51屆夏日婚紗及結婚用品展
又去結婚展喇！
行之前去麥當當食 lunch。
又傾下間屋既佈置。
諗諗下床尾有個空位，所以問下柴柴果度放乜野好。
俾佢笑我囉，話唔係每一個角落都要塞滿野架。
哈，住慣細屋係咁諗野架啦，要密鋪平面架嘛。
今次入去結婚展，主要目的係睇下婚禮攝影、租車同花球，其他都七七八八。
所以柴仔一路行，一路口up up "唔洗喇" "唔洗喇"，免得人塞傳單俾佢。
行過一間爵士紅酒，見賣 99 蚊支，柴仔一口肅亮腔「爵士紅酒，只需九十九。」，我差 d 暈低。
佢仲要一技兩用，經過三洋賣按摩椅，又講「行得支力咩，黎三洋坐下啦。」
笑死我。
睇花球，研究下鮮花好定絲花好。
一般柴仔只會答「你鍾意啦」，但今次佢話鮮花好。
佢咁肯定既原因，竟然係因為鮮花冇得俾我留低做紀念，少樣垃圾。
=.="
離開會展，經過轉角果間精品店物體，見到麥兜向度等緊我，所以埋去睇下佢囉。
一睇，不得了，佢竟然扮成咁：
真係好想帶佢返屋企。
想~
Labels: 劃火柴, 星期三緊, 結婚展
結婚節
今日去左結婚節。
贈品就好多喇，但係就冇乜野睇。
尋晚唔知今日會唔會有餅咭賣，所以都計下數先。
一問亞媽，計左條數，眼睛跌左落地下。
長輩要每張帖四張餅咭喎。
暈~
好在今日冇餅咭賣，可以將呢個難題推遲 d 至諗。
睇完結婚節，行去 Megabox。
開大餐呀，食雞蛋仔、雞髀、仲有齋。
不過有人投訴話我食哂佢隻髀囉。
去 Spotlight，柴小朋友扮忍者，我唔係扮怪獸，不過都俾呢個忍者暗算左一野。
心痛死佢。
行 ikea，見到人地拿埋個floor plan 向度度度度，我都好想呀。
不過我地又唔知 d 尺寸，要收樓去度至知，好期待呢。
柴仔話過佈置就等我諗。
我睇住 d 傢俬，呢件又好，果件又幾好。
但柴大爺話呢件唔得，果件唔好。
喂，俾份 guideline 我好喎。
Labels: 一片瓦, 劃火柴, 星期三緊, 結婚展
HK Wedding Expo 2008
今日要返半晝工。
真係好想買個熱香餅返去据，但最終只係買左 Mrs Fields。
都好敗家架喇，十幾蚊一個早餐仔。
放工碌去旺角，接埋柴柴再碌去灣仔。
今日既節目係行 wedding expo。
之前冇做過功課，所以係完全冇目的。
係去睇下有乜野睇囉。
拿埋拿埋一大堆傳單，好重呢~
自從上次經過數碼通個檔口，柴仔發明左句粗口之後，佢就成日講。
就算佢唔係想講後段，我一聽到前段都會諗起後段。
但佢次次講我都覺得好好笑。
咁佢就話講粗口就乙水到我開心。
=.="，唔係咁易呀...
都唔係話咁易既....係....
哈哈~
拿住重 dup dup 既傳單走人，搭船過海，再搭巴士去醫院。
老爹精神左好多。
多謝保祐。
探完老爹之後同媽媽姐姐一齊去食飯。
嘩，間野加左好多價。
早幾日去先 1x 蚊，今日要 2x 蚊，加成 6-7 蚊。
服務又唔好，放低左碗大飯，叉左落去，先至話餐應該跟細飯，咁又拿返走。
d 侍應都分唔到佢地 d 江南骨同金沙骨。
姐姐食到噴火，哈。
Labels: 劃火柴, 星期三緊, 結婚展
