頭頸癌
今日向兩份報紙睇到同一件事件既報導。
********************
蘋果日報：
標題：經常口交或致頭頸癌 傳播人類乳頭狀瘤病毒
經常口交，除會增加感染性病的風險，更可誘發頭頸癌包括舌癌、口腔癌。有腫瘤科醫生表示，近年口交引發的頭頸癌個案有年輕化趨勢，曾有一名年約 30 歲的年輕女病人患上舌癌到養和醫院求診，分析患者的生活習慣後相信癌症是由口交引發。另外，吸煙及飲酒也會增加頭頸癌風險。
養和醫院綜合腫瘤科中心主任張文龍指出，吸煙、喝酒及經常口交也是頭頸癌的高危一族。口交可傳播人類乳頭狀瘤病毒（HPV），引發口腔癌及舌癌，但與喉頭、聲帶及下厭等癌症的相關性則較低。他引述外國研究指，隨著口交在年輕一代逐漸普及，口交引發頭頸癌的個案也有年輕化趨勢。
延誤診治或須割聲帶
張文龍表示近年不時接獲與口交有關的頭頸癌個案，其中最年輕的個案為一名30歲出頭的女士，相信因經常口交而患上舌癌。他表示理論上子宮頸癌疫苗可預防HPV病毒感染，但未有醫學數據證實疫苗可預防HPV引發的頭頸癌。
他又指，口交引發的頭頸癌個案一般對電療及化療較敏感，治療成效較顯著，患者存活率也較高。口腔癌的病徵包括口腔發炎，潰瘍的黏膜多數呈白色，與「飛滋」相似，若症狀持續數周應接受檢查。患者若延誤診治，癌細胞隨時侵食會厭，再蔓延至聲帶，病人或須割聲帶保命。
本港每年約有1,600宗頭頸癌新症，其中200多宗屬口腔癌及舌癌。張文龍指，部份病人或須切除舌頭或聲帶，但大多數人難以接受，「有d病人講明唔好掂條利，話講唔到野等於死，割左聲帶就要發電聲，病人就變左機械人。」
新療法減死亡率30%
近年引入新式化療藥物組合，即在傳統組合加入藥物多西紫杉醇（docetaxel），外國研究發現，八成使用新療法的患者可在治療後三年內保留聲帶，比傳統的57.6%高逾兩成；新療法的患者生存期中位數達70個月，較傳統增加40個月，死亡率也可減30%。但整個新療程費用比傳統高三萬多元，而且毒性較高，增加白血球過低的風險。
煙齡逾10年，今年56歲的陳先生，兩年前發現頸部有個五毫子般大的腫瘤，初時在內地接受針刺檢查時測不出癌細胞，豈料腫瘤越來越大，兩個月前確診患上舌癌，並擴散到頸部淋巴，當時腫瘤直徑達8厘米。他接受兩次新式化療後，腫瘤直徑已縮至1.5厘米。
記者：白琳
********************
都市日報：
標題：頭頸癌新療法延長壽命
癌症是本港的頭號殺手，頭頸癌的新症超過1,600宗，死亡個案多達600宗，頭頸癌一向被視為較難治療、高復發率及生存機會偏低的惡疾。有研究發現，在現有的化學治療，加多一種藥物，再接受傳統治療，能有效延長晚期頭頸癌患者的存活時間，由40個月增至70個月。
養和醫院臨床腫瘤科專科醫生張文龍表示，頭頸癌包括鼻咽、鼻腔、口腔、咽喉、唾液腺等，暫時在本港未看到有年輕化的趨勢，不過，在外國有報道指，由於口交的情況普遍，增加人類乳頭狀過濾性病毒的感染，提高患癌的機會，由此感染的患者，年齡會較為年輕。
化療電療同步進行
現時治療頭頸癌的方法，主要是以手術、電療和化療，惟部分病人不接受切除器官手術，這些病人就只能接受電療和化療。
現時一般治療，會先進行「引導性化療」，即組合化療藥物作治療，若病人對化療組合反應良好，有助之後進行電療和化療混合治療，對需要進行咽喉手術切除的病人，並有助保留部分。
引導性化療成效佳
目前「引導性化療」只用兩種藥物，但在06年，美國發表一份名為「TAX324」的醫學研究，則運用三種化療藥物。該研究共招募了501名第三及第四期的頭頸癌患者，分別使用傳統的PF(順鉑和5－FU)化療組合，新組合則是在傳統PF組合，配合使特素療的TPF化療組合。
結果發現，TPF組合能提高病人的存活率，由40個月延長至70個月，有62％的患者可存活至3年，死亡率相對減少30％。
陳先生在兩個月前發現患上第四期舌頭癌，其腫瘤的體積有8公分大，惟他堅決不接受切除舌頭手術，故接受新的化療組合，現時已進行了兩次的治療，其腫瘤已大幅縮細。(都市)
********************
真係...語不驚人死不休...
Labels: 點睇
排版
今日又返深圳，目的係睇排版。
我地冇限定邊張相要向邊本相簿，任佢發揮，應該冇難度。
可能太冇難度，佢即時至執......
睇一本等一等，睇一本等一等。
柴仔個頭出煙。
夜晚向柴家食飯。
柴媽媽俾對龍鳳鐲我試。
哇哈哈，我有我既龍鳳鐲喇！
柴媽媽仲靜雞雞同我講，話結婚果日針茶要預埋柴仔 d 亞姨姨媽。
點解要靜雞雞同我講？
因為怕左柴少爺囉~
話怕佢唔肯喎。
嘩，柴媽媽都要怕左佢，咁我......
Labels: 婚紗攝影, 星期三緊, 結婚首飾
Hae
約左 E 記班人九點鐘打邊爐。
九點...時間好難過...
差不多每個商場都行哂。
行埋裕華。
又有 d 意外發現喎。
d 中式擺設好靚，可以記住呢度，到間屋裝修好再襯下。
Labels: 一片瓦, 劃火柴, 工場 E
廁所提案
明明俾左個圖師傅跟，佢都係照返自己意思，做到個櫃離地十三寸。
咁有性格既...
Labels: 一片瓦
咀咒
俾柴柴落左咀咒，話我會考唔到。
我唔識反應呀，咁我係衰既...
唔開心囉...
Labels: 劃火柴
豆豆大婚日
今日係柴仔中學好友既大日子，我都有份出席。
佢地註冊既地方，同我將會同柴仔註冊既地方一樣，係揀既堂唔同。
哈，我可以實地觀察一番。
剛到步見到有個新娘子預備拋花球。
花球一掟出，姐妹都爭相走避。
仲要個花球跌落地，搞到支離破碎，唔，大吉利是。
除非我有姐妹要求啦，否則我都唔會掟。
成個註冊儀式其實好快，新郎新娘都冇另外發表自己既感受。
加上我腦入面諗住柴仔個傻樣，所以冇話好感動。
儀式完左之後，安排左向海豚公園影相。
我地唔係諗住去影相既，不過柴仔話唔知邊度海豚公園，勿帶佢行去睇下囉。
(我好少可以咁叻架嘛...嘻嘻...)
類似話果度好多人拍拖啦，柴仔竟然問，係咪即係我應承左 Ant 唔同其他人去果度。
@_@"
真係估唔到呢件事仲向佢心入面。
不過果個地方並唔係海豚公園。
之後我想帶柴仔去果個地方，電梯都上左一層架喇，但佢話唔使，所以結果都冇去到。
搵次我實捉你去！
夜晚果餐，佢有個同學帶左兩個仔出現，仲有個女向屋企。
嘩，已經有三個！
兩個小朋友好搞笑。
初初唔停係咁玩，之後精力急跌，支力到睡哂。
細路真係好得意。
不過個老豆要"的"兩舊泥返屋企，仲得意~
Labels: 劃火柴, 婚姻註冊, 星期三緊
泰林
泰林清盤呀~
我向直銷買 d 電器都未送貨架。
千祈唔好執苙！
成萬蚊架！
Labels: 一片瓦
伊甸園
睇蘋果，有以下一宗報導：
==============================
婚 禮 場 地 伊 甸 園 被 追 租
【 本 報 訊 】 婚 禮 熱 門 舉 辦 場 地 「 伊 甸 園 」 ， 其 位 於 紅 磡 國 際 都 會 商 場 的 舖 址 ， 昨 日 遭 業 主 入 稟 高 等 法 院 ， 指 伊 甸 園 自 今 年 8 月 起 拖 欠 租 金 及 雜 費 等 近 60 萬 元 ， 要 求 法 庭 頒 令 將 舖 位 交 吉 及 清 還 欠 款 。 伊 甸 園 回 應 稱 ， 事 件 只 屬 租 務 糾 紛 ， 暫 未 通 知 已 落 定 租 用 場 地 的 準 新 人 ， 萬 一 被 迫 遷 ， 也 能 安 排 準 新 人 到 其 他 場 地 。
原 告 Vision Million Limited ， 被 告 為 富 大 企 業 有 限 公 司 。 入 稟 狀 指 原 告 於 06 年 8 月 將 紅 磡 國 際 都 會 商 場 7 樓 三 個 舖 位 租 予 被 告 經 營 伊 甸 園 ， 月 租 87,500 元 。 今 年 9 月 加 租 至 94,000 元 。 被 告 自 今 年 8 月 1 日 起 拖 欠 租 金 、 差 餉 及 管 理 費 等 共 59.6 萬 元 。 儘 管 原 告 不 斷 追 討 ， 至 今 仍 未 清 還 ， 令 原 告 蒙 受 損 失 。
伊 甸 園 董 事 蕭 永 豐 回 應 稱 ， 案 件 僅 涉 租 務 糾 紛 ， 他 們 因 原 告 違 反 租 約 已 另 外 興 訟 ， 暫 不 方 便 透 露 詳 情 。 他 強 調 ， 伊 甸 園 財 政 並 無 問 題 ， 惟 他 們 暫 未 通 知 或 會 受 影 響 的 準 新 人 ， 相 信 即 使 最 後 被 迫 遷 ， 也 能 安 排 準 新 人 到 其 他 場 地 舉 行 婚 禮 。
案 件 編 號 ： HCA1984/08
==============================
從來對呢間野冇乜好印象。
好彩我都唔係 book 呢間。
唔係我實訓唔著。
不過燈塔表妹 book 左喎。
想通知下佢，但原來佢已經做左野。
表妹，勁！
Labels: 婚姻註冊, 星期三緊, 點睇
歡迎餐檯
兩個月前買既餐檯，今日送黎喇。
買果陣問過師傅十月頭裝修好未，師傅話得，所以先買。
結果都係未得。
冇得再改期送貨，唯有委屈餐檯封下塵。
送黎既餐檯，唔使刻意檢查都見到有一個好嚴重既瘕疪。
送貨既人話會跟進，希望佢真係會同我換啦。
發現大房天花有牆壁鬼。
要師傅出馬收服佢至得！
搞掂屋企既野先落街食飯。
唔知我發咩呆，傻下傻下咁叫左雙併(貢丸水餃)。
可能食得譚仔多...
要加多五蚊架，肉赤死。
蒲沙田。
終於見到 Anna Sui 既櫃檯。
唔記得向邊度得黎一張 coupon 可以換佢一支香水 sample。
難得我對支香水有興趣，竟然換哂。
算。
黎緊星期六係柴仔中學好友既大日子。
我地兩個都要買返 d 飲衫。
一人買左一條衭囉。
我腳短，要改衭，都趕得切既。
討論玩接新娘遊戲，柴仔話唔鍾意玩囉。
仲話「乜唔係講好係平平淡淡既咩，點解貨不對板架？」
...我又要掙扎掙扎喇...
Labels: 一片瓦, 劃火柴
負一週年紀念
今日柴仔公司有晚宴，仲係去酒店食自助大餐。
不過呢個大日子，柴仔都唔忍心冷落我。
匆匆忙忙食完公司果餐，就鼠出黎陪我。
佢食左野架喇，不過都部我食。
好感動呀~
小故事：
我今晚戴左戒指仔呀！
不過柴仔好似好擔心我會俾人斬手指咁。
我會小心架喇！
Labels: 劃火柴, 星期三緊
lccming 之謎
其實你知唔知點解呢個 blog 叫做 lccming？
並唔係我有心去考果 d LCC 試囉。
知道我中文名既人，唔難諗 ccming 其實係我。
而 l 嘛......哇哈哈。
仲有一年就可以加埋向我個名度喇~
Labels: 點滴生活
燈火通明
屋企所有燈都裝好哂喇！
亮燈測試，發覺支橙燈有 d 問題。
唔係機能上既問題。
太橙？唔夠光？ em...就係有 d 怪怪地。
其他燈都好 ok，唉，敗筆...
網吧橙燈
燈泡型壁燈
波波飯廳燈
冇影絲帶客廳燈同蛋撻房燈 tim。
Labels: 一片瓦
特別紀念
下雨，小王子同小公主冇得去街街。
出年呢個時候千祈唔好落雨...
去火車站，見有個女仔跌向地，個男人扶起佢，佢大叫。
我地其實都認為佢地係識既，所以掂行掂過。
仲話可能有鏡頭，影住話香港人真冷漠。
我話黎緊星期五要慶祝負一週年紀念。
柴仔笑到碌地。
有咩好笑喎...
Labels: 劃火柴
買 買 買
柴柴都睇左網上面既結婚相喇。
佢投訴囉，因為十張相，冇一張睇到佢既樣。
哈，劉大師真係咁唔鍾意佢~
師傳話可以買潔具、燈，我地今日就去掃貨。
樣樣都有目標架喇，所以唔使逛好耐。
廁所、洗手盆要揀 Toto，又唔想好貴，其實冇乜選擇。
要就個蚊型廚房，所以星盆又唔使頭痛。
呢三樣野向同一間舖頭買。
初初老闆每樣野計平 d，計我地總數三千三十蚊。
師奶仔講價，慳埋果三十蚊。
唔可以再慳喇，因為三千蚊先送貨~
到燈喇。
好耐之前向 B&Q 見到一款 Panasonic 既燈就愛上左。
好簡單既白色膠殼燈，望住盞燈就好似望住個蛋撻咁。
剛好呢款有一大一細，我就安排左佢地放向大房同細房。
向同一間舖頭買埋壁燈。
我地揀左燈泡形果盞，哈，成 set 就話唔高雅姐，一盞壁燈仔就冇問題啦。
客廳燈係最令我心大心細既燈。
呢盞又好，果盞又靚，真係揀到買果刻先定。
(俾左錢，仲諗咩~)
諗埋廚房同廁所既檯面石。
用假石好定真石好？
假石好貴，但好似易打理 d。
真石平 d，但好易有漬。
最後決定用真石，因為檯面太細，比例上切走太多位，唔係咁抵。
第時換大屋，有個大廚房，先再用假石啦~
Labels: 一片瓦, 婚紗攝影, 星期三緊
好消息
柴仔考試合格左喇!!
叻叻~
破天荒走黎接我放工。
一齊搭旅遊巴出九龍灣，一齊搭巴士返新居。
(一定要講旅遊巴，唔可以講接駁巴。)
為慶祝柴柴考試合格，仲請我食左餐好野。
(本來點計都應該係我請，因為合格就要慶祝，唔合格就要安慰，嘻嘻。)
返到屋企，發現 d 結婚相放左上果間公司個網喇！
睇完又睇，睇完又睇，睇完又睇......
今晚開心到訓著覺都會笑醒~
Labels: 劃火柴, 婚紗攝影, 星期三緊
