生活點子

登記做業主

約左柴柴今日返去登記做業主，同約埋個相熟既裝修師傅去睇屋估價。
但柴柴今朝竟然唔知醒呀！
呢個情況平時只會發生向我身上...今日太陽係咪由西邊升起呢！？
更令人難以至信既，係佢竟然仲早過我到。
究竟發生乜事...@@"

登記完師傅都未到，我地就向屋企樓下間茶餐廳試個早餐。
總括黎講，味道唔係太好，蕃茄好酸、咖啡 no good、麥皮冇味。
(30/10 後記：間餐廳已經執左)

睇屋。
我地既要求起係地板、鋪地磚、拆牆紙、油油、拆走廊假天花、重建廁所、重建廚房...
師傅畫下公仔，度下尺。
有 d 位都有俾下意見我地既。
聽佢講邊度會同我地執下，邊度點整，覺得佢都幾細心幾有要求。
都 ok 既。

搞完就同柴仔出左沙田。
去到 ikea 果邊，柴豬先話唔係好舒服，其實想飲水。
咁梗係即刻返火車站果邊買水啦。
搞笑既係，我地買左支好大好大既水黎飲囉。
真係"吹"水。

夜晚出旺角，約左 d 大學同學食飯，有幾個比較少見既都會到。
佢地圍埋講 d technical 野，我發覺我真係好 out。
加唔到咀又唔知佢地講乜。

食完個小肥羊，唔飽得黎仲勁凍。
成班去 bar 再食過。
咪講笑，真係有人叫個餐。
同大家講左我地兩個既婚訊。
其實大家都係咁上下時候啦，有個一月都結喇，有人又已經買左樓準備。
嘩，呢兩年實俾人炸死。

Labels: 一片瓦, 劃火柴, 書友仔 U

posted by ccming @ 11:15 pm