生活點子

樓上關水喉呀~

哎呀，收到消息話新居漏水，仲係漏到可以洗手果隻。
今朝就晨早碌去睇。
未至於可以洗手，但就真係間唔中滴下滴下咁。
通知管業處，管業處派個文員仔上黎睇下，影下相，要再等人 check。
我地搵哥哥出馬，都肯定唔到係樓上定平台滲過黎。
難搞難搞。

出荃灣睇傢俬。
柴柴求其搵架出城門隧道既巴士。
我先至知到出城門隧道轉車唔使錢。
嘩，大鄉里到丫。

睇蘋果傢俬同直銷。
蘋果傢俬 d 款好岩心水，好鍾意果隻黑橡木。
睇下書檯訂唔訂造到，問下價，嘩，幾塊木板既要三千幾蚊。
成個櫃都唔使咁貴。
荃灣呢間直銷 d service 同九龍灣果間好唔同架。
睇岩都唔向度買呀。

見 d 鞋特價，平平地有兩對。
柴柴買新鞋仔囉，一對返工，一對去街。
仲解決左佢有鞋冇衭同有衭冇鞋既問題。
行行下原來好多鞋店都特價，哈，笨左。
希望星期一會好天，唔使柴柴對新鞋受苦啦！

Labels: 一片瓦, 劃火柴

posted by ccming @ 11:09 pm