生活點子

巴士熱線

等巴士返學，已經遲到架喇，仲等好耐都冇車，又近尾班車時間，所以我打去巴士熱線。
細個果陣都有打過，無無聊打去，問條無聊問題：「全香港有幾多個巴士站？」
仲記得個姐姐答我：「好多架喎！」
今次冇咁無聊喇，問佢架巴士幾耐一班車，點解咁耐都冇車，會唔會冇車。
佢同我講呢個時間既巴士唔係佢地負責，叫我打去第間公司問。
打到去，非辦公時間喎，勿打返轉頭再問囉。
另一個人聽，都想叫我打去第間公司。
我話「果度非辦公時間，冇人答到我。」
咁佢就幫我打去站頭問，果度話另一間公司未有車到。
佢都有試下幫我搵轉車，但都真係太隔 sip，冇乜好 choice。
傾左陣，佢再打去站頭，接返過黎就話「你唔好行開，開左架車喇！」。
呢架車...等左4x分鐘呀...

posted by ccming @ 11:50 pm