WII
呢幾日都唔係咁開心。今日見到柴仔，雖然冇講 d 咩，冇做 d 咩，但心情總算舒緩左。
究竟係 d 乜野魔力呢？
又越過高山又越過谷~
呢句歌詞真係好 match 我地今日既行程。
不過入到寶山空手回，得個睇字。
傍晚我就離開柴仔，因為我又有節目喇。
約左 E 記 d 人去小鳥企。
由上水飛小巴去屯門，飛到 100 個 bb 機係咁響，個心都驚驚地唔敢訓。
有個女人...唉...向飛緊 100 既時候同個司機講 xxx 有落。
我個心諗，雖然我第一次搭呢架車，都唔識路，但點都冇可能要係向飛緊 100 既時候就要叫落車。
結果，過左幾個字，我都落車喇，個女人個站係仲未到既......
請早揚聲姐，使唔使早得咁緊要呀？
噫，唔係喎，我仲早喎，我一上車就同個司機講我邊度有落，叫佢提我...嘻嘻...
去到小鳥屋企係咁玩 wii。
有四個手掣，四個人一齊玩，玩得超開心。
嘩，真係玩到手軟。
我地實在玩得太興奮喇，玩到俾人投訴有噪音 tim。
唔覺唔覺，已經好夜，到左要趕尾班車既鐘數。
飛的去西鐵站，趕得到尾二班車。
去到地鐵，都岩岩趕到尾班車。
好耐冇玩到咁唔知鐘咯。
posted by ccming @ 11:48 pm
0 Comments:
Post a Comment
<< Home