生活點子

烏龍新外父

家姐聽日出嫁喇！
今晚向屋企搞上頭果 d 野。
爸爸同佢梳頭，口裡就話：
「一梳梳到尾，二梳兒孫滿地，三梳白髮齊眉。」
禮成。
覺唔覺有乜問題？
冇錯，就係個次序掉轉左囉。
睇咁多年電視，呢個情節出現過不下數十次啦，點會搞錯架。
仲話當年人地都係咁同佢梳...
人地冇電視睇就話錯姐...
定係...爸爸恨抱孫？

梳完頭有湯丸食。
係我最愛最愛、恨食左好耐既糖心湯丸呀！
嘩，幾多年冇食過呀！
正呀！

向屋企搞完野，我就同亞姨去酒店。
地方好企理喎，仲有源源不絕既熱水，可惜無可活動花酒，有 d 美中不足。
我今晚訓 sofa 床，我又唔認床既，實訓得到。
唔知準新娘訓唔訓到呢？

posted by ccming @ 11:59 pm