生活點子: December 2005

送舊

黎到一年既終結，同事問我點樣過。
有個就話我實係同鄧梓峰一齊倒數。
有人聽唔明，我一聽就知佢講乜啦。

柴仔今日要注場，俾伯伯趕先迫住要走。
但呢隻蝦竟然可以唔記得拿返 d 野就走左，行行下發覺兩手 fing fing 至醒起，真係服左佢。
冇黎正經，係咁開追蹤器...小心俾人打嘛。
行路先至激死人，向度 liu 雞腳，搞到個靚仔係咁望住你。

今次唔係鄧梓峰，係 pink lady 喎。

送貨

下午變身做左速遞員，一個大三角形遊港九。
本來可以唔使自己做既，但人地話 4:30 放工，又話 "side" manhour，唔肯去，銀銀老闆又放左假，冇得篤篤，唔做又唔係佢地俾人 "fair"，咁點姐。
結果我 4:00 都可以送完貨返到 office 啦！
星期一見到銀銀老闆我實小雲小吉佢。

頻頻撲撲，又要加時，搞到亞飯約我去街街都唔想去。

聖誕BBQ

跟中學同學來了一個聖誕BBQ。
搞手 Toffy 要我地每人預備一個遊戲同一份禮物。
好快就諗到遊戲，份禮物就令我好頭痛。
行左幾次都買唔到，直到尋晚夜喇，唔得仲唔決定先落手。
都好過亞飯架喇，尋晚同佢隔住電話，一個向尖沙咀，一個向旺角，一齊煩，但佢結果都係買唔到，要今日臨去之前先搞掂。
唉，我地兩個都一擔擔架喇。

玩燒豬，個亞姐話一兩個鐘就得，但我地燒左四個鐘囉。
亞姐都話未燒得靚架，不過我地見食得咯，勿收手囉。
唔差丫，都幾好食呀，嘩，成兩舊水架喎。

冇玩到遊戲，只係換禮物。
我抽到既係一個狗狗電話座，有電話到會叫架。
其他人有食物，小遊戲，毛毛拖鞋，杯等等，個個滿載而歸。

好cheap

今日銀銀老闆做左樣好 cheap 既野。

平安日長週，執返好電腦 d 資料，由之前個 notebook 落返機。
cross 左機，冇上網。
手提電話響，係銀銀老闆。
佢問一個同事亞X先生既電話。
咁我冇上網丫嘛，勿話轉頭覆佢囉。
過緊料，費事停，出去問 General Office 借部機搵。
一問，個姐姐同我講，銀銀老闆岩岩先問完佢，仲問埋我電話 tim。
睇下佢部機，的確係 show 緊 X先生個電話。
除左係銀銀老闆做 cheap 野，我諗唔到第個原因。

Party

今日都唔係做野架喇。
下午開 party，抽獎，都唔中。
放工，完成之前未完成既玩意--趕睇戲。
睇《無極》囉，男既就為睇果一兩個鏡頭姐。
佢地話套戲唔好睇，我又唔覺得話好差丫。
本來預左睇完一齊食飯，但有人話第日要返工唔去，咁就散左喇。

搬寫字樓

搬屋搬廠搬寫字樓，搵人人幫手啦。
唉，有鬼咩。
幾廿個 project file，printer，電話...都係自己黎。
新位污糟立蹋，白布抹下變綠色，d櫃又有水積。
今日本來有得早放既，為搞好個位，算啦。

做冬

做個早冬，一大班親戚約埋向酒樓食飯。
一個表妹缺席，去左北海道旅行，好羨慕呢~~

舅母講返起表弟一件趣事，等我又向度分享下：

表弟中一，返新學校，買新校服。
去校服老字號買條校服褲。
返學果日......我應該話係萬綠叢中一點紅，定係鶴立雞群呢？
又好似都唔岩使...
咁既，佢條褲同其他同學仔唔同色囉。
即係人地灰色，佢藍色咁囉。

唉，可憐我既表弟啊。
仲要俾個表姐咁唱......
呵呵呵...

再見

食飯時聽到個消息，話某同事離開左。
曾經有一段時間佢請左一個好長既假期。
之後都有見過佢返工，我仲以為已經冇事。
咁化學既，咁後生就咁就冇左。
希望佢去到新既地方可以開開心心啦。

趕見工

放工趕去見工，要趕，因為俾老闆阻一阻。
著住對新鞋，心心急急咁行果 d 凸凹不平既路，樣樣衰衰咁跌左跌。
好彩冇傷，繼續趕。
未到門口，迎面有位小姐(拿住袋走人既樣)，問我係咪去見工果個。
帶返去間公司，俾左 d 表同份 MC 卷我就繼續上佢既路。
填左成個鐘...
49條 MC，大約45條唔識做，掂！
見個老闆，經過一輪對話，我知道實唔請。
要再努力喇！

衝出油尖旺

今日唔係長週，又唔使返學，但都有出街呀。
要衝出油尖旺，所以去左黃大仙鑽石山一帶。
行左黃大仙個創藝坊，意外收穫係半磅雞仔餅。
煙煙 un un 咁，幾正。
仲有好多好野食，不過已經太飽喇。

行去荷里活，向商場入面兜兜轉轉。
有魔術表演睇，係 d 簡單魔術，玩下啤牌、無中生有果 d。
柴佬都教左我幾個小把戲，下次有機會都玩下先。
行行下俾個電視吸住左，睇左兩個鐘呀。
播緊 d 南韓農民衝破警方既防線嘛。
都有 d 傻傻地既。
離開，係因為再咁睇落去唔係辦法。

返屋企果頭食飯，為左慶祝，食左餐好 d 既。
等食既時候我地向度玩 anti-virus。
估唔到你都會同我玩呢 d 野。
食完野又兜左幾個圈先返屋企。
今日...都幾開心丫。

鋼牙

今日睇完牙醫。
死喇，話隻牙 rotate 左，要完美就要再 "cool" 過。
又要變返鋼牙？

收數

真係使唔使快得咁緊要呀。
12月2日個爛仔會收左 2005 年度既會費，今日竟然走黎收我 2006 年度既會費。
家下使個會好窮咩，咁既事都做得出既。

Review

One and only one.
恭喜恭喜。

買鞋

上星期隻鞋條帶終於斷左，今日仔仔同我去買鞋。
地點係九龍灣。
開始有 d 忟憎，係我衰既，一路都冇留意有乜商店。
7-11 同恒生兩邊都好似有，淨係諗到 Mrs. Fields。
而家諗返係蠢左，問你轉邊邊係商場勿得囉。

好快買到，幾百蚊，係毫子踭黎既。
買完就要搵食喇。
你話你亞哥要你交出 passport，掟你去孟加拉。
你竟然唔理佢，睇下你聽日點拆。
你仲講左好多怪招，真係唔好得罪...

訴苦

今日放工唔知做乜鬼好鬼嬲。
打俾生日包訴苦。
係咁向度鬧，其實都好鬼冇儀態。

夜晚 Toffy 打黎約我聖誕假期 BBQ。
傾開計問我近來生活如何，我又係咁講。
講有一次經歷，我 4:55 去完洗手間返位，好似逆流而上咁，因為其他人放工喇嘛。
係呀，4:55 呀，去到大閘勿 5:00 囉，死未。

最後一課

上午 training 做唔到野，下午留多陣向公司搞埋 d 野囉。
這邊我跟同事午飯，那邊他不跟哥哥吃，在等我。
好似做左衰女 tim。
好彩知道，佢拿拿聲去食野，我拿拿聲做埋 d 野。

今日目的地係老商場，人家話果度既聖誕樹好靚嘛。
唔...都 ok 啦，不過我覺得某年水晶果棵靚 d。
行過芒果，又諗起當年 d 傻野。
應該都有好多人同我地一樣傻過。
離開前經過奇華，有好多餅都想食。
其中一隻係雞仔餅，不過亞佬話食開果 d 唔係咁既樣，唔係硬卜卜架喎。
結果冇買，去左返學果頭搵。
行過街市見到既，不過又怕佢唔知擺左幾耐。
算啦，等我下次去八仙買。

今堂係最後一堂喇，學 Miss 話齋，都上左佢成年堂咯。
以後唔使上堂既日子，我地會唔會懶惰唔出街呢？

目訓街

今日目的地係尖沙咀，目的係搵兩間餐廳。
好快就搵到啦，仲有試味 tim。
不過，心目中完全冇 idea 果舊野係咩味，所以講唔到係好食定唔好食。

行到支力支力地，去左公園度坐。
坐下坐下，兩個都目訓左。
都有目訓半個鐘呀。
咁樣向街目訓都唔係第一次。
你又記唔記得係向邊丫？
提示：對面海某商場。

放學去睇下衫。
結果大隻佬都係買左黑得好緊要果件褸，要左細碼。
大家都有新衫著，很好很好。

迎新宴

返工兩個月之後，今晚有個迎新宴。

本來約左同事趕住放工飛的去睇戲先，但好不幸有幾個都俾佢地老闆脅持住。
有個仲慘，行去搭 lift 既時候俾人截返轉頭。
結果只係得我同亞山走得甩，睇戲計劃告吹。

小型中菜宴，三圍人。
入場一百蚊，會員年費另收六十。
仲要年費不採取按比例收費制，好快又會有人黎收數。
抽獎抽中左對米奇 fing 頭公仔，都叫有 d 收穫。

晚宴過後，我同幾個同事未想返屋企住，搵地方坐低飲野。
搵左幾個地方都唔做我地生意，要收工喇嘛。
死賴死賴先搵到生積癌。
傾到搭尾班地鐵返屋企，好在第朝唔使返工。

生活點子

Saturday, December 31, 2005

送舊

Friday, December 30, 2005

送貨

Tuesday, December 27, 2005

聖誕BBQ

Saturday, December 24, 2005

好cheap

Friday, December 23, 2005

Party

Thursday, December 22, 2005

搬寫字樓

Wednesday, December 21, 2005

做冬

再見

Monday, December 19, 2005

趕見工

Saturday, December 17, 2005

衝出油尖旺

Friday, December 16, 2005

鋼牙

收數

Wednesday, December 14, 2005

Review

Tuesday, December 13, 2005

買鞋

Monday, December 12, 2005

訴苦

Saturday, December 10, 2005

最後一課

Saturday, December 03, 2005

目訓街

迎新宴

About Me

Countdown

Links

Labels

Previous Posts

Archives

This Page's Comments

Visitor Counter