拉闊變奏廳-泳兒
話去聽泳兒演唱會，其實興趣不大，不過 Gremlins 有免費票，即管去下。
開頭都擔心完全唔識佢 d 歌，會悶，會 hub 眼訓。
但原來向呢個演唱會，完全唔識佢 d 歌都唔係問題，因為差不多全部都係唱張學友 d 歌。
情書、頭髮亂了、每天愛你多一些、愛是永恒...有好幾首只係播前奏我已經知係咩歌。
口 up up 唱下，弊，俾人知我係老餅。
Gremlins 都好得意，明明唔係粉絲，但都好投入咁，fing 哂手拍哂掌。
今晚玩得好開心~
Labels: 工場 A, 點滴生活
磚黎喇
買既磚都到左喇。
返去睇睇情況，都係有 dd 缺憾囉。
希望唔影響工程啦。
Labels: 一片瓦
甲由專家
今日巡視觀塘區。
睇 d 向工廠大廈入面賣傢俬、燈飾、電器既地方。
有盞燈幾靚架，不過俾柴仔話似長壽香。
大概睇下 d 款，睇下 d 價錢，再四圍睇睇囉。
向間茶餐廳吃 lunch。
我又發揮我叫錯野既本色。
柴仔明明叫我幫佢叫咖哩豬扒，我同左個侍應講要蠔仔粥。
都唔係第一次架喇。
之前成日叫米粉變瀨粉、叫凍咖啡變熱咖啡。
好在柴仔唔醃尖，嘻嘻。
去直銷準備買個電磁爐，順便探下個雪櫃同洗衣機。
嘩，標價唔同哂呀。
由於我好擔心佢趁機加價，所以即刻買哂三樣電器。
返到屋企睇下之前 quote 價個 list，先發現個洗衣機買貴左 250 蚊。
dum 哂心，即刻由格價專家貶左做甲由專家...
Labels: 一片瓦, 劃火柴
亞生也結婚
上次睇完亞生既 facebook 之後，今日同佢傾左個電話。
講左好耐，關於結婚既話題實在太多野講喇！
佢既好日子早我八日，好神奇呀。
仲要幫襯同一間非本地主流既影樓影婚紗相。
佢會早過我影，哈，一定會再搵佢拿料。
Labels: 書友仔 P
笨左
岩岩先至發現，原來先電匯，再拿現鈔，個價會好 d。
笨左。
Labels: 點滴生活
買磚
搭巴士果陣見到 Noffy 向條街度行緊。
即刻打電話俾佢同佢傾計，懺悔下。
因為連日黎，為左漏水既事，我係咁"騷擾"佢既同行。
返新居度尺，計買磚既數量，然後就起程北上。
有哂心水架喇！
廳房地磚
廁所牆磚
廁所地磚
企缸牆地磚
廚房牆磚花磚
廚房地磚揀黑色有樹葉紋既
去買左賣廳房地磚同企缸牆地磚果間先。
俾店員睇下我地既心水。
經佢地提議，放棄左黑色樹葉紋廚房地磚。
揀左最初睇到 ok 果隻。
呢度有埋心水廚房牆磚花磚，就一次過買囉。
去鷹鷹度，諗住買廁所樹葉牆磚地磚，但係話冇貨囉。
問哂倉，叫佢拆埋 display 都唔夠。
好失落，霎時間都唔知點好，又冇後備。
行下睇下，行返買左野果度。
柴仔叫我同師傅留返向舖頭，佢好快行個圈睇下有冇岩。
行開左，我至擔心佢一個人會危險。
好在冇事，仲帶我去睇板。
結果揀左呢套磚。
有 d 貝殼咁，好襯企缸 d 磚架~
埋單...個廁所好貴呀！
d 企缸牆地磚佔好大部份。
好敗家...
搞掂哂 d 磚，返香港，行 IKEA。
見到 IKEA 有我地想要既書檯。
五百蚊有找啦，蘋果做乜要幾千蚊呀....
離譜...
Labels: 一片瓦
Facebook
向 Facebook 搵返一堆小學同學。
重逄既感覺，好開心。
我以前最好既朋友，根據 d 相黎睇，好似已經結左婚。
亞生既相都係婚紗相，係好事近，定已經結左婚呢？
睇 d status，Toffy 訂左婚！？咁神秘！？
要同 Miffy 展開大搜查至得！
Labels: 點滴生活
可憐小公主
尋日睇完蘋果傢俬，今日我去去實惠刺探軍情，進行格價大行動。
真係平 d，嘻嘻。
收到亞東電話，佢地影完結婚相返黎喇。
佢話阿嬌試衫試左七個鐘。@_@"
幾日黎都冇乜人理佢，自已換衫自已set頭，但就幾個人圍住阿嬌。
日日都朝八晚七，都好支力好辛苦喎。
有日本人見到佢地影相，有祝福佢地。
又咁岩遇到攝影團，當佢地 model 咁影。
最搞笑係有香港人唔知佢地都係香港人，用廣東話講，話日本人都係咁影結婚相。
個幾月後到我影喇，唔知係點既呢~
同小公主小王子行街街，剪埋甲甲。
小公主爆甲滴血呀。
心痛死柴仔，心痛死我。
都唔知點算，即刻去搵醫生。
去到姑娘同佢睇睇，剪埋 dd 甲甲，都冇見醫生，又唔使俾錢就走咯。
好在唔大問題囉。
Labels: 劃火柴
樓上關水喉呀~
哎呀，收到消息話新居漏水，仲係漏到可以洗手果隻。
今朝就晨早碌去睇。
未至於可以洗手，但就真係間唔中滴下滴下咁。
通知管業處，管業處派個文員仔上黎睇下，影下相，要再等人 check。
我地搵哥哥出馬，都肯定唔到係樓上定平台滲過黎。
難搞難搞。
出荃灣睇傢俬。
柴柴求其搵架出城門隧道既巴士。
我先至知到出城門隧道轉車唔使錢。
嘩，大鄉里到丫。
睇蘋果傢俬同直銷。
蘋果傢俬 d 款好岩心水，好鍾意果隻黑橡木。
睇下書檯訂唔訂造到，問下價，嘩，幾塊木板既要三千幾蚊。
成個櫃都唔使咁貴。
荃灣呢間直銷 d service 同九龍灣果間好唔同架。
睇岩都唔向度買呀。
見 d 鞋特價，平平地有兩對。
柴柴買新鞋仔囉，一對返工，一對去街。
仲解決左佢有鞋冇衭同有衭冇鞋既問題。
行行下原來好多鞋店都特價，哈，笨左。
希望星期一會好天，唔使柴柴對新鞋受苦啦！
Labels: 一片瓦, 劃火柴
監工
尋晚屋企冇飯食，諗住順便約柴仔去新居睇下工程進度。
但因為搵唔到師傅，費事好似突擊檢查咁啦。
咁之後約到師傅，就今晚上去。
師傅整左幾支 200 火既燈，嘩，好光猛呀。
之前黑蚊蚊，而家唔同哂。
剝哂牆紙喇，睇到有 d 位有 d 水漬囉。
希望唔會好大件事啦。
師傅，努力呀~
Labels: 一片瓦
抗抗生素
唔舒服左一個禮拜，眼耳口鼻都有問題。
眼-眼碌碌會痛
耳-"盟"左，聽得唔清楚
口-喉嚨痕痛
鼻-塞到透唔到氣
用口透氣，搞到嘴唇乾裂，風到喉嚨又刺激到喉嚨好唔舒服。
頂左幾日，今日終於頂唔住，走去睇醫生。
醫生開左抗生素，我有 d 唔知食唔食好，因為"按時服完為止"對我係有 d 難度，同埋擔心藥力會唔會大得滯。
不過醫生開得，柴仔都叫我乖乖地食，勿食囉。
食左一次藥，又真係所有症狀都舒緩左既。
唔知可唔可以按時服完為止呢？
Labels: 點滴生活
激光脫毛
之前向 Bioderma 買野，送左次試做激光脫毛，今日去玩玩。
做既過程好快，但都幾痛下。
做完就聽佢 sell 野囉，話成個療程要做四至六次，原價 x 萬蚊，而家有優惠，只需 x 萬蚊，仲可以做免息分期，每個月只係要俾咁多千蚊就得喇。
嘩，下下都千千萬萬咁，我寧願唔著背心唔著裙。
Labels: 美容
再北上
趁今日假期，我同柴仔兩個人又走上大陸行下。
上次同師傅行田貝四路，今次我地去寶安北路。
見上次搭大巴都唔係好恐怖，今次我地都搵個火車站西廣場站搭大巴去。
第一站係 B&Q。
嘩，大過香港果間好多好多。
不過我地好快行個圈就算，因為 d 大間野唔合我地返大陸買野既原意。
睇其他家樂居、好百年，傢俬多囉，唔係好多建材。
加上上次睇既野已佔據左我既心，冇乜野入到眼。
我又有 d 燒燒地，都唔久留咯。
==========
返到黎記低左我地搭車既資料同人 share，唔使下下搭的士嘛。
田貝四路
向標示"火車站"既位置搭 1路 車。
"火車站"果度係露天既，有 d 黃色格格既"有蓋"巴士站。
到田貝四路站落車。
車費2蚊
認住自己向邊度落車，回程向對面搭返 1路 車。
如果我冇記錯，應該係中國銀行門口。
搭到返"火車站"落車。
車費2蚊
寶安北路
向標示"火車站西廣場站"既位置搭 61路 車。
"火車站西廣場站"果度都係露天。
上車位置向馬路中心，地下會見到 "61" 字樣。
到寶安北路口站落車。
未到站就見到 B&Q 架喇。
車費2蚊
回程我地行左去好百年果邊。
所以向"羅湖人才市場站" 搭 18路 車返"火車站西廣場站"
車費2.5蚊 (我地俾左2.5，不過我聽到中途有人問司機，司機話2蚊)
巴士貼示
雖然好似站站停，但建議唔好數站數囉。
會有普通話提示，但冇字幕，唔好掛住傾計呀，聽唔到就過廟架喇。
Labels: 一片瓦
//
3/2/09 17:18