生活點子

笨人出手

向火車站行出黎間中學條斜路，見到個踏單車既女仔炒車跌左落坑渠。
見佢冇朋友向附近，所以我出手相助。
記得柴柴話過唔好扶跌低既人，要佢自己借我力起身，咁我照做囉。
問佢有冇電話，打俾佢 d 朋友，佢話冇，我又笨笨咁唔識借我電話俾佢打。
有個亞叔經過，睇佢個款應該成日踏單車既人。
佢走埋黎睇個女仔，拿哂抹紙同膠布出黎幫個女仔處理傷口。
我睇住亞叔整，同扶住個女仔囉，陰公，震架。
差不多搞掂，有個男仔就走埋黎，個女仔話係佢朋友。
咁 ok 啦，散。
我覺得呢件事好得意囉。
幾個唔識既人，突然企埋一齊去處理一件事，瞬既又各行各路。
可能幾十年後會認識呢個女仔，講起踏單車既事，講起炒車，講起當年有個笨蛋唔借電話俾佢打，然後就知道，我地曾經相遇...我就係果個笨蛋...
哈哈哈~

Labels: 點滴生活

posted by ccming @ 11:55 pm