耳水不平衡
朝早起身落床一陣，突然天旋地轉，暈得一陣陣。仲作哂嘔，成身標哂冷汗，辛苦到乜咁。
之後好返 d ，但都係請病假，唔返工。
以前都試過幾次係咁，最記得有一次係睇睇下《生死時速》個片頭就黎料，搞到我對呢套片有 d 陰影，想睇都唔敢睇。
冇睇過醫生架，今次都係為左張醫生紙先去睇下。
醫生話我係耳水不平衡，下？
佢問有冇之前覺得耳仔唔舒服。
噫，係喎，有呀，落床覺得耳仔怪怪咁，係搵棉花棒搞過架。
平時好間唔中都會有突然塞住左耳仔，有小小 vv 聲架。
我通常既反應只係用手按一按耳仔，好快又冇事既。
醫生話耳水不平衡冇咩病因，冇咩點預防，淨係叫我訓多 d。
咁講，即係唔關《生死時速》事啦，有機會試下先。
posted by ccming @ 11:55 pm
4 Comments:
hi，我之前都有呢個病，醫生又係唔知點解。宜家間唔中行行下到會失去平衡架...
請問樓上的女仔係邊個呀, nice to meet you....haha....溝下女仔先....呵呵
哇...作反呀...
罰你扭耳仔，頂痰罐，跪玻璃...
文革又黎啦....各位走呀....
Post a Comment
<< Home