Sunday, May 28, 2006

兄弟相認

本來今日約左中學同學們行山,但因天雨關係,改做室內活動。
見到亞飯,首先俾兩兄弟相認先。
咩係兄弟相認?
故事係咁既,當年我痴佢個 locker 用,勿一人一條鎖匙囉,但我一路都唔記得俾返佢。
所謂既兄弟,勿就係呢兩條鎖匙囉。
拿左兩條鎖匙出黎,對下 d 狗牙,係一對架,果一刻真係興奮到叫左出黎,哈哈。

Saturday, May 27, 2006

小病是福

今日天氣唔好,下雨,遠征左都冇去跑到。
況且柴柴病病地,陪佢休息休息囉。
有我陪住既小病,係咪好福呢?

呢次小聚,傾左好多計,好 warm。
知道你中左《火舞黃沙》毒,事事為我籌謀,但係睇返我自己,好似冇乜貢獻咁,好慚愧呀。
連你既耳仔頂獎勵計劃,都安排我做得獎人,送出為我而切既獎品。
你都領下獎啦,你都有好多好多想要既野架嘛。

依大師既推算,我會有十年惡運...唔...會點算呢?
我地就咁都過左六年幾啦,十年係咪會好快就過左呢?
有冇 hovie powy (<-新病毒)?冇喎,你呢?
其實你講果件事,係我做錯先,你先會咁做架。
忘記佢啦,你唔講,我都唔記得咯。

食完飯出去行下,呼吸下新鮮空氣。
去到書店,你個惡爺丫,冇心咳兩聲都嚇到人地彈開,有心既仲得了既!
諗起果兩位小姐,真係笑死我。

摸一摸你個額頭,摸一摸自已額頭,嘩,乜你個額頭咁熱既。
想搵感冒茶飲又驚飲錯,想搵中醫睇又唔向度。
返屋企等你休息下囉。
再訓一覺都係咁慶,先肯去睇醫生。
秘書仔幫你打點打點,搵大埔名醫。
嘩,話收 $400 蚊喎,嚇死人咩!
好在有醫療咭,一毫子都唔使俾,抵呀!
搭的的去,你又病到懵懵地,我又不嬲都懵懵地,以為人地大贈送,好在冇追上去俾返錢人咋,唔係就笨笨喇。
返去果陣你打俾你媽媽,睇下佢返唔返屋企煮飯,等佢可以煲粥俾你吃。
我諗如果媽媽唔返屋企,我連煲啖粥俾你食都唔識...唔...好醜呀...

Thursday, May 25, 2006

方濟各的祈禱

睇卡先生既書,佢節錄左一小段方濟各的祈禱。
對呢段禱文都幾有感情架,話哂都唱左五年。
呢段禱文係我小學既校歌嘛。
點解係五年?因為我係插班生囉!
想搵埋小一間學校既校歌架,但係搵唔到囉。

幼稚園既校歌我知邊度有,但懶得搵。
返而想知返學放學首歌。
我只係記得放學首歌有 tomorrow 呢個字,我就成日唱 "to 菠蘿"。
中學校歌嘛...em...中六先搵人作,唱得兩年,又覺得唔好聽,所以冇感情。

http://www.sfacs.edu.hk/firstpage.htm
有 mp3 download,但同當年唱既味道有 d 唔同。

<<方濟各的祈禱>>

天主,使我作你和平的工具。
在有仇恨的地方,讓我播種仁愛;
在有殘害的地方,讓我播種寬恕;
在有猜疑的地方,讓我播種信任。
在有絕望的地方,讓我播種希望;
在有黑暗的地方,讓我播種光明;
在有憂苦的地方,讓我播種喜樂。

天主,使我作你和平的工具。
我不企求他人的安慰,只求安慰他人。
我不企求他人的諒解,只求諒解他人。
我不企求他人的愛護,只求愛護他人。
天主,使我作你和平的工具。
因為在施捨他人時,我們接受施予;
因為在寬恕他人時,我們獲得寬恕;
因為在喪失生命時,我們生於永恒。

天主,使我作你和平的工具。

Wednesday, May 24, 2006

再見鋼牙 II

鋼牙呀,鋼牙,我又要同你 say bye bye 喇!
唔好唔捨得我~~

蘋果...你死喇...哈哈哈...

Tuesday, May 23, 2006

Lunch

公司職員手冊:
午飯時間為十二時至二時期間的一小時

初初黎既時候,大家都唔需要理會呢條條例。
閒閒咁去食飯,再去埋 supermarket 先返公司。
上個月俾大大佬簽完 OT 後,出左個 email 話要我地注意 lunch time 係一小時。
不過我地當同返工一樣,食多左,勿放遲 d 工補返囉。
今個月,連補返都話唔得,遲就冇 OT。
嘩,好唔抵姐。
食開飯 d 同事又唔係個個有 OT,有果 d 個大恅(under 大大佬)又唔會簽得咁手緊,所以佢地仲係食得幾悠。
我就辛苦喇,要等佢地出左門口,諗到去邊,就返時間先再急急追上。
又唔想做食得最慢果個,免得佢地怪我遲去,唯有打開個肚倒落去。
食完仲要先走,急急衝返公司。
日日咁食法,望就望唔好壞胃,唔係真係唔得黎死。

不過...點講呢...如果唔係我,根本大家都唔使食得咁辛苦。
因為我係唯一一個俾大大佬簽 time card 而又有得 claim OT 既人。
架構問題...因為我,令到大家就住就住,真係唔好意思。

Sunday, May 21, 2006

咖哩

今日早 d 見面,一齊吃個午飯。
隻論盡鬼食咖哩,彈到成身都係咖哩汁。
討論下有乜野處理方法。
都夠敗家喇,竟然話掉左佢。

食完飯去行下街。
慎重考慮之後,一人買一對著黎跑步既波鞋。
差 $41 就可以 $50 當 $100 使。
但行哂成間店,都再冇心水,唯有放棄個優惠,就咁買囉。
好似蝕底左咁既。

下雨天,帶唔到小王子同小公主去街街呀,淨係可以向走廊跑下咋。

她來聽我的演唱會

歌手:張學友 作曲:黃明洲
填詞:梁文福 編曲:黃中岳

她來聽我的演唱會
在十七歲的初戀第一次約會
男孩為了她徹夜排隊
半年的積蓄買了門票一對

我唱得她心醉 我唱得她心碎
三年的感情一封信就要收回
她記得月台汽笛聲聲在摧
播我的歌陪著人們流淚
嘿 陪人們流淚

她來聽我的演唱會
在二十五歲戀愛是風光明媚
男朋友背著她送人玫瑰
她不聽電話夜夜聽歌不睡

我唱得她心醉 我唱得她心碎
成年人分手後都像無所謂
和朋友一起買醉卡拉OK
唱我的歌陪著畫面流淚
嘿 陪著流眼淚

我唱得她心醉 我唱得她心碎
在三十三歲真愛那麼珍貴
年輕的女孩求她讓一讓位
讓男人決定跟誰遠走高飛
嘿 誰在遠走高飛

我唱得她心醉 我唱得她心碎
她努力不讓自己看來很累
歲月在聽我們唱無怨無悔
在掌聲裡唱到自己流淚
嘿 唱到自己流淚

她來聽我的演唱會
在四十歲後聽歌的女人很美
小孩在問她為什麼流淚
身邊的男人早已漸漸入睡
她靜靜聽著我們的演唱會

--------------------------------------------------
呢幾日都有聽呢首歌,今晚走去睇下佢 d 詞。
普通話麻麻,所以唔睇都唔係好知佢唱乜,一睇,就覺得 d 詞幾得意。
一個"粉絲" ,由十七歲到四十歲,由初戀到為人母,聽住偶像既歌,去佢既演唱會。
中間發生既事,d 感情,好隱晦咁表達,
二十三年既時間向一首歌唱出黎,好得意。

Monday, May 15, 2006

肉痛加心痛

肉痛情況依然持續。
唔似得尋日有得"呢"向屋企休息,今日要返工,痛都要頂硬上。
好彩既係返工放工搭巴士,樓梯少,唔使上落好多。
唔好彩既係我今日約左睇牙醫,睇完搭地鐵返屋企,向樓梯底望上去出口既心情...一流。

奇怪今日御准夜訓,諗左好多個可能性,有乜事呢?
知道之後都唔知點算,我又幫唔到手,又睇你唔到。
淨係識擔心...心痛你。
希望會冇事,一切都平安啦。

Sunday, May 14, 2006

肉痛

哎吔...明明已經有愛心亞嬋,點解今日仲會咁肉痛架?
大脾好鬼痛,坐低起身果下好係野。
小腿反而冇乜事,教練解釋話係因為我落腳冇力喎。
今日都仲話有得向屋企休息,聽日返工死梗。

Saturday, May 13, 2006

沿途有你

做運動,身體好。
今日遠征去搵柴柴帶我去遠征。
呢次活動係柴柴發起架,我估佢係一心為我身體好。

換好衫,出發。
目的地係海濱公園長廊盡頭。
沿途有柴柴師父教我點呼吸、點擺手、點落腳。
初初都仲有氣講下野,點不知都未到海濱公園長廊已經唔係好得。
向佢身都未熱既時候,我已經有心無力。
係有去到盡頭既,不過行多過跑囉,渣渣。
你講得冇錯,如果唔係有你,我根本唔會一個人走去跑。
如果唔係有你,果段長廊我根本唔會行落去。
好彩,沿途有你。

去到健康徑果度,我只係玩得幾個。
其實莫講話我已經有心無力丫,平時我都唔鍾意玩果 d 架既。
一黎手臂冇力水,二黎細個果陣跌過落地嘛*,三黎...其實開始唔係好舒服。

食午飯既時候,我地向度討論第四度空間,我覺得我地好 pro 呀。
究竟飛越未來同回到過去係點既呢?
好似龍珠個時光房咁丫,定係去左有另一個自己既空間呢?
係咪而家發生既野,已經包括埋未來既人回到過去所引致既改變呢?(好似雪狼湖咁)
咁郭晉安果套隔世追兇又點解釋呢? 人人都 reboot 左,清左 memory,點解佢仲似為陳慧珊跛左,佢老豆死左?
如果真係有飛越未來同回到過去,點樣監管呀?
嘩,好複雜呀!

夜晚返屋企食飯,慶祝母親節嘛。
之後仲成家人去左超級市場 shopping。
感覺好特別。

今日我覺得我好"loan"呀。
第一,太陽好猛嘛。
第二...嘻嘻...你囉...你 sip 高枕頭諗下你做乜會整"loan"我啦。

*話當年:
應該係三四年班咁上下既事,果陣學校去烏溪沙旅行。
向我玩個架既時候,有個同學除左我隻白飯魚,唧我腳板底,我一掙扎,一鬆手,咁就跌左落黎喇。
又唔係腳落地架喎,背脊咁上下落地架喎,攤左向度囉。
記得有班哥哥姐姐見到,無啦啦同我唱生日歌乙水我唔好喊。
冇去醫院既,但直到回程返學校之前,都訓左向醫療室囉。
呢次意外,搞到我背脊敷左幾日跌打。
果個同學好驚架,但我印象中好似冇篤到佢出黎喎。

Wednesday, May 10, 2006

時間、金錢

今朝唔知醒,向平時已經上左車訓緊既時間先起身。
其實,究竟個 alarm 有冇響過呢?
聽日點算呢?要心掛掛,又訓得唔好啦。

遲左 13 分鐘返工,雖然係自己衰,但係要補咁多,個心都唔高興。 v_v
唉,禍不單行,lunch 仲要去飲茶。
同事有咁既提議,我都知實出事架喇。
仲要去美心大酒樓,時間同金錢雙失。
嘩,係平時既三倍幾價錢呀。
時間呢,又多 20 分鐘。
下下走先又好似好唔合群,好計較咁。
搞到足足要遲多 33 分鐘先可以放工呀。

Monday, May 08, 2006

Microwave

微波爐所引起的各式傷害

以下的內容摘錄自"疾病的形成與防範"一書,作者為洪山本博士(新加坡營養學博士)

首先令我們好奇的是何以微波爐有害?倘若有害,為什麼政府不回收呢?

有個很有意思的比喻,或者可比擬這個情況,當你將一隻青蛙放上一個開著大火的熱鍋時,牠會立刻跳走,但如果你用一根蠟燭慢慢燃燒加溫,剛開始時,青蛙並不覺得有任何燙感,但逐漸的等到牠覺得熱了,想跳走時牠的腳已被熱鍋黏住了,再也無法跳走。如今微波爐就像那根蠟燭,使用它的人就像那隻青蛙,什麼時候會被黏住,或許是十或二十年之後,但遲早有可能被黏住。

在醫院中輸血,需將從冰箱拿出的血加以溫熱才可輸入人體,曾有護士為了急救病人節省時間,使用微波爐加溫血液,一輸入體後病人立即死亡,以後醫院中嚴格規定,絕不可用微波爐去溫熱血液。而專門調製給嬰兒服用的奶粉,盒上說明文字,明白寫出絕不可用微波爐去煮熱,因為它會破壞所有的營養。

有關微波爐所引起的各式傷害,蘇聯人作了許多研究,例如:

(a)肉類微波後會產生一種致癌物叫d-NitroSodienthanolanines。

(b)微波過的牛奶、水果、麥片,會將其中的氨基酸轉化為致癌物。

(c) 蔬菜微波後,會將植物生物鹼(Plant Alkaloids)轉化成致癌物。


在蘇聯、德國、瑞士等國家,對微波爐造成人體傷害方面,作了許多研究。有人問,如果微波爐有害,何以政府不制止它的使用?乃因它所造成的傷害,不是短時間內立即可看到可能是在二十年以後才顯現出來,除有專業研究員,在實驗室作實驗來證實。

而在美國,一切研究以利益為前導,對無利可圖的事,是沒有人去作研究的。這個國家以科學掛帥,最優秀的人才都做了工程師,只講究效率、效果,卻不去管後果。在美國癌症也比其他國家領先,高居第一位。為保護大眾利益作研究的團體幾乎沒有,都是為大公司牟利而研究。

比較上,在英國社會學系都是最優秀的精英分子,稍次者才去當工程師,由於當政者資歷背景的差異,在美國為公眾利益而不求牟利的研究,是無法和其他一些國家比擬的。

根據蘇聯、德國、瑞士等國家所作對對微波爐的研究,發現有許多負面的結論:

(01)它破壞腦組織。腦的傳播是靠磁波,微波爐處理過的食物,如長期食用,會中和腦磁波,使腦退化,磁波短路,此為長期副作用。

(02)微波爐食物,除了有致癌物之外,它還產生一堆不能為身體所吸收利用的不知名副產品。

(03)長期食用微波爐食物,使男女荷爾蒙分泌量減低或改變。

(04)微波爐食物的副產品,是長期而永久性的殘存於人體內。

(05)食物中的礦物質,維生素及營養大量減少,或改變成致癌物,以及許多不能為身體所分解的合成物。

(06)微波爐烹煮的食物,使蔬菜中的礦物質,改變成會破壞人體的自由基。

(07)微波爐食物能引起胃癌,有些胃癌及腸癌,皆與吃太多微波爐食物有關,這或許解釋了何以美國人近些年來,患直腸癌的比例如此迅速增加。

(08)長期吃微波爐食物,易使身體產生大量癌細胞。

--------------------------------------------------
自從聽過你講之後,我已經避得就避架喇。
但係成家人既習慣,以佢地既作風,又點會咁易話唔用丫。
如果我真係唔聽你講既話,我就帶飯返工啦。
我又會帶麥皮返工司做早餐啦。
我冇咁做喎,好聽話架喇。

Saturday, May 06, 2006

向屋企出發

相約於尖沙咀,唔,我地好耐冇去過喇。
第二次到尖東火車站,唔熟果度環境,要搵你,都有 d 困難。
一路講住電話報位置,終於見到你。
「噫,點解你講電話個咀唔郁既?」
「唔使俾人當傻佬,以為我自言自語嘛。」<-- 呢個佬用緊藍牙
...咁都得...又幾好橋喎...

一見到你我就放怨氣。
今朝交左票嘛,黑哂面囉。
收果個收得唔高興,俾果個都俾得唔開心。
我又唔想去解釋,唔想去列清單。
但果個問題,真係估唔到會咁諗,諗得黎仲會問得出口先犀利。
唔係唔交出黎就等於用左架,我都要打算下架。
唉,究竟幾多先夠,究竟幾時先夠。

Thursday, May 04, 2006

難題

哎吔,又有難題要面對喇。
點解每次轉工都係咁既。