Saturday, February 27, 2010

碗屋

今月喜事特別多！
十週年啦，十五對乘二啦，情人節啦...
唔獨立慶祝，今晚一次過豪一餐！
差不多兩個月前已經訂左今晚張檯(都係得返 bar 檯)！
碗屋，日本料理任食餐！
勁開心！


餐牌 01-25


餐牌 26-50


擺餐


刺身 - 甜蝦、希靈魚、劍魚腩、帶子 (正到丫~)


送既鮑魚同海螺焗薯


豆腐沙律


蠔天婦羅


味噌汁...面屎湯~


蟹子沙律 (意外收獲，因為都唔係我地叫既)


盬燒大蝦


醬燒銀鱈魚


三色冷豆腐


日式蒸蛋


芝士軟殼蟹卷、味付魷魚小手卷、拖羅小手卷、海膽小手卷


鐵板帶子


鐵板鵝肝


盬燒雞翼


串燒雞軟骨


土佐豆腐 (有人話似皮蛋，有人話似山竹牛肉~)


和風沙律


凱撒沙律


鹿兒島豚肉軟骨 (似日式鎮江排骨，哈哈哈~)


鐵板蝦 (好似好大隻，其實得....)


燒羊扒


刺身雪櫃


北海道海螺刺身


刺身 - 三文魚、油甘魚、北寄貝、赤貝~


蝦天婦羅


日式燒金芋 (上菜時有兩件，仲有件去左邊呢？)


咖啡味同豆腐味雪糕

Labels:

posted by ccming @ 11:55 pm 1 comments

Thursday, February 25, 2010

唯吾知足

十年。
人生有幾多個十年。
你同我，走過左我地既第一個。

==========

突然記起中一班主任講既故仔，話個和尚向個井口上下左右各寫左五疋(冇上面一劃，但打唔到)矢隹四個字。
好似咁：

五
矢口隹
疋

人人都睇唔明佢寫乜。
原來係夾埋個井口睇，由右邊逆時針方向讀，即係「唯吾知足」。
幾得意囉~

Labels: ,

posted by ccming @ 1:12 am 0 comments

Sunday, February 21, 2010

團派

今日要派兩場利是呀。

第一場係大學同學。
地點係荃灣。
唔記得係咪呢次出荃灣出事呢。
搭 40x 去城門隧道轉車。
落左車行前 d 準備轉車。
我見到有車，拉住柴仔話「快 d 啦，有車呀」。
好在柴仔好清醒，因為我拉緊佢去趕架 40x，哈哈。
又俾人笑笨蛋啦~

第二場係 E 記同事。
又係玩射龍門，好以每年一次賀歲盃咁。
賭錢我唔玩，我做派牌。
佢地玩到搭人地果 round 黎買。
黑仔王龍門超闊都撞柱，又成日搭沈船，笑到我死。

Labels: ,

posted by ccming @ 11:39 pm 1 comments

Saturday, February 20, 2010

大贏家

第一個新年派利是，點少得 Miffy 果份呀！
約埋 Noffy 出黎，俾 Miffy 做大贏家！

Labels:

posted by ccming @ 11:04 pm 0 comments

Thursday, February 18, 2010

親疏有別

今日 lunch ，我覺得有個結左婚既同事唔熟性，叫埋 d 佢熟，我地半生不熟既人一齊食。
半生不熟，程度甚至係見到都唔會打招呼果隻。
夾埋 Richard 地，俾個親疏有別價。
食完飯，返到 office 夾返錢，唔熟性既同事做半生不熟既人既代表過黎俾錢。
仲要話，佢地拆左利是，所以好多十蚊紙。
出年都係慳返。

今晚我下廚呀！
所以係咁唔似樣既煎釀青紅椒同埋罐頭粟米湯。

Labels: ,

posted by ccming @ 11:35 pm 0 comments

Wednesday, February 17, 2010

開工大吉

返工喇！
以前排隊收利是，今年排隊派利是。
派親都話，「收埋今年好喇」，哈哈！

今日仲有新同事返工。
個個都問佢係利是 provider 定 receiver。
搞笑~

Labels:

posted by ccming @ 11:19 pm 0 comments

Tuesday, February 16, 2010

高官到訪

本來只係諗住柴哥哥同佢女友黎，結果都叫埋 6299。
突然有高官到訪，我拿拿林要好好收拾收拾。
好緊張架，怕俾人話嘛。
(可能睇電視睇得太多，嘻嘻)

柴仔做今晚既大廚，睇下相，真係得架！


西洋菜陳腎紅蘿蔔豬骨湯、咖哩雞、蒸蛋、栗子燘排骨、炒菜心。
正~
不過就辛苦柴仔啦，又要煮，又要洗 (怕我洗到聽朝)。
辛苦哂~

Labels:

posted by ccming @ 1:34 am 1 comments

Monday, February 15, 2010

分身年初二

我屋企同柴仔屋企都係年初二出動去拜年。
合併後，就要就時間走兩場。
不過都岩岩好，兩批人活動時間一早一晏，安排到。

去到暴龍表妹屋企，幾乖巧叫我表姐呀~
佢亞媽話，佢一年先叫佢姐夫一次做"姐夫"。
哈哈~

大家都對我裝修後既娘家好感興趣。
上去一趟，個個都好驚訝。
嘩嘩嘩~
有位開檯 tim 呀！
哈哈，係呀，之前企都冇地方企架。

參觀完，出旺角飲荼。
好快又散喇。
夜晚又係唔正經咁打個美心邊爐。
點解新年冇餐好既住家飯食...

Labels:

posted by ccming @ 11:51 pm 0 comments

Sunday, February 14, 2010

變身後的第一次

婚後第一個年初一。

第一封利是係俾樓下個伯伯。
今日都唔使俾其他人，因為今日都冇拜年活動。
6299 去左澳門嘛，我地兩個返去帶叔仔同姑仔行街咋。
的確唔習慣，所以俾 6299 既禮都唔記得帶... :-P
夜晚 62 返左黎，只係出街食餐飯。
婚後第一個年初一，咁平淡。

婚後第一個情人節。
完全冇件事~

Labels:

posted by ccming @ 11:25 pm 0 comments

Saturday, February 13, 2010

大掃除

梁氏夫婦大掃除。
不如住細 d 屋丫......

Labels:

posted by ccming @ 11:03 pm 0 comments

Thursday, February 11, 2010

咕嚕咕嚕

柴仔一向都好鍾意食呢個菜。
但因為知道要炸，用好多油，一直都只係出街先食。
今日唔知佢向邊度學左個少油半煎炸法，就即刻大展身手。



製作中個樣靚過上碟個樣，可能係個豆粉水問題。
下次再調整調整 。

Labels:

posted by ccming @ 11:28 pm 0 comments

Wednesday, February 10, 2010

我過期喇!

今日成日柴仔都冇表示。
夜晚返奶奶度食飯，送上公司買既蘿蔔糕。
因為要放入雪櫃，所以發現左有個生日蛋糕。
嘻嘻~

Labels:

posted by ccming @ 11:07 pm 0 comments

Saturday, February 06, 2010

過勞

晏起身，好趕好趕咁返跆拳。
一堂兩個鐘，我玩左幾分鐘就搞掂左。
地獄八分鐘 - 一百六十一百七十一百八十呀！
操開都冇玩過呢 d 野，唔操開玩喎......
做左兩輪，兩輪都唔夠數，條氣已經勁"斜"，腳都提唔起。
柴仔見我咁樣停左我，我就係咁"斜"，頭好痛。
做左佢第一個病人囉。
之後成堂就坐左向度。

夜晚掉低柴仔，去亞璀屋企。
來一個團年，仲幫我慶祝埋生日。
有魔鬼蛋糕食呀！
正~

亞璀屋企，仲放住我多年前送俾佢既生日禮物：

Labels: ,

posted by ccming @ 11:56 pm 0 comments

Friday, February 05, 2010

襯家團年

今日兩家人吃團年飯。
向始創中心吃素。
原來爸爸唔鍾意食素囉。
亞媽話去到始創至話佢知係食素。
噢...

Labels:

posted by ccming @ 11:12 pm 0 comments

Tuesday, February 02, 2010

栗子炆排骨 - 白果腐竹雞蛋糖水

咁高深既野，又點會係我整丫......


Labels:

posted by ccming @ 9:46 pm 0 comments

Monday, February 01, 2010

一支花

有人變左一支花。
仲收到一個 offer 做生日禮物呀~

冇得一齊食飯，我負責去買椅。
錢都俾左，走左，一個電話打返黎話冇貨，個倉有果 d 都係壞貨......
要返轉頭去搞退錢手續。
搞搞下，時間都可以同柴仔一齊返屋企喇......
仲係冇椅坐，點算。

Labels:

posted by ccming @ 11:37 pm 1 comments