生活點子

連環不幸事件

尋晚約左我既中學同學食飯。
發生左連環不幸事件...

首先我同亞飯行 Time Square。
meet 埋盟敬之後向我地既target出發。
由於目標明確，所以中途經過峰冇拿飛。
到板前拿飛，至知得四人坐位。
我地有五個人...

衰衰咁叫姓氏人會合我地前先去峰拿飛。
拿到250左右，但只係叫到百幾。

向世貿麥記食住等。
不時打去問下冧把。
亞飯好想食板前，都要望一望，問一問至安心。

再等都唔係辦法，退而求其次，等元氣。
等到到喇，先知冇卡位...
五個人一字形吃迴轉，玩咩，姞果去魚一丁囉。
唉...

老喇，一聚舊就講歷史。
但原來我地既記性都唔係咁好。
返學放學要唔要祈禱？
Form 幾開始有 prefect?
...最可惜既係冇人記得《斷橋歌》。

飯局後，我同姓氏人繼續下場，成點九先返屋企。
估唔到向蟲蟲可以坐咁耐唔俾人趕。
我地話題，已經進化左。
講工作，講理想。
一個要綠幽靈唔要紫水晶既男人。

posted by ccming @ 10:07 am