生活點子

死亡

返學前跟AT同加男吃"下午茶"。
講完假冥婚，講到死。
好科學咁講，話人死左就好似電腦熄機。
一時話記憶會好似向 RAM 既 data 咁，一筆勾消。
一時話腦電波 wireless send d data 去 bb 既腦度，當係投胎。
但又估會唔會唔 compatible。

AT 認為呢個世界其實有好多個空間 coexist，只不過我地都見唔到。
最鍾意都係加男講果句，「唔覺意 short 左 circuit 就會見到」。

講自殺。
佢地唔明點解 d 人會有呢個念頭。
我又覺得冇乜問題。
未俾針拮過，拮又拮唔到肉既，又點會知痛。
我問過幾個感情上出問題既朋友有冇諗過死，答案都係有。
冇事發生，可以講呢個世界冇話邊個冇左邊個唔得。
根據一個我覺得佢好痛既朋友講，果一刻跳同唔跳，係好簡單。
我唔識學佢咁形容果個感覺，但我同意。
只係每個人既脆弱點唔同，有人為病，有人為錢，有人為感情。
我既理解係，死唔係解決問題既方法，但問題已經唔使去解決，至少唔使自已去解決。
係好自私，可能上唔到天堂。

另一個話題。
我諗佢地係隨口問下，但估唔到我既答案係有。
又唔明。我都解釋唔到。
只係我以後都唔會咁做，因為我應承過你。

posted by ccming @ 11:51 pm