm。
最驚係俾人捷足先登，要快 d 快 d~
Labels: 婚宴, 星期三緊
幸福新娘
尋日表妹打黎傾計。
佢出年都結婚，不過佢好早之前已經準備架喇。
又係話乜都好難 book，哎呀，我又 lorlorlun 喇。
但又唔知擔心 d 乜，又唔係有日子有限期。
有 d 野知道係要做既，但又唔知點做，又做唔到...
返屋企途中同柴仔講電話。
聽到柴仔講話角色掉換左，我好唔開心。
唔係話佢怪我，係我怪我自己令佢咁覺得。
佢的確係出左好多力，我的確好慚愧。
衰在我冇主見死...酒店酒樓都決定唔到...又想咁，又唔想咁，怕呢樣又怕果樣...
講到眼濕濕，地鐵黎架嘛，都幾狼狽。
講唔落去，唯有先收線。
柴仔之後 send 左個 sms 俾我。
佢知我唔開心，話點都會搞掂 d 野。
晏多少少，仲俾埋個日子我。
我真係覺得我好幸福。
Labels: 星期三緊
炸彈潮
又到 E 記開生日會既時候喇。
亞東同阿嬌宣佈出年結婚呀！
佢地定左日子，係 5月16日，好鄧佢地開心呢。
我未定日子，柴仔又唔向我身邊，所以冇講我都會出年結婚。
佢地班衰仔仲話我一定 lorlorlun，話下次約埋柴仔出黎俾 d 壓力佢喎。
嘻嘻，使鬼你地迫呀，柴仔不知幾自願...呵呵呵...
阿嬌講酒席好難 book ，講到我都好擔心。
點算呢？
Labels: 工場 E
婚戒
頻撲左幾個星期六，今日終於比較閒。
不過閒都唔係閒向屋企，去搞戒指既事囉。
拿求婚戒指去改，但個 sales 姐姐見我戴右手中指唔鬆，就建議我唔好改。
咁我都唔係好想傷到隻戒指，唔改啦~
結婚戒指造好左，今日去拿埋。
拿到返屋企，亞媽見到，話婚期都未定，咁快戒指都買埋。
哇哈哈~
Labels: 星期三緊, 結婚戒指
Aunoma
今日到去官塘試 facial 喇。
呢度有個新娘 plan，都好抵下，5000個大洋有20次做面30次做減肥/胸/背。
環境 ok，人 ok，手勢都 ok。
幾岩架喇，不過我又冇即刻 join，過多幾日睇下有冇問題先。
同我做果個小姐叫 Rice。
傾下傾下，佢細個同柴仔住埋同一幢大廈架。
呢個世界咁細既。
諗起佢地細個可能會見過面，一齊搭 lift 咁，好得意。
Labels: 星期三緊, 美容
談判
好緊張，連續發兩次夢都係戶口唔見錢，唔知有咩關係呢。
去到地產舖，要等業主到。
業主到左之後，經紀招呼佢入房，話分開傾方便 d 喎。
經紀來來回回，要業主收少 d，又要我地俾多 d。
業主話經紀幫哂我地，係咁按佢價，又發爛渣又話唔傾又話要走。
我地話就話 set 左底線，結果都過左，冇辦法啦，真係睇岩丫嘛。
提過話減佣既，最後都冇左件事。
話就話價低到會返去俾老公打死，但我覺得佢著數 d，我仲見到佢陰陰笑。
哎呀，我好冷血呀，我即刻諗唔好死向間屋度，唔係變凶宅就弊。
柴仔話佢心入面有好多野盤算，有 d 猶疑，有 d...
唔係開心興奮 feel 囉。
希望好快可以消除所有疑慮，一切開開心心，順順利利啦。
我就冇乜野呀，都話咯，我已經諗緊 d 野點擺...hehe~
Labels: 一片瓦
北上
好多年冇上過去喇，羅湖既 e-道都係第一次玩。
唔同哂啦，我一 d 都唔認得咯。
兩個鄉下人出城，靠我地 d 自己明人地唔明既普通話，嘿，死梗。
不過有柴仔呢個地圖王，都去到要去既地方。
真係唔知柴仔係乜野構造，built-in 左地圖咁。
上到去聽下介紹，其實都一早心中有數。
聽下小小意見咩日子邊度靚囉。
結果，我最唔想既日子最靚。
實熱到溶，真係冇計。
上次覆診後都好有誠意啦，約左聽日談判。
人生第一次呀，好緊張，即刻搵 Noffy 過返兩招。
唔知會點呢？
Labels: 一片瓦, 劃火柴, 婚紗攝影, 星期三緊
沒拜山的清明節
已經準備好出門口架喇，但係突然肚痛。
好想去講個好消息俾亞公同婆婆知架嘛。
Labels: 點滴生活
踢箱
今日第一次玩 Kick Boxing。
短短一個鐘，隻腳痛到行唔到。
搞到我要放棄平兩蚊，搭 shuttle 出地鐵站。
真敗家。
Labels: 點滴生活
First Image
我又去卒面喇。
今次做果 d 叫鑽石定水晶磨皮，做埋背，試做價 396 蚊埋單。
即時有 d 黑黑地既油整左出黎，係幾有視覺效果既。
但個姐姐都幾 hardsell，試做完捉入房聽佢 d plan。
仲要好貴 tim 架，20000 蚊做 40 次背，面就 250 蚊次。
要 join 成個 pakage 先係咁既價錢喎。
Out 啦~
返屋企途中遇見一個中學老師-小肥榮。
佢認得我，仲記得我個名。
嘩，我覺得好開心呀。
Labels: 星期三緊, 美容
//
18/8/08 23:21
ccming //
19/8/08 22:42