生活點子

51屆夏日婚紗及結婚用品展

又去結婚展喇！

行之前去麥當當食 lunch。
又傾下間屋既佈置。
諗諗下床尾有個空位，所以問下柴柴果度放乜野好。
俾佢笑我囉，話唔係每一個角落都要塞滿野架。
哈，住慣細屋係咁諗野架啦，要密鋪平面架嘛。

今次入去結婚展，主要目的係睇下婚禮攝影、租車同花球，其他都七七八八。
所以柴仔一路行，一路口up up "唔洗喇" "唔洗喇"，免得人塞傳單俾佢。
行過一間爵士紅酒，見賣 99 蚊支，柴仔一口肅亮腔「爵士紅酒，只需九十九。」，我差 d 暈低。
佢仲要一技兩用，經過三洋賣按摩椅，又講「行得支力咩，黎三洋坐下啦。」
笑死我。

睇花球，研究下鮮花好定絲花好。
一般柴仔只會答「你鍾意啦」，但今次佢話鮮花好。
佢咁肯定既原因，竟然係因為鮮花冇得俾我留低做紀念，少樣垃圾。
=.="

離開會展，經過轉角果間精品店物體，見到麥兜向度等緊我，所以埋去睇下佢囉。
一睇，不得了，佢竟然扮成咁：

真係好想帶佢返屋企。
想~

Labels: 劃火柴, 星期三緊, 結婚展

posted by ccming @ 11:33 pm