生活點子

到你換証喇

我今日好開心呀。

有得預約既第一日，柴仔己經報左名今日去換証。
但我都算冇記性咯，今日問點解我地約咁快去換，都唔記得當初係我自己話驚冇假去唔到。
好緊張架，剪過頭髮，著左有領既深色衫先去影架。
但係人地話，又冇人睇既，連自己都唔睇，使乜咁緊張。
係姐，都係執正 d 好。
應該係好快可以搞掂既，但咁岩果部模機有 d 問題，左 d 右 d 上 d 落 d，拎起再試過...手軟咯...

醫肚。
柴仔帶我入村，話要搵 d 地道野食。
結果真係有意外收穫，真係好意外，哈哈。
宏觀咁講，都得既。

仲係新廁所，所以四圍影相。
有80年代新城市廣場


有天空


有流水


有花花


有草草


有樹樹


有魚魚同龜龜


仲有屎到痺


我地既下午茶都好特別丫。
1.25公升既新奇士橙汁同燒餅。
邊行邊飲邊吃。
不過行公園果陣，唔覺唔覺俾人向我隻手起左幾個島。
有似非洲，又有似台灣。
好痕呀。

又去睇果 d 冇鞋櫃冇電腦位既屋企。
行行下，發現原來餐枱好岩要求，係放向果度會怪 d 囉。
行行下，發現原來有岩使又唔怪既選擇。
行行下，發現原來都好難放得落咁多野。
諗諗下，係咪應該擺第度呢。
諗諗下...噫...係咪諗多左呢...

posted by ccming @ 11:58 pm