再見單身駱駱
今朝返工好險遲到呀。坐坐下巴士覺得唔對路，見到有的士即刻跳車。
梗係啦，十六號喇喎，仲有四日果三百蚊就袋袋平安，用十五蚊博三百蚊，博得過丫。
駱駱聽日結婚喇，今日仲有返工，仲派緊帖。
睇見佢就好笑啦，之前唔夠信封，我地仲要回贈 d 信封俾佢再用。
趕結婚趕到咁 lair hair，真係好笑。
今日唔咁晏放工咯，要去剪個頭髮嘛。
向巴士上面，有個老婆婆冇散紙，拿張一百蚊紙出黎搵人換。
我都有散銀既，但就冇一百蚊咁多。
有個師奶就冇咁散，但有一百蚊廿蚊紙。
結果係個師奶同個老婆換左先，佢再同我換廿蚊散銀。
跟住個老婆婆就坐低，同一個後生仔講佢唔舒服，叫個後生仔數夠錢幫佢去入。
成個過程我覺得好得意，但講唔出點解。
posted by ccming @ 11:39 pm
0 Comments:
Post a Comment
<< Home