生活點子

Lunch

公司職員手冊：
午飯時間為十二時至二時期間的一小時

初初黎既時候，大家都唔需要理會呢條條例。
閒閒咁去食飯，再去埋 supermarket 先返公司。
上個月俾大大佬簽完 OT 後，出左個 email 話要我地注意 lunch time 係一小時。
不過我地當同返工一樣，食多左，勿放遲 d 工補返囉。
今個月，連補返都話唔得，遲就冇 OT。
嘩，好唔抵姐。
食開飯 d 同事又唔係個個有 OT，有果 d 個大恅(under 大大佬)又唔會簽得咁手緊，所以佢地仲係食得幾悠。
我就辛苦喇，要等佢地出左門口，諗到去邊，就返時間先再急急追上。
又唔想做食得最慢果個，免得佢地怪我遲去，唯有打開個肚倒落去。
食完仲要先走，急急衝返公司。
日日咁食法，望就望唔好壞胃，唔係真係唔得黎死。

不過...點講呢...如果唔係我，根本大家都唔使食得咁辛苦。
因為我係唯一一個俾大大佬簽 time card 而又有得 claim OT 既人。
架構問題...因為我，令到大家就住就住，真係唔好意思。

posted by ccming @ 11:06 pm