大嶼山一天遊
兩個小朋友去郊遊呀！
我話放假想去離島行下，難得柴仔又同意(講到佢好似好專制咁)，所以今日去大嶼山玩玩。
我仲特登預備左遠行乾糧...嘻嘻...
"一早"到中環去麥當當買早餐食。
嘩，覺得自己去左菲律賓咁呀！
搵唔到位，買走去碼頭食，o拍埋丸先上船。
搭一點班船去梅窩，都要成個鐘頭至到，好彩我冇乜野。
我低估左大嶼山既 size，所以俾人 ban 左，唔去大澳、機場同迪欣湖，淨係去睇大佛。
搭兩點巴士去大佛度，嘩，d 車船錢都幾 lar 利。
睇大雄寶殿，岩岩有 d 僧人向度唸經。
我地都好懷疑佢地係咪真僧人，定係返工僧人，嘻嘻。
見人地食齋菜既地方，我地又走去食下野。
食左豆腐花、芒果馬豆糕、紅棗桂花糕、蜜桃大菜糕，盛惠 18 蚊。
不過...唔好食囉...
留心睇下呢兩張相有乜分別。
答案：右邊幅相隻"庚"遮住左崩左既豆腐花。
食住包雞肉味小小酥，準備行上大佛。
行到入口，有人叫我地，我地作賊心虛呀，以為人地話我地唔係食齋，原來只係問參唔參觀某某地方，哈哈。
行上樓梯，腳軟加喘氣，老喇老喇...
由下向上望
由上向下望
由上向上望
去埋心經簡林，順住經文走一圈，就離開大佛範圍喇。
(不過我地發覺好多人都唔順經文走......)
經過專業人士調較相機設定前後既效果。
咁，邊張係前，邊張係後呢？
搭巴士出返東涌市中心。
車上坐隔離位個小妹妹好熟咁同我地玩，玩到訓哂落柴柴度。
好在柴柴唔係壞人咋，細路女真係天真。
...好在只係細路女姐......
柴仔都唔識同小朋友溝通既。
人地點明白咩係紅日有放假喎。
又同人講扮病人要 pro d，哎呀，暈喇。
點解要扮病人？
因為小朋友太好精力喇，我地想休息下，靜下，勿叫佢扮病人、扮訓覺唔好郁囉，呵呵呵...
最後一站去到 outlet 商場。
有試鞋架，但試唔岩，買唔到平野囉。
食埋晚飯 (香辣牛肉麵+人蔘雞湯飯)，就完結左呢一次既旅程咯。
憂鬱的小公主
小公主尋日睇醫生，免得佢整到傷口，所以同佢戴左喇叭。
佢返到屋企都覺得佢怪怪地，係咁四圍撞。
柴仔話佢想靠撞，撞甩個喇叭喎。
之後我地出左街，就唔知佢情況喇。
今日柴仔話我知小公主憂鬱呀！
柴仔尋晚返到屋企，見佢冇戴喇叭。
爸爸話返佢知小公主走左去廁所訓，平時佢唔入去架嘛。
帶佢再睇醫生，檢查過唔係生理上有問題 (唔係針藥有事)，醫生話佢憂鬱囉。
小公主唔鍾意戴喇叭，搞到憂鬱。
女仔係貪靚 d...
九龍灣
今日九龍灣局部地區一日遊，目的係行下個紅當當既 MegaBox。
行返果條路，冇左果種好厭倦既感覺。
因為有柴仔向身邊，定係因為化左呢？
柴仔上 shuttle，話有去旅行既感覺。
我唔覺囉，好明確知道自己搭緊 shuttle。
大概我果陣習慣左啦。
MegaBox，頭果幾層都好似死城咁，冇乜人。
上頂好 d，人氣旺 d，真係 d 架咋喎。
最明顯係去廁所，完全都唔使等，咁多格任用。
行哂咁多層，睇下人地打冰曲、表演魔術、行下果間傢俱店。
入面有 d 唔係普通人家用既傢俱。
好似果個成個衣帽間咁既櫃啦，d 天台溫室啦，花園大閘啦，幾唔等使都有。
佢個推 bb 車就幾特別，成架車仔咁既。
回程我地係尾果幾個上車，冇得貼住坐隔離，唯有揀個隔住走廊既位囉。
d 位好"線"，我係咁西黎西去，跌出走廊。
柴仔話成車都冇人好似我咁論盡。
邊講邊用隻腳頂住我，嘻嘻。
諗起果陣上堂都防我跌"爭"，好是week是week。
向德福度又睇鞋，佢話我 yim 尖，我又話佢 yim 尖。
其實佢又真係講中我想要乜唔想要乜既。
佢話佢隨便揀野架咋喎，衰仔，有骨既。
去德福花園既平台坐。
人地明明話有圓圓既月亮，同有黃色既星星閃閃下。
佢就走去話有猩猩王，破壞哂 d 氣氛。
打仗
明明放假，變左要打仗。
拿返件收埋左好耐既戰衣出黎，我諗都差唔多兩年冇著過喇。
打完仗搵柴柴行街街。
(佢同我一齊放六日假)
雖然明明上次見到係 150蚊，而家變左 240蚊，但都買左果兩件恤衫，打完折，差唔多既。
不過都係買唔到鞋。
行去買狗糧。
著住件戰衣好鬼熱呀。
柴仔見到我都熱，所以買完就打的返屋企囉。
好敗家呀...
六天假
下午過 head office 開會，開完會可以向果邊走，跟住就放假放到 2/10 至返工。
離開 dc 果陣將放假既心情放哂上面，開心死。
同事都有問我放假會去邊度玩。
我話：「我都想搵地方去下...冇理由又出旺角架嘛。」
激死個同事囉，因為佢想講：「勿搵 d 短線團去下囉。」
...旺角...
抄貓
背景資料：
Dept A：BH，Buzz，Sa
Dept B: 亞臣，抄貓
Sa 早一陣子已離職，last day send 左個 goodbye email 俾大家，內容大概講多謝大家 x 個月黎既照顧，特別多謝 BH 同 Buzz，同留左 contact。
今日抄貓 last day，佢照抄 Sa 個 goodbye email，改左 x 個月同 contact，但就冇改多謝 BH同Buzz。
我同亞臣講，叫佢檢討下，人地走，多謝隔離 Dept d 人都唔多謝佢。
我又問 Buzz ，問佢對抄貓做過乜，做乜人地多謝佢都唔多謝亞臣。
哈哈，大家得啖笑。
小榮榮生日會
今日空氣好差，但都照跑步，好似同自己過唔去咁。
小王子好似整親隻左腳呀。
見佢行路隻左腳仔吊吊下咁，又唔俾人睇下乜事。
聽柴仔講，佢以前有唔舒服會 show 俾人睇架。
而家佢又唔識講，我地又估唔到。
希望冇乜野啦。
柴仔冇心肝唔記得我今晚唔陪佢，仲走去剪頭髮。
我今晚要去小榮榮生日會嘛。
臨行前向吉之島買野飲，掛住傾計，掂行掂過。
踏出左吉之島架喇，先突然記起野飲未錢，好在唔係人地出手拉我地轉頭咋。
架 73x 兜左好耐至到村口，如果你早少少行，真係會快過我到呀。
呢個小榮榮生日會，其實係同一個四十歲生日既師兄慶祝既。
侍應見門口寫"小榮榮生日會"，以為係小朋友(呢位師兄既仔)既生日會。
佢問個小朋友係咪小榮榮，我地全場爆笑。
返到屋企，我打電話俾柴仔，話我俾人錫左兩啖。
呵呵...佢即刻問係邊個...
勿就係小榮榮個仔之嘛~
搖控在那?
今朝亞媽打電話俾我，問我放左個電視搖控向邊。
=.="
我每朝係會開電視，用搖控較細聲，然後隨手將搖控放向桌邊。
我唔覺今朝有乜唔同，但個搖控就不翼而飛......
好詭秘呀~
命
無意中睇到幾篇自白。
原來你會咁樣形容自己，原來你咁諗，原來你咁覺得......
對一 d 事既陳述，對一 d 人既睇法，睇睇下眼淚就忍唔住喇。
究竟係為左引蛇出洞所以重手左，定真係真情剖白？
叮噹
向 7-11 買左我同柴仔既假期娛樂用品 -- 網上遊戲月卡。
買左二百幾蚊，一次過拿左廿幾隻叮噹印印。
我冇諗過儲架，但過下手癮，拆左成晚。
賣得出就好喇。
不過人地收得兩三蚊一隻，車錢都蝕埋啦！
又多一堆 xx ...嘻嘻...
人丁單薄
我個 department 有四個人。
今日有三個放左假，即係得我一丁友。
有趣既係，佢地三個放既係唔同種類既假。
派對放年假，駱駱放病假，美美放常假。
點解會咁架...
練功
柴仔對我好好，俾佢個膊頭我練初級指力。
我都對佢仲好，俾我個膊頭佢練高級指力。
註：-
初級指力訓練內容：
大大力就得喇
高級指力訓練內容：
要剛中帶柔、柔中帶剛、不溫不火
體檢結果
來電者：呢度係 xyz 化驗所打電話黎架。關於你上次驗身...
我心諗：下，特登打黎，唔係有咩事呀...
來電者：全部正常冇問題，報告會 xx 時寄返俾你架喇。
我心諗：心血小，估你唔到正常冇野都會打黎通知...
大吉利是
懶人多...
約左今日下午 body check。
姑娘叮囑 check 之前六個鐘唔好食野。
計過數，跑完步唔食返 d 野唔得架嘛。
所以...勿唔跑步囉...
95折道理
老師：今日老師要教大家積少成多、聚沙成塔、集腋成裘、少少許多水滴積聚成大海、少少許多沙粒積聚成大地既道理。
柴同學：咁積勞成疾得唔得呀？
老師：=_="
