生活點子

柴小 D

今朝同柴仔睇醫生。
多人多到丫，17 號籌話 10:45 到，結果成 11:30 至輪到佢。
其他人就睇鬼咁耐，柴仔入去就仲快過...打針 (唔用佢個形容詞)

今日柴仔約左三個金蘭姐妹 lunch，有兩個以前坦過架。
就係睇醫生，所以遲左 d。
佢 d 金蘭姐妹聽到話咩睇醫生，就問係咪小王子或者小公主睇。
向佢地眼中，柴仔係唔會病架。
知道係柴仔睇醫生，又問係咪睇跌打。
向佢地眼中，柴仔一定係打架整親先睇醫生架。
哈，柴仔俾人既 image 就係咁架喇。

亞豆同 Apple 都結婚呀，講好多結婚既野。
佢地有講佢男友點求婚，又有講佢地朋友 d 經驗。
最好笑係有個入房熄燈，天花貼左夜光星星貼紙，話向星空下求婚喎。
聽落幾浪漫既，但如果女主角係我就慘喇。
我怕黑嘛，實大叫「做乜熄燈！」，咩浪漫氣氛都冇哂。

大家都認為千祈唔好俾男朋友帶去 d 結婚展覽，俾佢趁機話平，話差唔多就搞掂。
哈哈，聽到未呀~

我都有諗過柴仔點知我手指幾大。
要唔要好似電視廣告咁圈住隻手成日。
不過原來柴仔早有預謀。
好耐以前我有戴戒指架嘛，佢話佢拿過黎戴，大概知喎。
嘩，儲心積累呀。

行開上水，去睇下開操。
點知嚇親人，以為我地去放炸彈。
哈，即係好耐冇見 d 朋友，一打電話俾你，你就會諗佢係咪轉左行賣保險咁。

隨後我地走左去沙田逛逛。
講緊 d 資訊野，講起夜晚無線個資訊節目。
我一時間諗唔起果個節目叫咩事，問一問柴仔，又俾左個機會佢講粗口。

終於走左去 Pacific Coffee 歎咖啡。
好多年前返學經過，都好想入去歎下。
不過咁多年都冇去。
而家一人一杯，一杯焦糖味一杯津子味。
我唔識飲咖啡，冇乜要求，都幾好飲既。

經過戲院，柴仔之前話過想睇投名狀。
我又變左魔鬼。
佢自己成日講左"想"就算，係我成日捉佢去做。
買電話係咁，而家睇戲又係咁，嘻嘻。

開場喇，戲院熄燈。
哈，我同柴仔既諗返「做乜熄燈！」。
心靈相通呀~

Labels: 劃火柴

posted by ccming @ 11:34 pm