生活點子

巴士叔叔

今晚如常搭巴士返屋企，都如常訓左下半程。
但今晚係有史以黎搭得最遠既一次。
一打開眼已差不多到南昌站。
之前最多試過過一個站，今次過多左個幾站。
心諗，死啦，點返去呢？
行又靜英英，搭車又好唔抵。
車停站，落車又死，唔落車又死，結果走埋去問司機，點樣可以返西九龍。
司機問我係咪唔知醒，我老實話係啦。
佢就話如果行返去好遠，佢車我到總站搵另一架車車我返去。
嘩，呢隻援手實在令人太感動喇。

等佢泊好車，帶我上預備開果班車。
一路行聽佢指示，先感受到佢係好好心先會咁做。
因為佢係城巴既，帶我俾架九巴，叫我唔使出聲，扮係老友，講句唔該就得，唔使再入錢架喇。
又話我知見到乜到邊度落車，我應佢話我唔敢訓喇 (返返小西灣就...唉...)。
佢都冇同九巴司機解釋，講句唔該，同我 bye bye後就走左喇。
真係好多謝呢個司機叔叔，好 warm 呀！

posted by ccming @ 11:48 pm