生活點子

沖涼一波三折

星期日訓晏 d，五點鐘左右起身啦。
天氣凍，諗住未收熱頭前沖涼。
爐都著左水都得架喇，亞姐打電話黎話準備去訂蛋糕。
咁唔沖得住啦。

訂完蛋糕，我就返屋企。
諗住食完飯個身暖暖沖涼。
爐都著左水都得架喇，亞姐打電話黎話去揀衫。
咁又唔沖得住啦。

去黃埔揀衫，佢地識人既。
揀左一件婚紗，一件晚裝，一件伴娘衫，新郎好似之後再揀。
本來諗住冇乜身材，揀 d 遮得密 d 既。
但試左 d 低胸露背既，效果又唔係咁差喎，係個花 b 班既背脊唔知點搞姐。
咁樣揀一揀，食埋宵夜，成點先返到屋企。
終於沖得涼喇~~

posted by ccming @ 11:22 pm