I'm Yours
Good news from Ruby & Frankie
尋晚曹同學婚宴，聽到呢首歌，好鍾意。
今朝去 ESD 度搵，搵到喎！
想 download 果陣，發覺原來已經有。
哈哈，口味冇變，好專一~
Jason Mraz - I'm Yours (Live On Earth Single Video)
Labels: 點滴生活
爸爸七十大壽舉家台北四天之旅
28/9/2010
十一點半機，約左九點向機場等。
同康泰職員拿機票，佢問我地搭唔搭早一個鐘頭，即係十點二十五分飛既機去喎。
爸爸一聽到就係咁話好，諗都唔諗問都唔問。
就係咁，原本諗住向機場歎個早餐既計劃就失敗左，柴公要向奇華執個包食黎食藥。
好趕好趕咁上飛機。
十二點幾到台北。
到左機場先換台幣，冇 4 呀，得 3.9 咋。
跟住姐姐搭大有巴士去酒店 - 天成大飯店。
酒店接待處個女接待員，聽佢講野，不得不說一句"巧可愛耶~"
三間房都唔同間隔，可惡既係我地間房對住四個大煙囪！
收左房之後既活動，就係等。
等團長計劃行程...
話去鼎泰豐，但搵唔到向邊...
結果肚餓得滯，只係向酒店附近既無名小店搞掂。
食完野出發去第一個景點 - 中正紀念堂。
冇時限，任影唔嬲。
媽媽上唔到中間有個像果個堂，我唔放心佢一個人等我地，所以我都冇上到。
我以為我會上返去，但結果冇囉。
一個景點後，就到晚飯時間。
我地去左暴龍表妹推薦既紅蟹將軍。
入到餐廳，唔係好覺得自己向台灣，因為四圍都有人講廣東話...
蟹、牛、海鮮都好正！
爸爸仲話第晚再去 tim，我地唔睬佢之嘛~
29/9/2010
食過酒店既早餐，返房睇電視+訓覺等出發。
由士林站轉巴士去故宮博物院。
我上巴士嘟左悠遊卡先發覺應該係落車嘟。
落車果陣同返司機講我上車嘟左..."我嘟左"...
行故宮博物院行左三個鐘，跟團的確冇可能做到。
"lunch"去晶華(故宮博物院範圍餐廳)。
佢 show 出黎個價錢都 ok，但諗下都係古怪架喇，結果真係得細細碗囉。
食完返士林站，準備去淡水。
行行下發現 Tiamo 專門店，柴仔有收獲呀！
買左個量杯仔，越南壼貴過香港，所以冇買。
去到淡水，沿住海邊行，好趕好趕咁行去尾影日落。
我都支力啦，支力死亞媽呀。
天黑行老街，買下野食下野。
我買左個超~
大家都買左鳳梨酥。(間舖頭本來冇人，經我地一買變左好多人)
晚飯嘛，犀利咯，我諗好多香港人都未試過...台灣吉野家！
冇辦法啦，老人家唔頂得肚餓，唯有食豬唔食牛囉。
返酒店，向台北站，姐要爸爸媽媽帶路返酒店，考下佢地認路能力。
唉，好似亞笨同亞占咁。
睇住佢地一個行左，一個行右，唔見左大家...
唉...
30/9/2010
弊...今日病病地...頂住...
尋日買左個超，今朝幾好天勿戴下囉，點知出事...
坐臺鐵去瑞芳，再塔平溪線去十分。
去到瑞芳已經落雨...
去到菁桐，太大雨車都冇落，返轉頭去平溪搵食。
食店叫福昌，好在好味，隻雞同 d 筍食到亞姐同亞媽回味無窮。
我都係咁二買到 d 天燈仔做手信。
夜晚去西門町。
唔知係唔係因為我地唔係好 shopping 既人，所以覺得冇乜好行。
爸爸媽媽大膽啦，經過尋晚試驗，今晚自己返酒店。
我地就去新東陽又掃一輪貨，買 d 鳯梨酥俾自己食。
其實我都好驚返去按門鐘冇人應，好在都冇事。
1/10/2010
last day 咯~
今日好天返喇。
去忠烈祠睇兵哥操兵，佢地滴哂汗咁。
成日咁操法，難怪個個都仲瘦過柴仔。
last 一日，終於完心願，走去食鼎泰豐。
之後就冇乜景點喇，東逛逛西逛逛，自由行下咁。
最後坐國光巴士去機場。
四日就咁就完喇~
Labels: 點滴生活
小學生旅行前夕
終於去得成，終於都係自由行...
爸爸七十大壽舉家台北之旅, 明天出發, 祝我地好運!
(華航呀......)
諗住搵 d 貼紙出黎貼落個喼度，易 d 認。
點知睇黎睇去都唔捨得貼~
Labels: 點滴生活
Crabtree Again
之前俾左呢個 form Miffy，返黎既係一萬五千幾蚊既訂單......
Labels: 點滴生活
背包
食完晚飯跟姐姐上教協。
都唔係一心諗住要買野，但係就咁岩見到個岩心水既背包。
想買個背包好耐喇 (結婚前~)，今日終於買到喇！
去旅行有背包用喇~喇喇~~
Labels: 點滴生活
上上下下左右左右BA start~
魂斗羅 30 條命!
但都唔係捱得好耐......
Labels: 點滴生活
休息一天
可能尋日睇館賽凍親，今日病左，成日都向屋企訓。
夜晚起身落街食飯，見到 d 人好關心電視，個電視只係影住架旅遊巴。
八卦問下個侍應，佢話全部人 x 哂...
一路食飯都一路睇住電視，見到都救到人，餐廳 d 人開心到拍手，舒一口氣。
返屋企睇返 d 新聞至知咁大單。
Labels: 點滴生活
橫風橫雨
放工時間，橫風橫雨(真係橫架!)底下行去地鐵站。
好幾次要匿入人地 d 大堂/舖頭度避。
聽到身邊既人講"唔好行住呀, 唔好博呀"......
好恐怖呀......
Labels: 點滴生活
芒果
為食小王子：我又想食~ 我又想食~
我：你 fing 甩尾都冇你份架喇，慳返 d 力啦~
Labels: 點滴生活
激吻
今日發生左家居意外。
都唔知發生經過，結果就係見到隻錶向地下，變成咁：
後記：
修理要換錶面、針、字面同抹油。
好在有買家居保險，墊左二百五十蚊底，claim 左二千七百五十蚊修返好~
Labels: 點滴生活
星巴克
父親節又黎喇。
以往都唔會買咩禮物，通常食餐飯算數。
今年的起心肝買左張星巴克咖啡儲價咭俾爸爸。
佢之前飲過一次，係咁話好好飲。
睇佢又唔會捨得自己再去買黎飲，所以就諗到呢份禮物。
老人家，歎下啦~
Labels: 點滴生活
McDull@Megabox
尋日 lunch 向 Megabox 搵食。
上條 express，一上到去，我嘩左出黎~
嘩，我至愛既豬呀！
所以今日特登帶埋相機，影低佢。
我仲有同麥太合照架，不過，無謂獻醜啦~
夜晚去參加亞水既婚宴。
見亞江好耐都未到，有人打電話俾佢。
原來佢唔記得左，仲約左人食飯飲野。
哈，笑死我地啦~
Labels: 工場 H, 書友仔 U, 點滴生活
敗犬
今天放假，都在煲敗犬~
看得眼睛也累了，說話也變了普通話，真好~
Labels: 點滴生活
魚魚魚力口貝
慶祝母親節。
我打電話去問媽媽，佢話爸爸有節目。
媽媽唔取消慶祝不突止，仲話去食日本野。(因為爸爸實唔食)
結果真係去亮賢居果間唔知點讀既野度食。
都 ok 既，好似貴左 dd。
我掛住食，影得兩幅相咋~
Labels: 點滴生活
嫌棄
打機水皮得滯，俾人嫌棄，投票踢我走。
唉，打機打成咁......
:-(
Labels: 點滴生活
娘家的腦
娘家個腦終於有聲出喇。
教爸爸上網、打中文。
睇下佢係咪貪新鮮~
Labels: 點滴生活
想吃媽媽的粥
發夢發燒，102度。
起身唔多妥，探下熱，真係發燒，100度。
結婚後第一次病，得自己向屋企，要自己照顧自己。
好想有亞媽煲粥，訓醒就食，食完再訓。
世~ 上~ 只~ 有~ 媽~ 媽~ 好~
Labels: 點滴生活
充實復活節
經過三日拜山活動，散哂。
今日要好好休養，聽日返工...
晚餐食好補既豆豆粥，仲有柴仔"杰"作 -- 南瓜豬腩肉
買相唔得，但係好味架~
Labels: 點滴生活
回來我身邊
都唔記得幾時借俾 Miffy 既兩隻范曉萓，今日返黎我身邊喇！
隱約仲記得當年佢向我屋企，企向個 CD 櫃前挑碟既情形。
早幾日諗起碟入面既歌，但唔見隻碟，只係聽左健康歌算數。
而家有得聽喇~
Oh 眼淚~~~
Labels: 點滴生活
迷失書局中
lunch 時間有時會走去書局睇下書。
之前咁岩見到一本張小嫻小說冇封到，就日日去打釘打左佢。
其實好耐冇睇過佢 d 小說喇，係之前同 Rice 傾計講開，又想睇下。
好在趕得切釘完，之後已經封返喇！
今日再去書局，有好多好多書既書局，突然乜野書都提唔起勁去睇。
語文書，睇左用唔到。
經濟書，睇左我又冇心去玩。
勵志書，講既大道理我都懂。
旅遊書，又唔係去。
愛情小說...唔...好似太唔現實。
...
咁大間書局，咁多書，我竟然唔知有乜好睇。
好似好 lost 咁...
Labels: 點滴生活
//
14/1/11 12:37
