生活點子

豆豆大婚日

今日係柴仔中學好友既大日子，我都有份出席。
佢地註冊既地方，同我將會同柴仔註冊既地方一樣，係揀既堂唔同。
哈，我可以實地觀察一番。
剛到步見到有個新娘子預備拋花球。
花球一掟出，姐妹都爭相走避。
仲要個花球跌落地，搞到支離破碎，唔，大吉利是。
除非我有姐妹要求啦，否則我都唔會掟。

成個註冊儀式其實好快，新郎新娘都冇另外發表自己既感受。
加上我腦入面諗住柴仔個傻樣，所以冇話好感動。
儀式完左之後，安排左向海豚公園影相。
我地唔係諗住去影相既，不過柴仔話唔知邊度海豚公園，勿帶佢行去睇下囉。
(我好少可以咁叻架嘛...嘻嘻...)
類似話果度好多人拍拖啦，柴仔竟然問，係咪即係我應承左 Ant 唔同其他人去果度。
@_@"
真係估唔到呢件事仲向佢心入面。
不過果個地方並唔係海豚公園。
之後我想帶柴仔去果個地方，電梯都上左一層架喇，但佢話唔使，所以結果都冇去到。
搵次我實捉你去！

夜晚果餐，佢有個同學帶左兩個仔出現，仲有個女向屋企。
嘩，已經有三個！
兩個小朋友好搞笑。
初初唔停係咁玩，之後精力急跌，支力到睡哂。
細路真係好得意。
不過個老豆要"的"兩舊泥返屋企，仲得意~

Labels: 劃火柴, 婚姻註冊, 星期三緊

posted by ccming @ 11:49 pm