生活點子

生日派對

明明駝駝差輸左，今日係佢走火警既，但話要開會，咁就交左個波俾我。
我呢 d 納米薯仔唯有聽命啦。
又二十層...

之後做野做到支力支力地，隻手 dup 下腰，駝駝問我係咪因為感冒。
我就講笑話...因為走火警...
佢既刻冇聲出，哈哈。

放工其實幾想返屋企，但之前應承左去同事 Gremlins 既生日派對。
佢地都知我唔係蒲人，初初 Gremlins 知我應承去，佢好似好開心咁，仲特登打電話俾我，多謝我，話係我俾佢最好既生日禮物，仲安排埋人幫我頂酒，咁我點好掃興話唔去呀。
不過我覺得事實係我去到反而掃佢地興囉。
一來我真係支力支力地啦。
二來有其他 department 既人向度，我又唔熟，冇乜兩句啦。
三來我又唔煙又唔酒又唔識差枚又唔唱K啦。
四來...唔使再講啦，以上三個都夠喇。
結果我襯換房果陣走人。
我諗下次都唔會再叫我...嘻嘻。

posted by ccming @ 11:52 pm