生活點子

可憐小公主

尋日睇完蘋果傢俬，今日我去去實惠刺探軍情，進行格價大行動。
真係平 d，嘻嘻。

收到亞東電話，佢地影完結婚相返黎喇。
佢話阿嬌試衫試左七個鐘。@_@"
幾日黎都冇乜人理佢，自已換衫自已set頭，但就幾個人圍住阿嬌。
日日都朝八晚七，都好支力好辛苦喎。
有日本人見到佢地影相，有祝福佢地。
又咁岩遇到攝影團，當佢地 model 咁影。
最搞笑係有香港人唔知佢地都係香港人，用廣東話講，話日本人都係咁影結婚相。
個幾月後到我影喇，唔知係點既呢~

同小公主小王子行街街，剪埋甲甲。
小公主爆甲滴血呀。
心痛死柴仔，心痛死我。
都唔知點算，即刻去搵醫生。
去到姑娘同佢睇睇，剪埋 dd 甲甲，都冇見醫生，又唔使俾錢就走咯。
好在唔大問題囉。

Labels: 劃火柴

posted by ccming @ 11:57 pm