80後買樓
轉載自：
http://hk.myblog.yahoo.com/misssheep-sheep/article?mid=4
http://www29.discuss.com.hk/viewthread.php?tid=11711554&extra=page%3D1&page=1
==============================
一直以黎,我係discuss都係「塘邊鶴」，好少發post.但呢排睇到唔少人講80後買樓問題，令我有感而發，同大家分享一下。
我係80後，都係大學生，仲要係三大其中一間既畢業生。一直以黎，我都係屋企既希望。一家住公屋，一家五口只有老豆萬多元收入，所以屋企都好想我大學畢業，可以改善家庭環境。但好不幸，畢業時正值03年沙士，當時大學畢業生既起薪點大概係6000至7000蚊。同年我老豆又退休，兩老都需要我份家用，真係屋漏更兼逢夜雨。
03年我寄左差唔多二百封信，見左幾十份工，都無一份請。我第一份見既工係同我本科完全唔相關既物流文員，人地問我「你咁既學歷做文員，會唔會有0的委屈?」，當然最後佢都無請我。果陣見工行到腳都損，有一次忍唔住係街度喊左出黎，問自己點解會咁慘? 最終幾經辛苦終於搵到一份同本科有關既工作，月薪8000，對當時既我，已經係欣慰。不過睇住人地學歷同我差唔多，人工高我咁多，真係覺得好唔抵。
我好記得自己第三個月出糧，係1月份，亦係第一期grant loan還錢既時候。8000蚊月薪，4000蚊俾屋企，4000幾蚊還grant loan,一出糧乜錢都無洗過就嘔突，真係心傷。果陣唔好話買樓，開飯都有問題。
果時我不時思考自己既出路，終於有一晚俾我諗到: 我成日以為自己係名牌大學畢業好叻，但諗深一層，我毫無經驗，而比起同屆畢業生，我又無過人之長，咁人地憑咩請我呢? 記得果份物流文員，人地要求我打字，但我打左老半天依然未打完，仲要錯字連篇，人地又點請我呢? 於是，我努力做資料搜集，知道原來香港有好多只需花幾百蚊去考，但政府認可既資歷、證書。我係半年間，放工後隔晚去上堂，再返屋企溫書，雖然辛苦，但考到唔少資歷、證書。
重新裝備後，我再去搵工。結果僱主睇到我呢半年不斷進修，覺得我努力、肯學，終於請左我。我終於做到自己想做既工作，人工亦加左一倍，到約16000蚊，不過之後就減薪，減左千幾蚊，但對於當時既我，好似中左六合彩頭獎咁。
多左人工，但我無亂洗錢，第一個目標唔係買樓，而係還GRANT LOAN。由於我係大學時拎到相等於一年學費既獎學金，再加上我一直以黎既儲蓄，同埋慳慳埋埋既GRANT LOAN餘款，我終於係05年，比還錢期限早三年一次過還哂GRANT LOAN。雖然無債一身輕，但荷包亦輕到飄起，又要重頭再儲。
還哂GRANT LOAN，我終於可以計劃一下自己既財政。06年我同男友計劃結婚。佢同我都係公屋妹、公屋仔，無咩家底，於是要一齊儲錢，亦計劃買樓。我地都係慳家一族，環境最差既時候兩個人分一個美X快餐食，但日子就係咁過。而我係一年半以來努力做資料搜集，睇下有咩適合既樓盤。
係努力之下，08年我地終於係市區買左一層約200萬既樓。好多人都要求買新樓，但我卻只求安樂窩。雖然樓齡10多年，只有約五百呎，但兩口子已夠住。最開心既係單位兩個房都向海，真不枉我做左咁多資料搜集，去左咁多區睇樓，終於有自己既安樂窩。單位做九成按揭，首期都係20萬，連雜費約三十萬。由於我鎖定已裝修單位去睇，連裝修費都慳返。層樓按30年，月供都係8000幾蚊(連管理費)，對而家家庭月入約4-5萬蚊既我地，負擔不重。就算上年金融海嘯，我男友俾人裁員，靠積蓄都依然供得起。
而係呢幾年，除左買樓，我地仲係早幾個月前結左婚，婚禮所有洗費由我地負責;我仲係兩年前開始讀MASTER，今年結婚兼畢業。
係咁多年黎，我都無點投資股票，但依然可以做到結婚、買樓同埋讀書，同時每個月都俾家用屋企，一切全靠儲蓄同埋財政規劃。
係呢幾年，我放棄去買名牌、買貴衫、幾乎無去過旅行。可能你會覺得好難，但如果你真係想買樓，你就會放棄得到。到而家我結左婚、買左樓，有唔少朋友羨慕，而我而家仲有大把時間可以搵錢去買呢0的奢侈品，何需急於一時?相反我有唔少朋友成日換電話，又i phone又i pod,一年去幾次日本，但就歎樓貴買唔起，我真係愛莫能助。
大學生，其實就算唔係大學生，係出黎社會工作頭幾年一定係要捱，買唔起樓係必然既。係我打8000蚊一份工仲要還grant loan既時候，我絲毫無諗過要買樓。無咁大個頭，何解要戴咁大頂帽? 如果一畢業/畢業頭幾年就個個可以買得起樓，咁即係代表樓宇已經無價值，不買也罷!而家唔少同我同齡或者年紀比我小既80後大學生，拎住學位打份萬幾蚊既工，好似我當年咁怨天怨地。少不更事固然係原因，你當然可以繼續怨，而討論區都係俾你怨既地方，你無唔0岩，但世界唔會因你怨而停住，樓依然咁貴，或者更加貴，倒不如想想點樣可以裝備好自己，搵一份人工高0的既工作啦!希望睇完我既分享後，會幫到你。
當然，我都唔認同發展商起縮水樓，同埋認為政府應該復建居屋，等人地有多0的選擇。但經我呢幾年不斷搜集資料，其實港九新界都真係有唔少百幾萬既細價樓可以買架，你去中原地圖查下各區成交就一清二楚。所謂"上車盤"，即係樓既入門階，層樓買左係可以賣架嘛!暫時住住先，待價而沽，就可以換另一層大0的既樓啦!唔需要一買買成千呎新樓呀!如果幾年都唔將就，咁就真係到頭髮白都無辦法買喇!又前年、上年既價都唔高，咁點解之前唔買，今年貴先黎話買呢?簡直違反投資原則。而家每幾年就一次調整，想買樓既無需急於一時，可以儲多兩年錢，等平0的再買啦。如果你又嫌舊樓舊，又嫌面積細，但自己又係洗慣玩慣、講求生活品味既"月光族"，咁呢個應該係你既錯，而唔係社會既錯!
社會從來分等級，安居從來唔容易，唔係都唔會有「安得廣廈千萬間」之歎。我從小就係窮人，出世時住木屋，跟住係公屋，我唔會睇唔起窮人，我而家都只不過係個草根中產。窮人安貧樂道，要比富翁無病呻吟幸福得多，你睇不時有富豪自殺既新聞就知。60、70年代既窮，係指無飯開，就餓死;80年代打後既窮，卻係指買唔起樓，買唔起i phone、電腦。
如果我到今日都買唔到樓，仲係8000蚊人工，我依然會檢討自己有咩做得唔好，繼續努力。如果自己日日係個網罵人"onX"，但寫篇文章又白字連篇、文句不通，咁點叫人俾高薪請自己呢?人貴自知，我知道自己無能力買樓，就唔會買，而唔係怨政府、怨社會唔幫自己。細個既時候見到0的零食貴，買唔起，大人都會教細路儲錢買或者睇下第二度會唔會平0的啦!唔通走去同人嘈，叫人減價咩?不過話時話，而家0的家長又真係會自己自動幫細路俾錢，或者走去話人地，真係好笑!
為咩政府一定要幫我呢?人從來都係要為自己既生活負責架啦!政府真係要幫既，就係發展經濟、創造職位，而唔係派糖!你俾條魚人，不如教人捉魚，而家政府就係成日俾魚人，好多人唔識捉魚，就問政府拎，仲要埋其他野，我睇下點收科!一個乏善足陳既政府，搞到百姓無哂志氣，一味祈求幫助，悲哀!
我會繼續為自己既生活努力，我會繼續儲錢，但今次會儲黎投資，希望有第二、第三間物業，希望各位80後大學生都唔好再自怨自艾，繼續努力，希望你地都好快有自己既物業啦!
睇完我呢篇文，如果想話我"onX"，則可免，我唔會為你一兩句而有咩損傷，但可憐你依舊係一隻無殼蝸牛。如果我篇文能對你有一點啓發，就不枉我打字打到手軟!
歡迎大家轉載，但麻煩轉載前通知一聲或於轉載時登出原文連結:
我的blog http://hk.myblog.XXXXXXXXXXXXXXXXX (有新文章);
http://www29.discuss.com.hk/viewthread.php?tid=11711554&extra=page%3D1&page=1
謝謝!
==============================
睇得真係好有 feel！
畢業七年，我都係普通一個打工仔，唔識投資，只係儲錢。
我還哂 grant loan，讀左個 master，讀左個 dip。
同柴仔各自都要俾家用，向冇屋企人資助之下，我地買左樓，結左婚，去左日本渡蜜月。
我地點樣可以做到？ d 人點解做唔到？
諗下 d 人一年去幾多次旅行，拍拖時間做 d 乜食 d 乜，用緊既係乜野手袋，乜野型號既電話，著緊乜野衫衭，身邊有幾多樣野係必需品？
食好著好用好玩好，唔好同人怨冇錢賣樓。
向 facebook share 出黎，有人再 share，佢既朋友質疑係咪屬實。
我冇向佢果度回覆，費事好似搵交嗌咁。
口講「全部屬實，並非冇可能，只佢唔明白，我了解。」，心諗「你做唔到唔好話人唔得囉！」
Labels: 點睇
氣溫之謎
薄短袖 T，熱褲，天氣應該係好熱。
大冷頸巾繞頸幾圈，天氣應該係好凍。
但同一個人同一時間，身上穿薄短袖 T，熱褲，頸繞幾圈大冷頸巾...
小姐，你熱定凍？
Labels: 點睇
港女
第一次聽以下對話，笑到我死~
男：想食乜野呀？
女：無所謂呀，你話啦。
男：食泰國野丫？
女：我唔食辣架喎。
男：咁打邊爐丫？
女：咁熱氣！
男：咁鋸扒喇。
女：你知我唔食牛架！
男：咁你有乜提議？
女：我真係無所謂架...
Labels: 點睇
美滿婚姻有方程式
報紙又有好野睇：
**********
都市日報 2009年03月03日,星期二
英國一間婚禮策劃公司訪問3000位已婚男女，發現維持天長地久的奧秘，包括每天接吻、擁抱，每周最好行房3次，只要「照辦煮碗」，大家都可享有美滿婚姻！
專門提供婚禮策劃服務的網站confetti.co.uk，向3000多對已婚人士，詢問維持美滿婚姻的秘訣。調查顯示，婚姻長久的伴侶，多數經由朋友介紹，且婚前拍拖3年半，男方最好在31歲結婚，先生比太太年長兩歲零三個月，首名兒女最好在婚後兩年零兩個月出生。
除此之外，夫婦二人大多擁有兩個共同興趣、每天接吻4次、24小時內擁抱3次、每日最少說1次「我愛你」、每星期行房3次、每月享受兩次浪漫的燭光晚餐、每星期3晚在沙發上擁着看電視、每年準備兩次驚喜的周末活動、每年去兩次本地遊及一次外地旅行。
無論夫婦倆有多恩愛，仍應天天保持密切聯繫，即每天最少3通電話、簡訊或電郵。但大家亦要給對方適度的私人空間，故應讓另一半每月兩晚跟好友共度。
**********
好鍾意 "每星期3晚在沙發上擁着看電視"！
每星期七晚仲好！
呵呵呵~
Labels: 劃火柴, 點睇
圓明園文物
賣出左喇......
都唔明白......
我搶左你既，就係我既！
想要返咩！？
俾錢囉~
咩道理......
Labels: 點睇
頭頸癌
今日向兩份報紙睇到同一件事件既報導。
********************
蘋果日報：
標題：經常口交或致頭頸癌 傳播人類乳頭狀瘤病毒
經常口交，除會增加感染性病的風險，更可誘發頭頸癌包括舌癌、口腔癌。有腫瘤科醫生表示，近年口交引發的頭頸癌個案有年輕化趨勢，曾有一名年約 30 歲的年輕女病人患上舌癌到養和醫院求診，分析患者的生活習慣後相信癌症是由口交引發。另外，吸煙及飲酒也會增加頭頸癌風險。
養和醫院綜合腫瘤科中心主任張文龍指出，吸煙、喝酒及經常口交也是頭頸癌的高危一族。口交可傳播人類乳頭狀瘤病毒（HPV），引發口腔癌及舌癌，但與喉頭、聲帶及下厭等癌症的相關性則較低。他引述外國研究指，隨著口交在年輕一代逐漸普及，口交引發頭頸癌的個案也有年輕化趨勢。
延誤診治或須割聲帶
張文龍表示近年不時接獲與口交有關的頭頸癌個案，其中最年輕的個案為一名30歲出頭的女士，相信因經常口交而患上舌癌。他表示理論上子宮頸癌疫苗可預防HPV病毒感染，但未有醫學數據證實疫苗可預防HPV引發的頭頸癌。
他又指，口交引發的頭頸癌個案一般對電療及化療較敏感，治療成效較顯著，患者存活率也較高。口腔癌的病徵包括口腔發炎，潰瘍的黏膜多數呈白色，與「飛滋」相似，若症狀持續數周應接受檢查。患者若延誤診治，癌細胞隨時侵食會厭，再蔓延至聲帶，病人或須割聲帶保命。
本港每年約有1,600宗頭頸癌新症，其中200多宗屬口腔癌及舌癌。張文龍指，部份病人或須切除舌頭或聲帶，但大多數人難以接受，「有d病人講明唔好掂條利，話講唔到野等於死，割左聲帶就要發電聲，病人就變左機械人。」
新療法減死亡率30%
近年引入新式化療藥物組合，即在傳統組合加入藥物多西紫杉醇（docetaxel），外國研究發現，八成使用新療法的患者可在治療後三年內保留聲帶，比傳統的57.6%高逾兩成；新療法的患者生存期中位數達70個月，較傳統增加40個月，死亡率也可減30%。但整個新療程費用比傳統高三萬多元，而且毒性較高，增加白血球過低的風險。
煙齡逾10年，今年56歲的陳先生，兩年前發現頸部有個五毫子般大的腫瘤，初時在內地接受針刺檢查時測不出癌細胞，豈料腫瘤越來越大，兩個月前確診患上舌癌，並擴散到頸部淋巴，當時腫瘤直徑達8厘米。他接受兩次新式化療後，腫瘤直徑已縮至1.5厘米。
記者：白琳
********************
都市日報：
標題：頭頸癌新療法延長壽命
癌症是本港的頭號殺手，頭頸癌的新症超過1,600宗，死亡個案多達600宗，頭頸癌一向被視為較難治療、高復發率及生存機會偏低的惡疾。有研究發現，在現有的化學治療，加多一種藥物，再接受傳統治療，能有效延長晚期頭頸癌患者的存活時間，由40個月增至70個月。
養和醫院臨床腫瘤科專科醫生張文龍表示，頭頸癌包括鼻咽、鼻腔、口腔、咽喉、唾液腺等，暫時在本港未看到有年輕化的趨勢，不過，在外國有報道指，由於口交的情況普遍，增加人類乳頭狀過濾性病毒的感染，提高患癌的機會，由此感染的患者，年齡會較為年輕。
化療電療同步進行
現時治療頭頸癌的方法，主要是以手術、電療和化療，惟部分病人不接受切除器官手術，這些病人就只能接受電療和化療。
現時一般治療，會先進行「引導性化療」，即組合化療藥物作治療，若病人對化療組合反應良好，有助之後進行電療和化療混合治療，對需要進行咽喉手術切除的病人，並有助保留部分。
引導性化療成效佳
目前「引導性化療」只用兩種藥物，但在06年，美國發表一份名為「TAX324」的醫學研究，則運用三種化療藥物。該研究共招募了501名第三及第四期的頭頸癌患者，分別使用傳統的PF(順鉑和5－FU)化療組合，新組合則是在傳統PF組合，配合使特素療的TPF化療組合。
結果發現，TPF組合能提高病人的存活率，由40個月延長至70個月，有62％的患者可存活至3年，死亡率相對減少30％。
陳先生在兩個月前發現患上第四期舌頭癌，其腫瘤的體積有8公分大，惟他堅決不接受切除舌頭手術，故接受新的化療組合，現時已進行了兩次的治療，其腫瘤已大幅縮細。(都市)
********************
真係...語不驚人死不休...
Labels: 點睇
伊甸園
睇蘋果，有以下一宗報導：
==============================
婚 禮 場 地 伊 甸 園 被 追 租
【 本 報 訊 】 婚 禮 熱 門 舉 辦 場 地 「 伊 甸 園 」 ， 其 位 於 紅 磡 國 際 都 會 商 場 的 舖 址 ， 昨 日 遭 業 主 入 稟 高 等 法 院 ， 指 伊 甸 園 自 今 年 8 月 起 拖 欠 租 金 及 雜 費 等 近 60 萬 元 ， 要 求 法 庭 頒 令 將 舖 位 交 吉 及 清 還 欠 款 。 伊 甸 園 回 應 稱 ， 事 件 只 屬 租 務 糾 紛 ， 暫 未 通 知 已 落 定 租 用 場 地 的 準 新 人 ， 萬 一 被 迫 遷 ， 也 能 安 排 準 新 人 到 其 他 場 地 。
原 告 Vision Million Limited ， 被 告 為 富 大 企 業 有 限 公 司 。 入 稟 狀 指 原 告 於 06 年 8 月 將 紅 磡 國 際 都 會 商 場 7 樓 三 個 舖 位 租 予 被 告 經 營 伊 甸 園 ， 月 租 87,500 元 。 今 年 9 月 加 租 至 94,000 元 。 被 告 自 今 年 8 月 1 日 起 拖 欠 租 金 、 差 餉 及 管 理 費 等 共 59.6 萬 元 。 儘 管 原 告 不 斷 追 討 ， 至 今 仍 未 清 還 ， 令 原 告 蒙 受 損 失 。
伊 甸 園 董 事 蕭 永 豐 回 應 稱 ， 案 件 僅 涉 租 務 糾 紛 ， 他 們 因 原 告 違 反 租 約 已 另 外 興 訟 ， 暫 不 方 便 透 露 詳 情 。 他 強 調 ， 伊 甸 園 財 政 並 無 問 題 ， 惟 他 們 暫 未 通 知 或 會 受 影 響 的 準 新 人 ， 相 信 即 使 最 後 被 迫 遷 ， 也 能 安 排 準 新 人 到 其 他 場 地 舉 行 婚 禮 。
案 件 編 號 ： HCA1984/08
==============================
從來對呢間野冇乜好印象。
好彩我都唔係 book 呢間。
唔係我實訓唔著。
不過燈塔表妹 book 左喎。
想通知下佢，但原來佢已經做左野。
表妹，勁！
Labels: 婚姻註冊, 星期三緊, 點睇
層次
蘋果日報
2008-08-16
【本報訊】旺角嘉禾大廈發生五級大火已六日，但昨日現場仍瀰漫著一股哀傷氣氛。殉職消防員陳兆龍兩位胞姊，昨日致電香港電台節目《千禧年代》表示：「相信冇人想發生咁既事，兆龍係因為佢既職責，選擇咁去做，我地感到光榮，亦尊重佢既決定。希望嘉禾住客唔好覺得對我地有虧欠，唔好太介懷，希望佢地振作D去面對日後生活，努力去生活。」
陳胞姊又感謝各界捐款，但她表示：「爸爸媽媽既心意，同兆龍既心意，係留番兩個老人家夠用就可以，其餘我地會捐去慈善機構，之後各界人士想捐錢，可直接捐去慈善機構，社會上有其他人需要幫助。」
********************
純粹睇呢篇報導，我會覺得...
同樣有家人離世，
有人會怨會仇恨會要賠償。
有人看得開，還會安慰別人，仲會將有餘既幫其他人。
Labels: 點睇
媽媽周記
今日報紙小文章：
媽媽周記：孩子，請包容我們老了……
孩子，當有一天，父母變得囉囉嗦嗦時，請別忘記你們如何要求過我們一遍遍朗讀童話故事，一首首唱著兒童歌謠？
如果有一天，父母的記性變得差的話，請多多提醒，因為我們也不斷提點你們記得帶手冊、帶筆盒、帶功課。
當有一天，父母連自己吃飯的能力都沒有時，請包容我們，因為我們花了多少時間去教你們使用筷子，並一次又一次把掉在地上的食物拾起？
如果有一天，父母不懂得穿衣服時，請幫一幫我們，因為我們的骨頭變得僵硬了，雙手也沒法屈曲起來。還記得父母是如何小心翼翼幫忙穿衣服，生怕弄痛你們？
如果有一天，父母走路跌跌碰碰的話，請給予多一點耐性，慢慢扶著我們走，因為當你們學走路時，父母從不鬆懈牽著你們的手，一步一步向前走。
孩子啊！當有一天，父母連自行如廁的能力也欠缺時，請別埋怨，也別苦惱，把我們交託別人照顧吧，因為父母想保留唯一的尊嚴，在你們心中留下美好的回憶。
願天下的孩子永遠孝順父母。
突然有 dd 感觸
Labels: 點睇
胸襲10秒判無罪 全台仿效閃電性侵
今日的都市日報有以下一則新聞:
**********
胸襲10秒判無罪 全台仿效閃電性侵
榜樣 去年台灣彰化的一宗襲胸10秒的案件，被判定無罪後，全台陸續出現襲臀、襲胸、舌吻都控制在10秒內。
上個月初，台中市一名女子在電梯間，遭到襲臀，歹徒居然這樣對她說：「我只是摸你一下而已，摸你也不到5秒啊！」行政院長劉兆玄下令組成專案小組，並表達立場，要求改善。 (都市)
**********
撞鬼。
Labels: 點睇
內地試行人道屠宰
今日睇都市日報，有以下呢篇小文：
==========
《河南商報》報道，世界保護動物協會和北京朝陽安華動物產品安全研究所共同發起的中國人道屠宰計劃，前日在河南省啟動。
人道屠宰就是在動物運輸、裝卸、停留待宰及宰殺過程，採取合乎動物行為方式，盡量減少動物緊張恐懼。基本要求是在宰殺動物時，須先將動物「致昏」、使其失去痛覺、然後再放血使其死亡。
人道屠宰草案規定，卸豬台坡度要小於等於20度，讓豬緩慢上下車，以避免摔傷。豬圈四周有不透明圍牆，避免生豬看到宰割場景而恐慌。趕豬要用塑膠拍「哄著」走。讓豬看到同伴在不感恐慌。
最後宰殺步驟，電擊昏豬後，縮短處理時間，要在15秒內刺殺放血。報道引述專家指，研究表明，當豬恐慌會分泌一些不好的物質，令豬肉的質量受影響，而人道屠宰出來的豬肉，品質要更好。 (都市)
==========
滿口仁義，到頭黎，都只不過係滿足一己私慾。
唉。
Labels: 點睇
