生活點子

補假

由於上星期短週都返左工，今個星期大條道理要補放假。
咁岩，咁就可以就到時間做個煙煙喇。
由於煙既時間都好早，煙完都未係時候展開星期六既活動，有諗過唔知點等架。
不過煙完見到有個 sms，就知道問題已經唔存在，因為柴柴已經出左發喇。
為左我搞到咁早起身，辛苦你喇！

向旺角一帶游離，去奧海城解決午飯。
講兩個人夾唔夾，講左一套凹凸理論出黎。
凸就好似好有主見既人咁，相反，凹就好冇主見。
兩個人一凹一凸，tup tup 坎，梗係夾啦。
亞凸話要去食日本野，亞凹話冇所謂，咁就得左。
兩個都凹呢，得兩個接觸位，麻煩 d，拖拖拉拉。
亞凹一號話冇所謂，叫亞凹二號諗。
弊在亞凹二號又係咁講。
磨擦一次仲有一個接觸位頂住，多次就出事喇。
兩個都凸呢，得一個接觸位，好易玩完。
亞凸一號話食泰國野，亞凸二號話食上海野，結果，你自己食啦。
好似又講得幾岩...哈哈哈...

食完餐晏仔，返返去旺角既中心，睇下電話。
你個電話就跌壞左丫，我又就黎冇電話用。
睇岩一個既，但係好似好貴喎。
反反覆覆咁問，點解要買呢個？因為係“窗”囉！要“窗”黎做乜呀？ er...
結果諗左個絕招唔買住。
不過你呢個絕招一出，都幾難買到。

算啦，唔睇電話住，去老商場睇鞋。
上個星期病左冇去買嘛，怕再遲 d 落雨會唔舒服。
唔好奇怪點解咁快買到，唔使左諗右諗，其實之前一早睇左款架喇。
仲有，我重申呀，雖然我不至於係尖頭鞋，但都唔會係平頭鞋呀。

posted by ccming @ 11:45 pm