平安夜
今日五點就可以放工喇。不過柴仔都係冇得早放，我又唔願四圍行，所以都係留向公司。
預到咁上下走去地鐵站，入埋閘向月台等。
但收到柴柴電話，話佢未走得甩。
我怕留向地鐵入閘後範圍時間過長，所以自己先去尖沙咀。
柴柴都幾晏先至到呀，好多個地鐵出口都封左，搵好耐至出到黎。
其實叫做踏過下條彌敦道，都唔算睇左燈飾，就逆人流方向走。
去到佐敦已經成九點喇。
柴仔提議食澳洲牛奶公司。
呢間野 d 蛋好正架！
之後去左裕華睇被，想買蠶絲被嘛。
唔平架，千幾蚊。
記住價錢先，遲下再搵 d 國貨公司格價。
行廟街，好多濕碎小品。
見到鎖匙扣，柴仔問我要唔要買喎。
覺得奇怪，但係開心，以為柴仔肯用鎖匙扣，仲係同我用一對既鎖匙扣。
點知都唔係既，話扣房既鎖匙喎。
哈，我太了解佢~
posted by ccming @ 11:31 pm
0 Comments:
Post a Comment
<< Home