生活點子

Friday Mood

星期五，但唔知點解一 d Friday Mood 都冇。
亞東都有咁既感覺。
仲要我地都有約人放工去街，應該好期待，好開心至係架。

我約左大學同學去食意大利菜。
有人叫左個西蘭花。
呢碟西蘭花緊要咯，可能係用外國空運到港既水黎煮，所以果兩“paul”未切既花仔要六十蚊。
恕我牛牛o趙牡丹，真係唔識欣賞。

談論工作。
唔知點解，我完全唔想提我轉工，結果我都真係冇講到。
問我係咪準時放工，冇乜野做，我都唔想去解釋。
四周黑媽媽，得頭頂有盞燈，孤島咁既感覺，有幾多個向呢個機構做既人會有。
一幢大樓，幾千員工，點解向我放工既路上永遠唔見有同路人。
係咪我應該諗，人人都唔使過 d 咁既日子，我要，係我有問題。
定係我應該安慰自己，搞成咁，只係因為資源錯配，唔關我事？
算，我唔應該咁怨。

談論生活。
有個同學半明半暗咁講佢既生活模式。
我覺得...em...唔知點講。
其實又唔關我事，燒唔到我，做乜好似咁咩咁姐。
做戲成日都有架啦，只不過今次係身邊既朋友之嘛。
但事實就係覺得...怪怪咁囉。
點解我既朋友會係咁架？
你話係平常事...em...係佢既平常事好喇！

posted by ccming @ 11:59 pm