生活點子

燈塔表妹出嫁

向我結婚前九個月既今日，我個燈塔表妹出嫁喇！
朝早同佢爸爸媽媽一齊去酒店。
睇到兩個老人家都好緊張，第一個女嫁嘛。

睇玩接新娘...嘩...
唔使仔細形容，一講話要用絲襪套頭，我諗都好易想像。
兄弟都高叫利是要加碼，哈哈。

可惜我下午要返工，睇唔到佢行禮。
夜晚先 join 返。
唔知係咪因為柴仔向度搞搞震，聽新人致詞果陣我冇眼濕濕喎。
可能新郎哥講錯野又搞笑左啦。

燈塔表妹，恭喜你呀~
從此以後，Hello Kitty 就同高達幸福快樂咁生活落去喇~

Labels: 點滴生活

posted by ccming @ 11:49 pm