Tuesday, February 28, 2006

巴士熱線

等巴士返學,已經遲到架喇,仲等好耐都冇車,又近尾班車時間,所以我打去巴士熱線。
細個果陣都有打過,無無聊打去,問條無聊問題:「全香港有幾多個巴士站?」
仲記得個姐姐答我:「好多架喎!」
今次冇咁無聊喇,問佢架巴士幾耐一班車,點解咁耐都冇車,會唔會冇車。
佢同我講呢個時間既巴士唔係佢地負責,叫我打去第間公司問。
打到去,非辦公時間喎,勿打返轉頭再問囉。
另一個人聽,都想叫我打去第間公司。
我話「果度非辦公時間,冇人答到我。」
咁佢就幫我打去站頭問,果度話另一間公司未有車到。
佢都有試下幫我搵轉車,但都真係太隔 sip,冇乜好 choice。
傾左陣,佢再打去站頭,接返過黎就話「你唔好行開,開左架車喇!」。
呢架車...等左4x分鐘呀...

慳與貪

上星期某日食早餐,我俾左二十蚊,但老闆娘以為我俾左五十蚊,找多左錢俾我。
我即時又唔肯定,所以我都收左。
心諗,我收多左,我可以俾返佢,佢收多左,我一定冇得拿返。
今日,我去返果間野度食飯,我叫個老闆娘收返我三十蚊。
我係比較慳錢,差我兩蚊我都會追你,但係呢唔應得既三十蚊我又唔會袋囉。

Saturday, February 25, 2006

綠蓮

柴柴約左我向好老既地方等。
唔知係咪想一年一度返去兜個圈呢?
呢個地方實在有好多重要既事發生。
今日我向果度,我又做左一個好大既決定 -- 從歸正途。
我終於可以改邪歸正喇!

下一個節目,就係去有人俾左幾千蚊但係讀唔成書既地方。
我讀成左喇,所以去拿証書囉。
後生仔,無心向學,呵呵呵。

行去樂富,逛吉之島。
行過以前傢俱部,突然記得你果陣向我睇緊個櫃既時候講:「買多個櫃勿擺多 d 垃圾!」
呢句野俾行過既嬸嬸聽到,我見到佢笑囉。

行完個細細既地方,返屋企附近食飯。
今日係有野要慶祝既,但唔係用食餐好既方式。
你一講,我覺得好有趣,好特別,好有新意。
我地一路睇,覺得越來越刺激。
最後仔細計算過我既健康狀況,都係放棄左。
唉...好可惜呀...

去便利店另覓新意。
行左好多間之後搵到青芒奇脆杯。
中學 lunch 會食架,好耐冇食過咯。
四蚊雞,好好回味回味。

Friday, February 24, 2006

劇變

今日聽亞東講,有個準備升職既同事要去參加一個叫“劇變”既 camp。
係果 d 訓練營咁既野黎既。
亞東話個 camp 之所以叫“劇變”,除左因為升職帶黎既劇變之外,去完個 camp 都會另個家劇變。
因為去到個 camp 既尾聲,營友會攬攬,甚至咀咀,有相留念之餘,d 相仲會 post 上網...
你話俾另一半見到,點會唔劇變。
我自問就冇咁 open 喇。

Thursday, February 23, 2006

電視

今日上堂聽到一個好得意既理論。
同學講緊電視機畫質如何如何,有個同學殺出一句:
「其實人隨住年齡既增長,買既電視機既質數可以下降。」
我同 d 同學仔就笑哂喇。
你聽唔聽得明?

Wednesday, February 22, 2006

都市日報

放工搭地鐵坐低睇都市日報,坐我隔離個女人側哂頭咁睇埋一份。
我都唔介意既,不過俾人地見到,佢好似核突 d 姐。
突然佢開聲:「小姐,你可唔可以俾左呢份報紙我呀?」
我呆一呆,佢既刻補充話係因為佢見到佢朋友上報紙,想俾朋友睇同留念。
哦...

輔導

今日又俾老闆輔導。
續個 project 同我講有乜野我未做。
類似講呢樣要做左先,果樣又緊要咁啦。
我果一刻真係嬲嬲地,我話:「我唔係唔理呢單野,但我唔止呢單要做,咁其他都要理架。」
就好似打傻瓜咁,我夠知隻隻都打到就最好咯,打得切至得架。
唉...

Tuesday, February 21, 2006

人家心愛的女兒

知道事件既經過,好難過。
一路睇,一路鼻酸酸。

Monday, February 20, 2006

預設陷阱

今朝早老闆同我傾計,問下我做成點,IT 變 Electronics 掂唔掂。
又話其實佢已經盡量安排 d IT d 既野俾我做。
我又唔知做乜今日咁好氣,一句回佢,話一個 system 唔係話有部電腦就叫 IT 野。
例子:我唔覺 PABX 係 IT System,唔覺 Access Control Security System 係 IT System (當我要處理既係度門要裝 card reader 定 press button,d conduit 同 trunking 點走)。
佢話,之後會同 IT 果邊傾下,搵 d infrastructure 之類既做。
但係佢冇提過我手上既野可以甩手俾其他人接。

同仔仔講,老闆都萛有諗過幫我搵 d 岩做既野。
但係仔仔一句就點醒左我:
「人地一早掘左個坑,掟左你落去。而家向上面問你係咪扒得好辛苦,咁叫睇你牙?」
又好似係喎。

Saturday, February 18, 2006

寵物

今日特備節目:


行去嘉年華既路上,陸陸續續都見到好多狗仔。
入到場入面仲熱鬧,隻隻都好得意。
我地冇帶小王子同小公主去呀,唔係肯定癲哂。
睇狗多過睇 d 攤位,行左兩個圈就走喇。

行新城市新果 part,行過電器果層,睇下 d 電視。
有人話會買個好 d 既電視擺向屋企,大概係大 d 既 LCD TV 咁啦。
唔係好明架,佢不嬲都好少理個電視既。
但原來係為左佢號稱“電視榨汁機”既另一半。
呵呵...

要補返慶祝因為我要返學而慶祝唔到既日子,所以我地今晚食好野,食和民。
都等左好耐先有位呀,一路等,一路睇下示範枱食乜。
結果我地叫左炸鱆魚餅、牛肉火鍋、牛油焗帶子同香蔥豬骨湯麵 (如果冇記錯既話) 。
細細碟,細細碟,都飽喎。

食完行出河邊散散步。
坐左上欄杆,好驚架,捉得個愛心欄杆好緊。
不過個人工智能既欄杆又點會俾我跌丫。
我幾好心呀,散步之餘不忘同你操練操練。
開始係少 d 架喇,得果一級,下次啦,同你練到兩級,好唔好?
不過練完先好食飯喎,唔係 side 野呀,哇哈哈。

問到我想唔想知個秘密係乜。
其實我唔係想知個秘密,而係我唔想知道你同人地有秘密,但我唔知個秘密係乜囉。

返到屋企,知道左一個好嚇人既消息。
好難相信,好難過。

Wednesday, February 15, 2006

並左

呢排天氣變,唔覺唔覺,我又中招。
唔知關唔關我換左新枕頭,訓唔慣,所以中得咁應呢。

上午都有返工,因為要教書,走左去好似唔係幾好。
lunch 後等下午開診,等同老闆講聲,就請病假睇醫生。
最初諗住係乘機放下假架咋,點知食完藥真係失去知覺咁。
唉...病豬...

Tuesday, February 14, 2006

麥當當大贈送

向呢個普天同慶既日子,我...要返學。
趕返學既日子,我既晚餐多數都係麥當當。
為左"健康" d ,我都會揀有菜有肉既飽吃。 (歪理...)
今晚中選既係板燒雞腿飽餐。
個餐應該係配扭扭薯條架嘛,但個哥仔入左普通薯條俾我。
咁我同佢講要換啦。
佢走去整盒扭扭薯條,手快快咁塞埋落我個袋度。
我碌大眼望住佢,一臉疑惑,表情上問緊佢:「你冇抽走包薯條喎?」
佢就開口講:「我收返都係掉架咋,你要埋啦!」
下,咁大贈送?
好在我有班好同學,唔係都受唔起佢既好意。

Sunday, February 12, 2006

現身

今朝約左幾個同事向屋企附近食早餐。
佢地食麵,我朝早食唔到咁多野,只係食左一件 ga ya 西多士。
食到差唔多 8:30 至走,坐佢地車返公司,8:45 左右就返到。
我出門口既時間同平時一樣,食埋個早餐,仲早過平時返到公司。
你話我返工係幾咁花時間。

下午去街街搵電話。
但係你個心水冇貨囉。
呵呵,買唔成。
嘩,有好美味雪糕食,係 Haagen-Dazs 呀。
一個綠茶味,一個哈蜜瓜味,食到 lam lam 脷。

夜晚約左同事唱 k,同我慶祝生日嘛。
仔仔第一次現身,但有 d 悶親佢囉。
佢都唔鍾意唱 k 既,成晚一首歌都冇唱到。
話玩大話骰,輸左飲一杯水,半個鐘唔俾去廁所。
但係叫水要逐杯計錢,所以冇玩囉。
食埋糖水先返屋企。
仔仔送完我返屋企,去到小巴站冇小巴喎。
唔知係咪因為過左 12:00 呢?
火車 last 一班 00:31 向九龍塘開又趕唔切。
去黃大仙搭巴士又唔得,要返旺角搭巴士。
最終上左架小巴返去。
下次都係唔好去到咁夜,搞到你咁頻撲。

Friday, February 10, 2006

有朋友問我今年想要乜野禮物。
我話,我想要一封佢親手寫俾我既信。
以前科技冇咁發達,人冇咁懶既時候,同日日見住面既同學都會有書信來往。
有時長篇大論,有時畫幾個公仔,四格漫畫都有。
好耐好耐冇收過呢 d 信喇。
信箱有既,多數都係討錢既信,多沒趣。
特別想收識左六年有多果個人既信。
同佢講過架喇,但係佢都唔制...

易拾陸

好期待放工,因為同柴佬有約會。
今晚節目安排左係睇《霍元甲》,買左飛先去食甜牛肉。
好耐好耐冇同你睇戲喇,耐到我都唔記得喇。
係咪《蜘蛛俠》?定《無間道》?
其實都想食爆谷架,不過差唔多可以睇多場戲喎,梗唔食啦。
套戲都幾好睇丫,係暴力左 dd 囉。
尤其係打個秦王果陣...打到凸左出黎...龍珠咩!
你去左戲院個洗手間,話入面好開放,入去無遮無掩,仲要係對街既落地大玻璃窗。
離開 apm,過左對面郵局果個位,望返上去...又係既開揚喎。

今日呢個日子,你本來打算買野俾自己玩玩,但可能個天都覺得冇乜道理,所以唔俾你買得到。錯過左今日既心情,又究竟仲會唔會買得成呢?

行行下,我見到一個幾面善既女仔。
噢,係佢。
傾左兩句,知佢向果頭返工,搬左屋。
柴佬之後同我講,話呢個女仔佢都好面善,可能係同一大廈返工。
我唔想係囉......我怕邪......
(執筆之時,我知個女仔做邊間公司,而果間公司其中一個 office 就係果度......)

Wednesday, February 08, 2006

穿梭巴

返呢度工,返工放工好唔方便。
的士可以十分鐘返到去,但搭地鐵轉穿梭巴就要四十五分鐘。
駁腳既穿梭巴車程得五分鐘左右,但落地鐵後連行連坐,要成四個字至返到公司。
夜晚仲要等車。
試過八九點左右走,條街搵個人影睇下都冇。
好唔鍾意呢個返工地點。

今晚仲衰。
唉,係我衰囉,見太大風,凍嘛,勿走埋一邊避一避先囉。
數到咁上下人數出返去排隊。
有車喇,司機叫埋我上車,我以為預得咁岩,咁好彩係 last 一個。
上到去,噫,冇位既。
俾成車人望住,樣衰衰咁落返車。
佢地都心知我係一早到左等車,但預錯數既傻仔。
唉,變左係條隊既第一個,灰死,繼續吹風。

Saturday, February 04, 2006

春茗

今日去左沙田,就返柴仔夜晚去春茗既地方嘛。

lunch 吃個麥當當。
唔講唔覺,講開又好覺,而家好似冇乜點見到麥叔叔、小飛飛、漢堡神偷同滑o都o都佢地。
我話,大概而家既 target 唔係細路仔。
你話,細路仔食唔起。
係囉,我都食唔起。

行西田,去到賣枕頭既地方。
我都想買返個枕頭,用開果個 Dunlopillo 都用左十幾年。
近排訓得唔好既日子又好似多左。
同埋咁多年,積積埋埋都有唔少口水同淚水,變哂質啦。
但一睇到個數字,又唔係好捨得。
見到有個智能枕,望多兩眼姐,你條蟲仔就將人地心諗緊既野講出黎笑人,幾衰丫。

本來都冇預到同你一齊去春茗既,但咁早就要走......
問左可以帶券勿一齊去囉。
好在有我咋,唔係就悶親你啦,佢地 d 活動都唔岩你。
食一食咁就幾千蚊,你地真係有錢......