生活點子

任務失敗

一朝早柴柴自己北上拿埋個大相同七寸相簿。
等我訓晏 d，又唔使 side 車錢。
結果，相係拿左，但又係激氣既。
大相整左，冇左上次既瑕疵，有左另一個瑕疵。
七寸相簿，冇整過。
柴柴照拿，係費事再激氣，係事再 side 車錢。
唉，算啦。

同柴柴睇醫生。
近呢年我地兩個都病得好密。
又唔係財多，做乜身子咁弱呢？

終於等到劉德華條衭減返價，柴柴終於帶左佢返屋企。
為左試下個洗衣機，去買洗衣粉返屋企洗佢條新衭。
返到屋企，佢就通渠，我就研究洗衣機點用。
開左快洗，我就大安指意坐定定等。
柴柴倒完通渠劑過黎睇。
打開去水喉個廚櫃，仲話師傅做乜整桶水向度唔倒左佢。(果個櫃放哂用剩 d 磚、油同其他裝修野)
洗衣機一去水，弊，噴泉咁~
我地一直冇留意果度去唔到水！
所有裝修野要搬走，抹抹抹。
笨手笨腳既我幫手試水，嘩，仲大鑊，搞到個廚房好似海灘咁。
(我以前返大陸 training 都發生過洗衫洗出海灘事件，咁邪！？)
柴柴試，估計係外面塞塞地囉，星期一又要搵管業處。
封好 d 位，即管洗埋機衫。
變左洗衣機去水，洗碗盤就谷水，洗衣機停左去水，洗碗盤 d 水先慢慢走。
仲要自我安慰話多左個自動過水既洗碗碟機...=.="

睇返柴柴通渠果邊，又係失敗囉。
唉，都唔知點搞。
低層 d 水渠真係咁差！？

Labels: 一片瓦, 劃火柴, 婚紗攝影, 星期三緊

posted by ccming @ 11:45 pm