生活點子

鬆一鬆

呢幾日幾忙下，今晚終於可以鬆一鬆。

為左今日要交既功課，搞左成個禮拜。
又係 Report d 野囉。
係自己衰既，積左咁耐，四個 M 加一個 Q 喎。
雖然做左成兩年喇，都唔慣要作呢 d 文。
掌握唔到個內容，次次作都好頭痛。

星期一交埋最後一個 M，抄埋之前兩個 Q。

星期二朝早有客到，setup、demo、收拾搞左成朝，lunch 都遲左成個鐘。
下午借左個 desktop 返黎，又要搞一大輪 setup。
之前一路都係用 notebook，但係太渣，頂唔住 VS。
放工前迫老闆睇我 d report，等我可以著手抄。
夜晚抄到手跛眼凸，中哂眼訓，都係抄得兩個幾 M。
支筆都抄到冇乜墨。

星期三上晝上堂，下晝返去要睇收貨檢測。
搞到成四點，之後係咁趕抄。
因為老闆星期四﹝今日﹞放假，搵唔到佢簽字。
要老闆遲收工，罪過罪過。

今日上晝都係上堂，下晝返去填埋 d 格仔就交功課。
始終都係放棄左一個 Q。
可惜，搵唔到個接頭人。
又唔放心就咁放向佢枱面。
唉，聽日先交。

早 d 放工，shop 下超市，有 d 搞作。
好想食杯朱古力新地開心下，但都係冇食到，慳 d 啦。
食飯前訓左覺，要好好叉下電，舒緩下 d 頭痛。

聽日，又要繼續廝殺。

posted by ccming @ 11:34 pm