生活點子

吳卓羲

lunch 還左心願，去左間經過好多次但都唔係好敢入去既十蚊麵店度食左個雜河。
唔...冇下次囉，得行過既飄香，味道唔好。
食完野向住尖沙咀一路行，一路行一路上堂，個袋袋左好多錢。

約左舊同事聚舊。
初初話去唱K架，但柴仔唔好，所以我話不如搞第樣。
係既，唱K個個拿住支咪，聽下歌咁，都唔係"聚舊"。
食完飯去左 bar，我玩得好開心呀。
係咁玩遊戲嘛，拍大脾、蒙羅麗莎、傳大細波、呯bang嘩、分組鬥...
唔識飲酒，柴柴出馬。
其實我好想搵次有柴柴陪同之下飲下酒架...

夜咯，大家各自返屋企。
擔心趕唔趕到尾班車嘛，要頻頻撲撲就唔好啦。
你就掛心我安唔安全。
又唔係好夜之嘛，如果我果陣接受左放工放十二點果份工，你勿掛死？

posted by ccming @ 11:50 pm