生活點子

回歸九週年

好勤力呀！今日有少少雨我地都有去跑步呀！
跑新路線，因為跑開果條路頭頂有大黑雲。
呵呵，脂肪拜拜！

去同你會合既途中，我見到有個的士司機，訓左向架停定左、開左冷氣同關哂窗既的士入面。
我有 d 擔心架，好似話咁樣會死人架嘛。
好有衝動想上前敲佢窗，叫一叫佢，但我始終都冇咁做到。
因為我好怕會俾個的士佬鬧，好無奈。
請原諒我既膽小。

夜晚柴柴送我走既時候，路邊有一對神色不悅既情侶。
口花花既柴柴，向度講「唔好嬲啦，唔好嗌交啦。」
唔知佢地聽唔聽到呢？
話時話，我同柴仔好似冇乜嗌過交。
咁我就問佢啦「噫，記唔記得我地有冇嗌過交呀？」
我唔記得佢點答喇，只係記得即刻搵交嗌。
其中兩句係咁既：-
柴仔：「你腳短就行快兩步啦！」
我：「你腳長可唔可以行慢 d 就下我既姐！」
em...我見到有個路人甲聽到我地既對話然後偷笑...hehe

posted by ccming @ 11:52 pm