生活點子

巴士之女

而家搭巴士返工，由於近出發站，通常都有得坐。
多數都揀下層唔近門果邊對坐位前一個位坐。
今日都一樣。
架車過左海之後，聽到有人話有人暈、唔舒服。
其實我睇得唔係好清楚，但知到係個女仔黎既，企向近門口位置。
架巴士就咁就停左向度。
有人叫個女仔放手，有人叫搵大隻佬幫手扶佢落車。
都擾攘左好一陣子。
我冇上前幫手，都唔知幫到 d 乜，急救又唔識，抬佢又唔夠力，乜都做唔到，感覺唔係咁好。
心入面好想知到時間，但係我都冇去睇錶，冇表示一絲既唔耐煩。
人地唔舒服嘛，我覺得如果我咁做，好似好冷血咁。
結果係有位女士向較後排位置，排除萬難咁迫左出黎，同另一位女士扶左個女仔落車，我地就繼續上路。
如果我係果個女仔，我會點呢？
自己好唔舒服，捉條柱，個心又覺得誤左成車人時間。
我會...希望冇人認得我...

posted by ccming @ 11:24 pm