生活點子

今日不宜

柴仔螞蟻搬家，但我總覺得呢隻螞蟻太心急，一次過搬太多，擔心佢會整親。
不過佢點會聽我講丫~
(俾說話你聽呀~)

執好個書櫃仔(六格櫃柴仔佔左五格喇！)，柴柴又玩下個坑渠。
不過都係冇起色。
唉！

個廳櫃既圖有得睇喇！
如果去睇圖，之後實冇街去。
所以我同柴仔講，話通勝話今日不宜留在家中。
(本通勝勿就係我寫架之嘛~ 哇卡卡卡~)
然後去荃灣行街街。

到荃灣，想打攪 SoSo。
哈，嚇親佢囉，話煲緊湯，打掃緊，下次請早喎。
其實咁樣又幾得意架喎。
如果真係可以同 d 朋友咁 casual 咁約，幾好。
不過有幾多人會行我地屋企附近丫。

柴柴帶我行吉之島。
買左支伸縮棒同兔仔花布，諗住掛向廚房隻窗。
諗諗下，我話佢有陰謀，等我下次又拿唔得多野返去。
但俾佢話返我轉頭囉，話我拿住塊布唔捨得放手，仲扮我揀布個樣(醜化左十倍)。
衰仔...

想去國貨公司買返上次見到隻碗。
柴仔念念不忘嘛。
但冇哂貨囉，買唔到...
買左 d 中式懷舊小甜品：雞蛋酥呀、花生酥呀...
好過空手而回啦~

Labels: 劃火柴

posted by ccming @ 11:30 pm