生活點子

細屋預覧

今日又放下晝假。
柴仔過黎同我一齊搭巴士去驗樓。

返到入去先食 lunch。
我地都不約而同諗住今日食 pizza hut 個滋味常餐，心有靈犀呢~

同經紀、今日仲係業主既業主一齊上樓睇睇。
之前間屋有傢俬，今日搬清哂，睇真 d。
柴柴，點解你間屋咁細既...嘻嘻...
其實都冇咩特別既，好快就睇完啦。
個舊業主搬上樓上，話如果有信可以轉寄去果個信箱。
之前又話搬出九龍既，而家變樓下搬樓上，大屋搬細屋？
唉，理得佢丫。

出返尖沙咀，去 Jack Creation 度睇睇，聽下佢地 sell，了解下 d 服務、收費。
冇即時 join，又係要諗諗。
個 2P1V plan 計埋晒相都幾貴下，過萬架。
但 1P1V 又冇相簿、又冇早拍晚播。
好似 d service 又少得滯。
等我掙扎下先啦。

講講下，原來柴仔已經覺得我向呢件事上大洗左...
冤...冤...枉呀...

Labels: 一片瓦, 婚禮攝影, 星期三緊

posted by ccming @ 11:19 pm