小學生旅行前夕
聽日就出發喇，好期待呀！
發生左少少事，個心驚一驚，好驚去唔成嘛。
咁既，lucnh 去洗手間，痾綠油呀！
未試過咁架嘛，驚有 d 乜事，冇得去旅行就 dum 心啦。
擔心左一個下晝，放工走去睇醫生。
俾醫生串串咁，好唔耐煩咁話，「又唔係痾血」。
唔係好 like 個醫生既態度，anyway，知道自己冇事就安心哂。
返屋企執行李，衰仔柴柴笑人搬屋。
我話要帶電筒，佢又話果度唔係伸手不見五指。
我話帶藥，佢又話果度都有得買。
我話帶多件衫，佢又話有需要先到時買。
硬係話果度係文明地方，唔係去山卡啦。
有備無患嘛，又唔係自己地方，急起上黎點搵喎。
你記唔記得個 sales 話呀，「急時要買難相逢」呀。
到時你就覺得我細心體貼咯，呵呵~~
打書釘
臨急抱佛腳，走左去三聯打書釘。
揭哂果度有既澳門旅遊書。
有小小肉酸啦，但唔通賣哂佢咩。
好在總算有收穫，都搵到好多好地方食野。
日子越近，覺得越大責任，好緊張呀！
公德心
今日放工搭巴士，遇到個超冇公德心既亞伯。
如圖示，亞伯就坐向我既左手邊。
佢拿把界刀出黎...meet 橙！@@"
我首先怕既係 d 橙汁會彈到我，都唔係諗佢手上有界刀。
批完橙，佢用佢條衭抹把刀，之後慢慢品嚐個橙。
食完佢竟然將 d 橙皮放向我張椅後面，呆哂。
個後生仔忍唔住出聲話個亞伯，當然引來一頓謾罵啦。
亞伯話冇諗過就咁放向度。
咁佢又的確係有拿個袋出黎執返 d 橙皮既。
但咁又點丫，都污糟左啦。
成件事我都好睇唔過眼，但我冇膽好似個後生仔咁出聲。
一來小女人一個，二來我坐得咁近，佢仲有界刀喎！
俾著係你，你又會唔會出聲呢？
計劃旅程
今日成日都睇旅程既資料，我係導遊嘛。
其實已經睇到冇乜突破，d 旅遊點我都見過。
好難安排既原因之一，係我預唔到以團友既行街模式，可以向一個景點留幾耐。
仲有食野都係一個問題。
好煩惱。
一個失敗和一個成功的任務
失敗的任務：
八星期來回跑既任務失敗左呀！
距離目標仲好似尚遠 tim。
我唔知柴仔記唔記得，不過我好老車咁匯報左。
成功的任務：
我地成功揀到出團既日子喇，仲報埋名 tim！
本來諗住星期日一，但大師要上堂，唯有揀貴 d 既日子。
擇過另一個星期五六，但柴仔要辦大事，不便出門。
終於，我地定左 1/12-2/12。
好開心好興奮好雀躍呀！
好心做壞事
今日好多野做，有 d 野一早排左隊都做唔到。
一咁樣，我就會有 d mun 憎。
仲要我收到小道消息，有人話我地 hold 住好多 A request 好耐。
一，A request 根本唔係我地 handle，我地果 d 係 B request。
二，如果係小道消息誤會左個 request type，係，我地手上係有，但都係呢一兩日至收到既，呢 d low priority 既野，未做係正常既。
我又已經唔係話掉埋一邊唔理，每日每日都好努力咁清緊。
仲收到呢咁既 "complaint"，我覺得好支力。
算，睇開 d，d 人永遠都呢一分鐘 submit request ，下一分鐘就問你做完未架啦！
不過小道消息走左去同事主講返...會唔會一個講到唔清唔楚，一個聽得唔清唔楚，仲壞事呢？
行雷閃電會出事
今日行雷閃電既時候，公司跳一跳電。
有個 system 就咁就死左。
乜咁脆弱架...
白果大平反
尋日行百佳，睇 d 銀鱈魚、藍鱈魚...
行過見到白果，我話細個被迫食白果，仲記得陣味好難食。
柴仔話白果冇乜味架喎。
尋日咁講完，今日就有白果雞蛋腐竹糖水食喇。
係柴仔細心安排既好事囉。
我食左一粒啦，係冇果陣咁大陣味既，不過都係有陰影，冇再食到。
多謝你一番心機呀~~
日本手信
呢 d 係老細買返黎既手信。
日本野，幾"骨子"呀。
食就...太甜...
肥亞四
今朝返工等巴士果陣見到表妹。
佢同我講話我家姐結婚，問左我幾個問題，但我既答案都係唔知。
點解我家姐結婚，呢個消息會唔係佢親口講，要係我聽返黎既？
返工，老細話佢聽日請假返日本，星期日返黎。
噢，我既感覺好奇怪，五六日去日本...
好似下午過巴黎食下午茶咁。
夜晚發生既事感動死我。
唔係因為數字既多少，而係因為肥亞四個名銜。
雖然只係手續需要，但係都好窩心。
以卡通片既畫面，係一個好陶醉、傻笑緊既天使向度飛咁。
Yoga
今日跑步整親隻腳 tim，膝頭痛下痛下咁。
唔去街囉，淨係食完飯走去報名學 Yoga。
諗就諗左好耐喇，今日終於的起心肝去報。
平平地，報工聯會試玩下先囉。
返去幫柴仔送舊。
今次佢既目標係大學 notes。
幫手將 d 野遞黎遞去，睇下罷邊好 d，幾幫得手呀。
我慣每張紙都睇下先掉，柴仔就一野 bye bye。
我睇到有 d Q太郎，有 d 情書。
果陣上堂既情形，都幾回味。
酩霞飛
今日本來要負責個 briefing，但因對上個會 overrun 左，hold 住哂 d 人，所以個 briefing cancel。
即刻鬆一口氣。
不過都實走唔甩，實擇日再黎。
到時再算。
放工，約左我最親既四個人去朗豪坊果間酩霞飛食好野。
爸爸生日嘛。
唔想次次都係去後面街咁冇新意，見上次同班同學黎食覺得都 ok 所以再去。
貴係貴 d，大拿拿成八百蚊，但如果真係一家人食得開心既，都 ok 啦。
地鐵新例
地鐵發言人證實已修改附例，由十一月一日起，乘客在一個地鐵站入閘，若二十分鐘後才在同一車站出閘，除須付一直規定的最低車費三元八角，持八達通卡的乘客會被自動扣取十元附加費，持單程票者將不能出閘，要到票務處繳付十元附加費，即一共十三元八角。六十五歲以上長者則不受新規定影響。
現時不少市民都會用不出閘的方式相約親友在地鐵站交收物品，但在新修改附例下，需付的車費便要增加近三倍。有立法會議員批評地鐵此舉毋須政府批准，又繞過立法會，等於變相加價；乘客則不滿地鐵「靜雞雞」加費，做法不近人情。
讀者楊先生昨日向本報投訴，他發現地鐵站近日貼出了一張很簡單的通告，宣布由十一月一日起實施新附例，但通告完全無交代詳情，他於是自己查看站內張貼出的附例，在一行行又細又密的字句中，他赫然發現地鐵竟悄悄地增加了一項新規定──乘客在同站出入要收十元附加費。
改附例毋須政府批准立法會議員鄭家富批評，地鐵的新規定等如「收買路錢」，市民借用地鐵之便交收物品，並不會阻礙其他人，更談不上補貼，地鐵應予民方便以吸引更多乘客，因此而多收兩倍車費根本不合理，而地鐵用修改附例的方式加收附加費，毋須政府批准，又繞過立法會，其實就是變相加價。
不少地鐵乘客昨日得悉地鐵要向同車站出入乘客收取十元附加費時，都異口同聲反對。有乘客批評地鐵「乘機搵錢」；而一些經常使用地鐵的速遞公司則表示，速遞員要到不同地方，甚少同站出入，所以影響不大。楊先生指出，不少乘客都會相約親友在地鐵站交收物品，因為乘搭地鐵到目的地後只要不出閘，回到原站出閘只需付三元八角車費，早已成為習慣，現時要向這些「借路」的乘客收十元是不近人情，「就算要收，都應該光明正大公布，唔出聲，好多乘客都唔知。」
**************************************************
我又覺得唔係咁大件事喎...
你話「並不會阻礙其他人」喎，交收 d 乜野唔計住，如果你因為一班咁借路既人而令你擠唔上車，咁你覺得佢阻唔阻你？
佢地交收既野，有大有細，信件、電器、細路都得。
況且...你又真係有搭到人地架車嘛...
咪好似食霸王餐仲大條道理咁啦...
//
2/2/07 16:35
eva //
15/1/07 01:00
