生活點子

蠶絲被

搵國貨公司搵到去荃灣。
一直以為地鐵站一出果度有一間，但原來已經消失左。
咪俾人聽到我地搵果間野 tim 呀，以為我地大鄉里出城...

搵另一間叫新中聯既國貨公司。
兜兜轉轉先搵到。
有我地想買果張蠶絲被呀，仲比裕華平40蚊。
買！
見到有岩心水既杯杯碟碟 tim 呀。
但諗諗下冇買住，睇下有冇第度平 d。

Shopping 大日子，洗埋 d 就過期既 cash dollar 先！
去百老匯買電動牙刷同風筒。
試牙刷果陣，我又有白痴野...
我發覺著就 ok，熄就次次都按唔到咁。
然後我問「乜咁難熄既？」
sales 同柴仔就用笑我係笨蛋既語調話「兩段速丫嘛」...
=.="

返去過左公屋個街市行。
唔見有頭先花呢碌果隻碗，但岩心水既花都有既。
唔買住！再睇！
係買到拖鞋囉。
之前都睇左好耐架喇，終於岩款。
以後返屋企就有拖鞋著喇！
好 warm 呢~

Labels: 一片瓦, 劃火柴

posted by ccming @ 11:43 pm